NG'ATUTIK 28:63 - BUKUIT NE TILIIL Sireet ne Dutero Kanon

⁶³ Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

Bukuit Ne Tilil

⁶³ Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

BUKUIT NE TILIL

⁶³ Ak ko u ye kibaibait Jehovah eng’ okwek koyaiywok ne mie, ak kotesak; u noto boiboitu Jehovah eng’ okwek kolusak, ak kowong’wok; ak kitutok eng’ emet ne iwendi iname kobunjin.

NG'ATUTIK 28:63 Referencias Cruzadas

TAUNET 6:7

Ak ki mwa Kamuktaindet ne Toroor kole, “Abare awong'u piik che ki ayai eng' ng'wony komugul; kong'etee chii, kiyagiik, che ichuutegei ng'wony agoi toriit alak tugul che po parak; ki mata myee ayai icheek.”

TIENWOGIKAL 119:68

Ii myee, ak iyae ne myee; ineeta ng'atuutiguk.

KALEWANAIK 1:26

Arorye eng' peetuutap nyalildang'wong', achotisyei ye kanyo kaiyweisyeng'wong',

KALEWANAIK 2:22

Ago ki istoi piik che yaacheen eng' emet, ak kitutu eng' emet che yaei kaberberisyet.

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

ISAIAH 62:5

Amu ko uu ye ituni mureno pergeiyat, uu nooto tuun itunin weeriiguk: ak ko uu ye paibaitu sandet eng' murereet, ko uu nooto, tuun poiboitu Kamuktaindeng'ung' eng' inyee.

JEREMIA 18:7

Eng' peetuut ne amwae agobo poror age tugul, ak agobo pounateet age tugul, ale atut, ak abut ak ang'em;

JEREMIA 24:6

Amu ageere icheek si kotep eng' myeeindo, ak amutu kogeny kobwa emoni: ak ateech icheek, ak ma abute; amiine, ama atutu.

JEREMIA 31:28

Ak ko uu ye ki ariip icheek si kobiit atut ak agabui ak ang'em, ak anyaliil, ariibe anyun icheek ko uu nooto si kobiit ateech ak amin, mwaei Kamuktaindet ne Toroor.

JEREMIA 31:40

Ak koek ne tiliil eng' Kamuktaindet ne Toroor atebweet komugul ne po muuswek, ak ne po oreek, ak mbareenik tugul che itei kererutap Kidron, agoi luuita ne po ormariichetap paraisiit ne tokyingei kong'asiis; ma kitutu, anan kebut kogeny agoi.

JEREMIA 32:41

Ee, aboiboitune icheek ayachi ne myee, ak amin icheek eng' emoni iman eng' muguleldanyu komugul ak eng' saboondanyu komugul.

JEREMIA 42:10

Ngot kota omeny emoni, ateechok anyun, ama abutok, ak aminak, ama atutok: amu kaawal kabwaatutikyuk eng' yaityet ne koayaiywok.

JEREMIA 42:2

ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

JEREMIA 45:4

Mwachi anyun ineendet ko uu ni, ileenji, mwaei Kamuktaindet ne Toroor ko uu ni kole: Keero, abute ne ki ateech, ak atutu ne ki amin; ak ayae niito eng' emet komugul.

RIREKAB JEREMIA 2:9

Isuwe kobendi ng'wony ormariichokyik; ki ng'em ak koiri temeleiywekyik. Mi laitoryandennyi ak pounikyik kwenutap pororyosyek ole ma mi ng'atuutyet; ma nyooru maotikyik ng'ang'utyet ne punu Kamuktaindet ne Toroor.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

EZEKIEL 5:13

Isuldoi anyun nereegekyuk ko uu nooto, ak anereekyini icheek eng' nereegekyuk che ng'woneen, kot koyama, si kigaigaa: si konai icheek kole anee Kamuktaindet ne Toroor ne ki ang'alaal eng' kagiilennyu pogei, ye kaayai nereegekyuk che ng'woneen kosulda eng' icheek.

AMOS 5:3

Amu mwaei Kiptaiyat Kamuktaindet ne Toroor kole: “Nganaseet ne kocham komandoe piik eliphuut kong'etyin pogolu, ak ne kocham komandoe piik pogolu kong'etyin tamanu.” Ng'etyin chooto tugul kootap Israel.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEPANIA 3:17

Mi kwenung'ung' Kamuktaindet ne Toroor Kamuktaindeng'ung', ineendet Kiplugotyot ne koonu katerteerisyet. Poiboitunenen eng' poiboiyet, siisei eng' chamyennyi. Poiboitunenen eng' tyendo,

LUKA 15:32

Ago kanyoolu keboiboitu ak kigaske: amu kiga kome weeri otupche, ago kagosap kogeny; kiga kobet, ago kagobiit.’ ”

NG'ATUTIK 30:9

Yain `Kamuktaindet ne Toroor Kamuktaindeng'ung' iegu ne tinyei chaang'indap perurto eng' poisyonik tugul che po euneguk, eng' iyoteng'ung', eng' iyoteetap tuguuk ak eng' ruroteetap emeng'ung'. Amu tuun poiboitunenen Kamuktaindet ne Toroor kogeny koyaun ne myee, ko uu ye kibaibaitune kwanisyeguk,

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

NG'ATUTIK 7:22

Oone ko mutyo Kamuktaindet ne Toroor Kamuktaindeng'ung' pororyosyechooto eng' taing'ung'. Ma kichamun ibar iwong'u tugul eng' kasarta agenge ndabuch ko chang'achin tyong'igap timiin.