DANIEL 11:32 - Bukuit Ne Tilil

³² Imaas ineendet eng' mwaigutnateet che yaei yaityo kowechei kayomiset; ago piik che ingen Kamuktaindennywa ko kimegitu ak koyai poisyonik che kiimeen che kikwong'ee.

BUKUIT NE TILIL

³² Ak komaas inendet eng’ mwaikutnatet che yaei yaitio kowechei kayomiset: ago kimegitu bik che ingen Kamuktaindenywa, ak koyai boisionik che kimen che kikwong’e.

DANIEL 11:32 Referencias Cruzadas

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

NEEMIA 4:14

Ak ye ki ageer ole uu, ang'eet ak aleenji piik che taagunotiin, pounik ak piik tugul, “Amoiywei icheek. Obwaat Kamuktaindet ne Toroor ne oo ak ko po kamuiset ak oyai lugeet agobo tupchosyekwok, weeriikwok, tiibiikwok, osotikwok ak kooriikwok.”

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

KALEWANAIK 19:5

Ma kimetoi paoryatap lembech ama kibir; ak ma chilili ineendet ne mwaei lembechek.

KALEWANAIK 26:28

Wechei ng'elyepta ne mwaei lembech icheeget che kagoguoten; ak ibu ng'emisyet chiito ne chemwai kuut.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

DANIEL 11:21

Ak kogeer ineendet `chiito age ne kasasei, ne ki ma igoochi icheek teegistap pounateet, ago tuun nyoonei eng' peetuusyegap kaalyeet ak konam pounateet eng' mwaigutnateet.

DANIEL 11:34

Ye kagobutyo anyun, ketoreti eng' toreteet ne matya, ago namegei che chaang' ak icheek eng' mwaigutnateet.

SEKARIA 10:12

Agimiiti icheek eng' Kamuktaindet ne Toroor; ak kobendatee kainennyi, mwaei Kamuktaindet ne Toroor.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

NG'ANG'UTYET 6:11

Ki kigoochi age tugul eng' icheek ngoryeet ne leel; ak keleenji kota komuuny ne matya, kot kosulda koitetap che otwogik kobooto icheek, ak tupchosyekwak, che tuun kibarei ko uu icheeget.