TAUNET 35:2 - BUKUIT NE TILIIL Sireet ne Dutero Kanon

² Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

Bukuit Ne Tilil

² Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

BUKUIT NE TILIL

² Kimwachi Jakobo anyun bikab gonnyi, ak tugul che kimi koboto inendet, kolenji, Olakte kanaamonik che mi kwenung’wong’ che bo bororiosiek alak, ak oanyingei, ak owal ngoroikwok:

TAUNET 35:2 Referencias Cruzadas

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TAUNET 31:19

Kichoor Rael kanamonigap kwandanyi Laban, ye kigawo Laban kotil koroorigap keechiirekyik.

TAUNET 31:30

Ago angen ale koitau panda, amu amin emo agobo kootap kwandang'ung', ago kilya si ichoor kanamonikyuk?”

TAUNET 31:34

Kingo kagoip Rael kanamonichooto konde tuguuk oriit che ki iitoe tambeesik ak kotebee. Ak ki isyach Laban ola tugul kosapsabat eng' emait ago ma nyoor.

TAUNET 34:2

Kingo keer Shekem, weeriitap Hamor ne po Hibiik, kirwoogindetap emonooto, konam koosup ineendet, konyeeree ak koteweer.

TAUNET 35:22

Ye kita komenyei Israel emonooto, kwo Reuben koruiyo ak Bila, chebaigeiyatap kwandanyi; ak ki kas Israel ng'olyoondonooto. Ki taman ak aeng' weeriigap Jakobo.

2 SAMUEL 7:23

Ngoro pororyet ne kergei ak piiguk Israel ne ki wo Kamuktaindet kotyakyigei koek piikyik ak koyachigei kainet? Ngoro pororyet ne ki yachi tuguuk che eecheen agobo okweek ak tuguuk che po kamuiset agobo emeng'ung' eng' taitap piiguk? Icheek che ki ityaach eng' Misiri koek cheguuk, ak eng' pororyosyek ak kamuktaikwak?

2 LAITORINIK 17:29

Ago kiga yai pororyet age tugul kanamonikwak, ak konde kooriigap komoswek che torooreen che kiga teech Samarik, pororyet age tugul eng' nganasookwak che ki menyei.

2 LAITORINIK 5:10

Ki iyookto Elisha chiito kwo ole mi ineendet, kwo koleenji, “Ui iunge eng' Jordan konyil tisap, ak weekyiningei kogeny poortang'ung', ak itiliiliitu.”

1 ATEPTAP PEETUUSYEK 16:26

Amu kamuktaik tugul che po piik koma tilei kiy; ago kiyaei Kamuktaindet ne Toroor kipsengwet.

Kitabuutap JOB 1:5

Ye kingo keskei peetuusyekwak che po igoorto, ko ki iyooktoi `Job icheek ki anyiny. King'eetei karon miising' ak kogoito kagoochinoik che kibeelei ko uu koitetap icheek tugul kobwaati koleen, “Abeere kogoyai weeriikyuk tengek ak koeesyo Kamuktaindet eng' mugulelwekwak.” Ki yaei Job ko uu nooto kotugul.

TIENWOGIKAL 51:2

Iundoena inne tengektonyu, ak itiliilo eng' ng'oogistonyu.

TIENWOGIKAL 51:7

Iunena husop, si atiliilit; iuna, si atiliilit kosiir teluji.

KOMONG'U 19:10

koleenji `Kamuktaindet ne Toroor ineendet, “Chortegei ui ole mi piik ianyiny icheek ra ak mutai ak ingomwet ngoroikwak.

KOMONG'U 19:14

Ki choortagei Musa anyun kwo ole mi piik, kwo koanyiny icheeget ak kimwet icheek ngoroikwak.

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

AMDOINDET 5:1

Riip keeldong'ung' ye iwendi kootap Kamuktaindet; amu kaigai keriikyi si kegas, kosiir koroseek che igoitoi piik che perber; amu ma naei icheek kole yaei yaityet.

ISAIAH 1:16

Ounge, otiliilgei; oiste yaityetap poisyonikwok eng' tainnyu; osisye, amatata oyai yaityet,

ISAIAH 52:11

Oba, oba, omande eng' olooto, amat otwaa kiy ne ma tiliil; omande eng' kwenunnyi; otiliiliitu, okweek che oibe tuguugap Kamuktaindet ne Toroor.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 16:20

Tos yachingei chiito kanamonik, che ma kamuktaik?

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

EZEKIEL 20:7

ak ki amwachi icheek aleenji, Ingometo chii age tugul eng' okweek tuguuk che kiwechei che kochamei konyekyik, amat ong'wanitegei kanamonigap Misiri: aa Kamuktaindet ne Toroor Kamuktaindeng'wong'.

