TAUNET 40:20 - BUKUIT NE TILIIL Sireet ne Dutero Kanon

²⁰ Eng' peetuutap somok, koit peetuut ne ki kisige Pharaoh, koyachi igoorto otwogikyik tugul. Ak ki ieet riibindet ne oo ne po tuguuk che kieei, ak ne oo ne po kwang'set eng' otwogikyik.

Bukuit Ne Tilil

²⁰ Eng' peetuutap somok, koit peetuut ne ki kisige Pharaoh, koyachi igoorto otwogikyik tugul. Ak ki ieet riibindet ne oo ne po tuguuk che kieei, ak ne oo ne po kwang'set eng' otwogikyik.

BUKUIT NE TILIL

²⁰ Ak eng’ betutab somok, koit betut ne kigisige Parao, koyachi igorta otwogikyik tugul: ak kiieet ribindet ne o ne bo tuguk che kieei, ak ne o ne bo kwang’set eng’ otwogikyik.

TAUNET 40:20 Referencias Cruzadas

TAUNET 21:8

Ki eet anyun lakweet ak eng' peetuut ne ki kiluge ineendet, koyai Abraham igoorto ne oo.

TAUNET 40:13

kotomo kobata peetuusyek somogu koeetin Pharaoh, ak koweekyin poisyeng'ung', ak iwe inde eutap Pharaoh kigombennyi, ko uu ye ki cham iyae yu kita ko ii riibindennyi ne po tuguuk che kieei.

TAUNET 40:19

kotom kogeskei peetuusyek somogu kotil Pharaoh meting'ung', ak kosongininin eng' keetit, ak koam toriitik poortang'ung'.”

1 LAITORINIK 3:15

Kigos anyun Solomon, ak konai kole kaagaa karwotitoet. Ki nyo Jerusalem, ak kotonon eng' taitap moinget ne po arorutyetap Kamuktaindet ne Toroor. Ki igoito kagoochinoik che kibeelei ak kagoochinoigap kaalyeet, ak koyachi igoorto otwogikyik tugul.

2 LAITORINIK 25:27

Eng' kenyiitap sosom ak tisap ne po luuleetap Jehoiakin laitoryatap Judah, ye ki tau kolaitorane Ebil-merodak laitoryatap Babilon, ko ki ityaach ineendet Jehoiakin laitoryatap Judah komong' eng' korgoreet eng' arawetap taman ak aeng', eng' peetuutap tiptem ak tisap.

Kitabuutap JOB 3:1

Kingo pata chuuto kotwek Job ak kochup peetuutap sigeennyi.

TIENWOGIKAL 105:19

agoi peetuut ne ki isulda ng'olyoondennyi, ki tyem `ng'olyootap Kamuktaindet ne Toroor ineendet.

JEREMIA 52:31

Ak eng' kenyiitap sosom ak tisap kobooch ngeluul Jehoiakin laitoryatap Judah, eng' arawetap taman ak aeng', eng' peetuutap tiptem ak muut ne po arawanooto, kotyach Ebil-merodak laitoryatap Babilon eng' kenyiit ne po tai ne po laitornatennyi, Jehoiakin laitoryatap Judah, komong' eng' korgoreet;

MATAYO 14:6

Ago ye kingo it peetuut ne po kabwaatetap sigeetap Herod, koureren cheptap Herodias eng' kween, ak ki ibaibai Herod.

MATAYO 25:19

“Ye kingo pata peetuusyek che chaang', konyo kiptaiyatap otwogichooto, ak koiit kobooto icheeget.

MARIKO 6:21

Ki it anyun peetuut ne nyolu, ye ki yai Herod igoorto ne po peetuutap sigennyi, koyachi piikyik che eecheen, kiptainik, ak che taagunotiin che po Galilaya.