MATAYO 9:27 - BUKUIT NE TILIIL Sireet ne Dutero Kanon

²⁷ Ak kingo siirto Jeso kwo eng' olooto, koosup ineendet kipkoratinik aeng', kowaagoti koleen, “Rireneige, ee weeriitap Daudi!”

Bukuit Ne Tilil

²⁷ Ak kingo siirto Jeso kwo eng' olooto, koosup ineendet kipkoratinik aeng', kowaagoti koleen, “Rireneige, ee weeriitap Daudi!”

BUKUIT NE TILIL

²⁷ Ak kingosiirto Jesu kwo eng’ oloto, kosub inendet kipkoratinik aeng’, kowaagoti kolen, Rireneige, ee weritab Daudi.

MATAYO 9:27 Referencias Cruzadas

MATAYO 1:1

Kaarooretap ooreetap Jeso Kristo, weeriitap Daudi, weeriitap Abraham.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 15:22

Ki mong' eng' komoswechooto kobogoryot ne po Kanaan, koriirei koleen, “Rireena ee Kiptaiyat, inyee weeriitap Daudi! Inyaliili miising' oindet cheptonyu.”

MATAYO 17:15

“Kiptaiyat, rireegei weeriinnyu, amu amei iywek, ak nyalili miising'. Ibutyin konyil ak konyil ma anan ko peek.

MATAYO 20:29

Kingo mandoi Jeso ak kasubikyik eng' Jeriko, kosubi ineendet tuiyet ne oo.

MATAYO 21:15

Ago ye kingo keer tisiik che eecheen ak siriik tuguuk che ki yai che po kwong'eet, ak lagok che kimwaei eng' kutit ne oo eng' Hekaluut, kole, “Hosanna weeriitap Daudi,” konereekso icheek miising'.

MATAYO 21:9

Kimwaoti tuiyosyek che ki indoe ineendet ak che ki isubi eng' kutit ne oo koleen, “Hosanna weeriitap Daudi! Iberuurot ineendet ne nyoonei eng' kainetap Kiptaiyat! Hosanna eng' ole toroor miising'!”

MATAYO 9:28

Ak kingo kakwa ko, kobwonji ineendet kipkoratinichooto: ak koleenji Jeso, “Oyani ole amuuchi ayai niito?” Koleenji, “Wei, Kiptaiyat.”

MARIKO 11:10

Iberuurot laitornatet ne nyoonei ne po kwandanyo Daudi. Hosanna eng' ole toroor miising'!”

MARIKO 9:22

Ki kowiirchi konyil che chaang' ma ak ole mi peek, komachei kobar ineendet; ngimuuchi iyai kiy age tugul, irirenech ak itoretech.”

LUKA 17:13

ak kiwaach kole, “Jeso Kiptaiyat, rirenech.”

LUKA 20:41

Ak ki leenji icheek, Teptoi ano si komwaei icheek kole, “Kristo ko weeriitap Daudi?

LUKA 7:21

Eng' sainooto kosoop che chaang' che ki tinyei myanwogik ak korotwek ak tamirmirik che yaacheen; ak ki igoochi kipkoratinik che chaang' kogeerto.

JOHANA 7:42

Ma mwa siruutyet, kole, ‘mang'une Kristo kesweek che po Daudi, ak kobun Bethlehem, nganaseet ole ki mi Daudi?’ ”

ROMANIK 1:3

logoiywek che myach agobo Weeriinnyi, ne ki kisich eng' kesweegap Daudi eng' poorto,

ROMANIK 9:5

ne chechwaak kwanisyek, ak nenywa Kristo eng' atebeetap poorto. Iberuurot koigeny Kamuktaindet, ne pou tugul. Amen.