MATAYO 6:20 - BUKUIT NE TILIIL Sireet ne Dutero Kanon

²⁰ ago ogonorchigei konoraik eng' kipsengwet, ole ma amei kuutik anan kong'em kutuuk, ak ole ma putei chooriik ak kochoor;

Bukuit Ne Tilil

²⁰ ago ogonorchigei konoraik eng' kipsengwet, ole ma amei kuutik anan kong'em kutuuk, ak ole ma putei chooriik ak kochoor;

BUKUIT NE TILIL

²⁰ ago ogonorjige konoraik eng’ kipsengwet, ole maamei kiptorotinik anan karuotitoet, ak ole mabutei chorik ak kochor;

MATAYO 6:20 Referencias Cruzadas

ISAIAH 33:6

Tuun piitu kimnateet eng' peetuusyeguk, ak ooindap yetunet, utaatyet, ak naet; kaiyweisyet ne kiywei Kamuktaindet ne Toroor ko konorwennyi.

MATAYO 19:21

Koleenji `Jeso ineendet, “Ngimache iegu ne ititaat, iwe ak ialde che itinye, ak igoochi kibananook, si inyooru mogornateet eng' kipsengwet; yeityo inyoo ak isubwo.”

MATAYO 6:19

Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor;

MARIKO 10:21

Ki keer anyun `Jeso ineendet ak kocham, ak koleenji, “Ta ko rartaat kiit agenge eng' inyee; ui, ialde tuguuk tugul che itinye, ak igoochi kibananook, si inyooru mogornateet eng' kipsengwet: ak inyoo isubwo.”

LUKA 12:33

Oalde che otinye, si ogoite kagoochinoik; onapchigei suberok che maosegitu, konorwet eng' kipsengwet ne ma pegu, ole mariikyin chooriik, ama ng'emei kuutik.

LUKA 18:22

Ak ye kingo kas Jeso, koleenji, “Ta ko rartaat kiit agenge eng' inyee: alde tugul che itinye, ak ipchechi kibananook, si inyooru konorwet eng' kipsengwet: ak inyoo, isubwo.”

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

1 TIMOTEO 6:19

kogonorchigei lumdaet ne myee, agobo peetuusyek che pwoonei, si kobiit konam saboondo nooto ne po iman.

HEBRANIK 10:34

Amu ki oriree icheek che ki ratotiin, ak ocham eng' poiboiyet kerebenak tuguukwok, amu ki ongen ole otinye mogornateet ne myee kosiir chooto ago ne tebyei koigeny.

HEBRANIK 11:26

koiit teweernateet ne kiteweeri Kristo kole mogornatosyek che eecheen kosiir konoraik che po Misiri: amu ki igeni melekto.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 1:4

ketaach poroteet ne ma ng'emaksei, ama tinyei murwoonindo, ama petei, ne ki kigonorwok eng' kipsengwet,

1 PETERO 5:4

Ak ye tuun took Mestowot ne oo, onyooru kuutweet ne po liilindo ne ma petei.

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.