MATAYO 27:32 - BUKUIT NE TILIIL Sireet ne Dutero Kanon

³² Ye ki mi kobendi, konyoor chiitap Kurene ne kiguure Simion ak kobirchi ineendet kola kimurtoiyondennyi.

Bukuit Ne Tilil

³² Ye ki mi kobendi, konyoor chiitap Kurene ne kiguure Simion ak kobirchi ineendet kola kimurtoiyondennyi.

BUKUIT NE TILIL

³² Ak ye kingomong’, konyor chitab Kurene, ne kiguure Simon: ak kibirji inendet koib kimurtoiyondennyi.

MATAYO 27:32 Referencias Cruzadas

1 LAITORINIK 21:10

Onde piik aeng' tainnyi, weeriigap Belial, ak ongobaoryan kotaam ineendet, kole, ‘Kechup inyee Kamuktaindet ak laitoryat.’ Yeityo omut ineendet kwo saang', ak olach eng' koik, kome.”

1 LAITORINIK 21:13

Ki pwa ko piik aeng'u, weeriigap Belial, ak kotebi ng'wony eng' tainnyi. Kibaoryan kotaam ineendet, pichooto po Belial, kogen agobo Nabot eng' taitap piik, kole, “Kachup Nabot Kamuktaindet ak laitoryat.” Komut anyun ineendet komaanda eng' nganaseet ak kolach ineendet eng' koik, kome.

ATEPTAP LAWIK 4:12

nooto kirgooto komugul, ko ingoip kwo komosta ne tiliil eng' saang'utap nganaseet ole kitumjin oreek ak kobeel eng' kweenik parak che mi ma. Kibeelee ole kitumjin oreek.

ATEPTAP LAWIK 4:21

Ingola ineendet kirgit kwo saang'utap nganaseet ak kobeel ko uu ye kigabeel kirgit ne po tai. Niito ko kagoochinetap tengekto ne po tuiyet.

ATEPTAP LAWIK 4:3

Ngo yai tengekto tisiindet ne ki kiil kot koipchi piik ng'oogisto, ko ingogoito anyun kirgit ne neran ne libwoop kogoochi Kamuktaindet ne Toroor koek kagoochinetap tengektanyi ne kogoyai.

MATAYO 16:24

Kingo pata koleenji Jeso kasubikyik, “Ngo machei chii kosubwo, ko nyolu koeesyogei, ak kosut koip kimurtoiyondennyi, ak kosubwo.

MATAYO 5:41

Ak age tugul ne pirchinin iwe mailit agenge, obe tuwai mailisyek aeng'.

MARIKO 15:21

Ak kibirchi chiito ne kisiirtoi, Simion ne po Kurene, kwandap Aleksanda ak Rupo, kobunu kooret age, koip kimurtoiyotap Jeso.

LUKA 23:26

Ak kingo ta komuti ineendet, konam Simion, Kurenindet, ne ki punu kooret age, ak kosutyi kimurtoiyot, si kobiit koip kosubi Jeso.

JOHANA 19:17

ak komanda, koibei ineegei kimurtoiyot, agoi koit ole kiguure Kooretap terta, ne kiguure eng' kutitap Yahudik, Golgota:

POISYONIGAP CHE KIYOKTOI 11:20

Ago ki mi alak eng' icheek, piigap Cyprus ak Kurene, che kingo pwa Antiok kong'alaalji Yunanik ak icheek, koamdoi Kiptaiyat Jeso.

POISYONIGAP CHE KIYOKTOI 13:1

Eng' kaniset ne ki mi Antiok ko ki mi maotik ak kaneetik: Barnaba, Simion ne ki kiguure Niger, Lukio ne po Kurene, Manaen ne ki kigui kobooto kirwoogindet Herod, ak Saulo.

POISYONIGAP CHE KIYOKTOI 2:10

Phrygia ak Pamphylia, Misiri ak komoswek che po Libya che neegitee Kurene, ak toek che punu Rome, Yahudik kobooto che ki punji Yahudik eng' kayanennywa,

POISYONIGAP CHE KIYOKTOI 6:9

Ago king'eetyo alak che po sinagogit ne po Che Ityagotin (ko uu ye ki kiguuree), che ki punu Cyrene, che po Alexandria, ak alak chooto che po piigap Cilicia ak Asia, ak kobelgei ak Stepano.

POISYONIGAP CHE KIYOKTOI 7:58

ak ki toorta ineendet komanda eng' nganaseet, ak kolage koik. Ki inde paorinik ngoroikwak keelyegap muren age ne ki kiguure Saulo.