NG'ATUTIK 31:17 - BUKUIT NE TILIIL Sireet ne Dutero Kanon

¹⁷ Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

Bukuit Ne Tilil

¹⁷ Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

BUKUIT NE TILIL

¹⁷ Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

NG'ATUTIK 31:17 Referencias Cruzadas

1 LAITORINIK 8:57

Ingotep Kamuktaindet ne Toroor, Kamuktaindennyo kobootech ko uu ye kimi ak kwanisyekyok; amat kobagaaktech anan kometech.

2 LAITORINIK 22:13

“Oba, oteebwa eng' Kamuktaindet ne Toroor, ak agobo piik, kobooto Judah komugul, agobo ng'aleegap kitabuuni kaginyoor. Eechen nereegegap Kamuktaindet ne Toroor che laldos agobo acheek amu ma kas iit kwanisyekyok ng'aleegap bukuini, koyai ko uu tugul che ki kisir agobo acheek.”

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 21:10

Ki ingelel anyun Edomik kobagaakta pounatetap Judah agoi rani. Ki ingelel agine Libna eng' peetuusyechooto, amu kiga kometo Kamuktaindet ne Toroor, Kamuktaindetap kwanisyekyik.

2 ATEPTAP PEETUUSYEK 24:20

Ki nyoonji `Kabuusetap Kamuktaindet ne Toroor Zekariah weeriitap Jehoiada tisiindet; ki tonon eng' ole toroor ak koleenji piik, “Kale Kamuktaindet: Amu nee si obistoe ng'atuutigap Kamuktaindet ne Toroor, si mobor? Amu ki omete Kamuktaindet ne Toroor, ko kagometook ak okweek.”

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

Kitabuutap JOB 13:24

Amu nee anyun si iuny togeng'ung', ak iita ile aa punyondeng'ung'?

Kitabuutap JOB 34:11

Amu yaakyin chiito ko uu poisyonikyik, ak kogoochi chii age tugul konyoor ko uu ortinwekyik.

TIENWOGIKAL 104:29

Ye keuny togeng'ung', kotoptobenso; ye inemu kabusennywa, kobegu icheek, ak koweektagei temburyekwak.

TIENWOGIKAL 2:12

Oming'inityigei weeriit si ma nereech, ak olusye eng' ooreet, amu imuuchi konereech miising' eng' chokyinet. Iberuurotin icheek tugul che imang'u ineendet.

TIENWOGIKAL 27:9

Ameung'ena togeng'ung'. Ameiste kiboityondeng'ung' eng' nereegek; inyee ne ki iegu toretindennyu. Ameona, amemeta, ee Kamuktaindetap yetunennyu.

TIENWOGIKAL 30:7

Eng' chameng'ung', ee Kamuktaindet ne Toroor, ko ki igoono atonon ko uu tulweet ne kiim. Ago ye ki iuny togeng'ung'; ko ki aiyweisye.

TIENWOGIKAL 44:10

Kegoonech kemwee puunikyok, ak kanyabanjigei che wechech tuguuk che luulei.

TIENWOGIKAL 89:46

Iunyegei kot kotyanit, ee Kamuktaindet ne Toroor? Laldos nereegeguk ko uu maat kot kotyanit?

TIENWOGIKAL 90:11

Ng'oo ne ingen kimnateetap nereegeguk, Ak nereegeguk che ng'woneen, ko uu ye nyoljin kiywein?

ISAIAH 2:6

Amu ki ibagaakte piiguk, kootap Jakobo, amu kigonyi icheek pitonwegap kong'asiis, ak ki koek icheek chepsogeinik ko uu Philistiik, ak konamgei eunek koyasyechigei ak lagogap toek.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

ISAIAH 63:17

Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

ISAIAH 8:17

Si agen Kamuktaindet ne Toroor, ne unyei togeennyi si ma keer kootap Jakobo, ak amang'u ineendet.

JEREMIA 23:33

Ye teebenen pichu, anan ko maotyot, anan ko tisiindet, koleenjin, “Nee mileetap Kamuktaindet ne Toroor?” Imwachi anyun ileenji, “Okweek mileet! Atimdok,” mwaei Kamuktaindet ne Toroor.

JEREMIA 23:39

nooto anyun, ogeero, autyenok agoi, ak atimdok, kobooto nganaseet ne ki agoonok ak kwanisyekwok, obe eng' tainnyu:

JEREMIA 33:5

Pwoonei kobaregei ak Kaldeik, ago kinyiiti muuswek, che ki abar eng' nereegekyuk ak eng' nereegekyuk che ng'woneen, ak icheek tugul che ki aung'e togeennyu tengekwogikwak eng' nganasani.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

JEREMIA 40:2

Ki nam anyun kiptaiyatap riibiik Jeremiah, ak koleenji, ki mwa Kamuktaindet ne Toroor Kamuktaindeng'ung' yaityoni agobo olito;

JEREMIA 8:19

Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.

HOSEA 10:4

Mwaei icheek ng'aleek che po puch, iyastos eng' lembechek koyaei arorutik: piitei anyun kirwooget ko uu keetit ne ng'waan eng' mbareet ne ibatat.

HOSEA 9:12

Agot nganda igui lagokwak, agoochini kobegune lagok, si ma ng'et chii. Ee, pwo iman eng' icheek, ye amete icheek!

MIKAH 3:4

Ye ibata koriirchi Kamuktaindet ne Toroor, ago mawoljin: ee, ung'e togeennyi icheek eng' peetuusyechooto, ko uu ye ki yai yaityet eng' poisyonikwak.

KAITOSYEK 14:42

Amat otogoste amu ma mi Kamuktaindet ne Toroor kobootok, si ma parak koterteerak eng' puunikwok.

NG'ATUTIK 29:20

Ma metoi Kamuktaindet ne Toroor chiichooto ago iyenjin chiichooto nereegek ak ng'etkonda che po Kamuktaindet ne Toroor ak kotebee chiichooto chubisyoni tugul ne ki kisirchi kitabuuni ak kobukto Kamuktaindet ne Toroor kainennyi eng' kurereetap kipsengwet.

NG'ATUTIK 30:18

aboorwok rani ale olustosi iman ak koma chaang'itu peetuusyekwok eng' emet ole olang'jini eng' Jordan iwendi inam.

NG'ATUTIK 30:19

Kaaguur kipsengwet ak ng'wony kobaoryanjok rani ale, kande taing'ung' saboondo ak meet, kaberuret ak chubisyet. Lewen saboondo anyun, si isap, inyee ak iyoteng'ung'.

NG'ATUTIK 31:18

Aunye iman togeennyu peetuunooto amu yaitwogik tugul che ki yai amu kaweektagei koot kanamonik.”

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

KIRUOGIK 10:6

Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.

KIRUOGIK 6:13

Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”