ROMANIK 8:3 - BUKUIT NE TILIIL Sireet ne Dutero Kanon

³ Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

Bukuit Ne Tilil

³ Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

BUKUIT NE TILIL

³ Amu kit ne kima imuch Ng’atutiet koyai, amu nyaluletab borto, koyok Jehovah Werinnyi eng’ kergeindab bortab tengek si koek kagochinet ne bo tengekto, kogikyi tengekto eng’ borto:

ROMANIK 8:3 Referencias Cruzadas

KAITOSYEK 21:9

Ki itaany anyun `Musa ereneet ne po sugunwet ak ki inde keetit ak kootonon. Ngo sus ereneet chii age tugul, ak konyal erenanooto po sugunwet, kosap.

KAITOSYEK 28:22

Ak koek kwesta agenge kagoochinetap tengekto, si keyaunenok kagaigaet.

MARIKO 15:27

Ak ki igartaat rebiik aeng' kobooto ineendet; age eng' eunnyi ne po tai, ak age eng' eunnyi ne po kaataam. [

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 9:24

Ki kuur anyun ne po aeng' pichooto chiichooto ki koraat, ak koleenji, “Igoochi Kamuktaindet kalasunet: kingen keele kiptengekyo chiichi.”

POISYONIGAP CHE KIYOKTOI 13:39

ak kiityin imanda eng' ineendet age tugul ne iyani, eng' tuguuk tugul, che koma komuuchi koiityok imanda ng'atuutyetap Musa.

ROMANIK 3:20

amu ma mi chii ne kiityin imanda eng' tainnyi eng' poisyonigap Ng'atuutyet: amu punu naetap tengekto Ng'atuutyet.

ROMANIK 6:6

kingen ni, keele ki kigartaat chiinyo ne po keny kobooto ineendet, si kong'emak poortap tengek, si mata koratech tengekto kogeny.

ROMANIK 7:18

Amu angen ale eng' anee, nooto ko eng' poortanyu, koma menyei kiy ne myee: amu mi chameet kobooto, ago ale ayai nooto myee, koma yae.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

ROMANIK 9:3

Amu kata amache ale king'wanita aneendet eng' Kristo agobo tupchosyekyuk, che piikyuk eng' poorto;

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

GALATYEK 3:21

Tos kirindoi Ng'atuutyet arorutigap Kamuktaindet? Achicha, ma uu nooto: amu nda kiga kigon Ng'atuutyet ne imuuchi kosoop, ta kibunjin imanda Ng'atuutyet.

PILIPIK 2:7

ago kiyaigei ineendet koek puch ak konam itoondap otwogindet, kogergeit ak piik;

HEBRANIK 10:12

ago tisiindoni, ko ye kingo kagogoito tiseiywot agenge agobo tengekwogik agoi koigeny, kotebee anyun eutap tai ne po Kamuktaindet;

HEBRANIK 10:14

Amu ki koyai koek che ititaatiin agoi koigeny eng' kagoitoet agenge icheek che ki kitiliil.

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 4:15

Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.