EZEKIEL 36:25

Ak abisenok peek che tiliileen, si otiliiliitu: ak aundawok simdang'wong' tugul, ak kanamonikwok tugul.

ATEPTAP LAWIK 15:5

Ak mwetei chii age tugul ngoryennyi ne twaei itogunnyi, ak kouungei eng' peek, ak murwoniitu agoi koimen.

ATEPTAP LAWIK 17:16

Ago ngo ma mwet, anan ngo ma iungei, kotebee ineendet anyun tengektanyi.”

KAITOSYEK 31:24

Eng' peetuutap tisap omwet ngoroikwok ak oanyinyitu. Ye ibata obwa nganaseet oriit.”

POISYONIGAP CHE KIYOKTOI 19:26

Ogeere ak ogase ole, ma eng' Epheso kityo ago neegit Asia tugul, kagochuut piik che chaang' Paulo-iniito, ak koweechi, koleenjin chooto ki kiyae eunek koma kamuktaik.

1 KORINTOEK 10:7

Amoegu che saaei kanamonik, ko uu alak eng' icheek; ko uu ye ki kisir keele, Ki tep ng'wony piik koamis ak koe, ak kong'eetyo kourerenso.

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

GALATYEK 4:8

Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

NG'ATUTIK 11:28

Ago egu chubisyet ngo mogas ng'atuutigap Kamuktaindet ne Toroor Kamuktaindeng'wong', ngo maste eng' ooreet ne kaang'atak rani, osup kanamonik che tomo onai.

NG'ATUTIK 32:16

Ki igoochi koam ng'etkonda amu kamuktaik che teer, kitach eng' kanamonik che kiwechei.

NG'ATUTIK 5:7

Amecheeng'jigei kamuktaik alak kobatena aneege.

NG'ATUTIK 6:14

Amosup kanamonik agot che po pororyosyek che neegiteenok,

NG'ATUTIK 7:25

Obeel kanamonigap kamuktaikwak, amat igase myat fedha anan thahabu che mi kanamonichooto, anan iipchigei si ma riichin amu wechei nooto Kamuktaindet ne Toroor Kamuktaindeng'ung'.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

JOSHUA 23:7

si mobe kwenutap pororyosyechu chuuto kong'et eng' kwenung'wong' anan omwa kainaigap kanamonikwak anan oyosye eng' icheek anan oot anan ogutung'ji.

JOSHUA 24:14

“Oiywei anyun Kamuktaindet ne Toroor ak oboisyechi ineendet eng' muguleldo ne ma tinyei keniisyet ak eng' imanit. Oiste kanamonik che kiotei kwanisyekwok eng' aineet pitoniin ak eng' Misiri, ak oboisyechi Kamuktaindet ne Toroor.

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

JOSHUA 24:2

Yeityo kong'alaal `Joshua ak koleenji piik tugul, “Kamwa ko uu ni Kamuktaindet ne Toroor, Kamuktaindetap Israel kole, Ki menyei kwanisyekwok keny aineet pitoniin; che icheeget ko Tera kwandap Abraham ak kwandap Nahor ak kiotei kanamonik.

JOSHUA 24:20

Ngot omete Kamuktaindet ne Toroor ak oot kamuktaik che too, koweeksei anyun ak koyaiywok ne ya ak kogeswok, ago kiga koyaiywok ne myee.”

JOSHUA 24:23

Ara anyun, oiste kanamonik che too che mi kwenung'wong' ak otokyi mugulelwekwok Kamuktaindet ne Toroor, Kamuktaindetap Israel.

JUDA 1:23

osaru alak ye ong'usu komong' eng' maat; ak oriree alak eng' kaiyweisyet; ye oweche agot ngoryeet ne kagomurwoniit eng' poorto.

KIRUOGIK 10:16

Ki isto anyun kanamonik che too eng' kwenunnywa ak koot Kamuktaindet ne Toroor. Ak ki iimak saboondanyi amu nyalildap Israel.

RUTH 1:15

Koleenji `Naomi Ruth, “Keero, kagoweek kwondap pomurtang'ung' kwo ole mi piikyik ak kamuktaindennyi. Weektegei aginye! Isup ne po pomurtang'ung'.”

1 SAMUEL 16:5

Ak ki le, “Ee, anyoone eng' kaalyeet, kanyo aeng'ji Kamuktaindet ne Toroor. Otabaange anyun ak obwa keebe ole atisisye.” Ak ki itabaan Jesse ak weeriikyik ak koguur icheek kobwa ole tisiisyee.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”