MATAYO 27:19 - BUKUIT NE TILIIL Sireet ne Dutero Kanon

¹⁹ Ye kingo ta kotononjin kirwooget, koyookyi osotyonnyi ng'olyoo kole, “Ameite kiy chiichoo ma tinyei leluut, amu kaanyooru nyalilwogik che chaang' rani eng' karwotitoet agobo ineendet.”

Bukuit Ne Tilil

¹⁹ Ye kingo ta kotononjin kirwooget, koyookyi osotyonnyi ng'olyoo kole, “Ameite kiy chiichoo ma tinyei leluut, amu kaanyooru nyalilwogik che chaang' rani eng' karwotitoet agobo ineendet.”

BUKUIT NE TILIL

¹⁹ Ak kingota kotebe ng’echeretab kiruoget, koyokyi osotiondennyi ng’olyo, kole, Ameite kiy chicho bo imanda: amu kaanyoru nyalilwogik che chang’ rani eng’ karuotitoet agobo inendet.

MATAYO 27:19 Referencias Cruzadas

TAUNET 31:11

Ki kuura malaikaiyatap Kamuktaindet eng' karwotitoet, kole, ‘Jakobo,’ ak ki ale, ‘Ami yu.’

TAUNET 31:24

Ki nyoonji `Kamuktaindet Laban Syrianindet kemoi eng' karwotitoet koleenji, “Riipkei, amemwachi Jakobo ng'olyoo, ne myee anan ne ya.”

TAUNET 31:29

Atinye kimnateet ayaiywok ne ya; ago kong'alaalwo Kamuktaindetap kwandang'wong' lagat koleenjo, ‘Riipkei, si memwachi Jakobo kiy ne myee anan ne ya.’

KALEWANAIK 29:1

Ineendet ne iuuiiti kaatinnyi, ko kageger kong' konyil che chaang', ko yaitu eng' chokyinet, ama mi kiy ne kinyae.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

MATAYO 1:20

Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

MATAYO 2:19

Ye kingo kagome Herod, komong'ji `malaikaiyatap Kiptaiyat Joseph eng' Misiri eng' karwotitoet ak

MATAYO 2:22

Ago ye kingo kas kole pou `Arkelau Judea eng' pounateet ne ki po kwandanyi Herod, koywei kwo olooto. Kingo kagoteechi Kamuktaindet eng' karwotitoet, koweekyigei komoswegap Galilaya.

MATAYO 27:18

Ki ingen kole kagigoito ineendet eng' ng'etkonda.

MATAYO 27:24

Ye kingo keer Pilato kole mata komuuch koyai kiy ago ki neegit kotoigei chemargeet, konam peek ak koun eunekyik eng' taitap tuiyet koleen, “Ma tinyei leluut agobo korotiigap chiichi po iman. Orarati okweegei.”

MATAYO 27:4

Ki mwa kole, “Kaalel amu kaang'wekte korotiik che ma tinyei tengek.” Ago ki wol icheek kole, “Tiing'enech nee ng'aleeguk? Rar inyegei.”

LUKA 23:41

Ago po iman nenyo; amu kagigoonech ko uu poisyonikyok: ago ma yai chiichi kiy ne ma nyolu.”

LUKA 23:47

Ak kingo keer chemogetap kiplugotinik pogol tuguuk che kayaagiis, kolas Kamuktaindet kole, “Koga po iman chiichi.”

JOHANA 19:13

Ye kingo kas anyun Pilato ng'aleechuuto, komut Jeso komong' saang', ak kotep ng'wony eng' ng'echereetap kirwooget eng' ole kiguure Teteetap Koik, ago kiguure eng' kutitap Yahudik, Gabata.

POISYONIGAP CHE KIYOKTOI 12:21

Ak eng' peetuut ne ki king'at, kolaach Herod ngoroigap laitornatet, ak kotebee ng'echereetap kirwooget, ak kong'alaalji pichooto.

POISYONIGAP CHE KIYOKTOI 18:12

Ago ye kingo kirwoogindetap Akayo Galio, kong'eetyi `Yahudik Paulo eng' mageet agenge, ak komut ineendet kwo taitap ng'echereetap kirwooget.

POISYONIGAP CHE KIYOKTOI 18:16

Ak ki oon icheek koba eng' ye mi ng'echereetap kirwooget.

POISYONIGAP CHE KIYOKTOI 18:17

Ak ki nam tugul Sosten, pounindetap sinagogit, ak kobir ineendet eng' taitap ng'echeranooto po kirwooget. Ak ki ma mage kiy Galio ng'aleechooto tugul.

POISYONIGAP CHE KIYOKTOI 25:10

Ago ki le Paulo, Atononi eng' taitap ng'echereetap kirwooget ne po Caesarea, ole kanyool kirwoogunena: tomo ayachi kiy ne ya Yahudik, ko uu ye ingen inyee komyee.

POISYONIGAP CHE KIYOKTOI 25:17

Ye kingo yumgei anyun eng' yu, ko mata agagei, ago eng' peetuut ne po aeng' atebee ng'echereetap kirwooget, ak ang'at kimut chiichooto.

POISYONIGAP CHE KIYOKTOI 25:6

Ak kingo kagotebi eng' kwenunnywa kobooto icheek eng' peetuusyek che ma siirei sisiit anan ko taman, kochoortagei Caesarea; ak mutai kotebee ng'echereetap kirwooget, ak kong'at kole kimut Paulo.

1 PETERO 2:22

ineendet ne ki ma yai tengek, ama ki nyoorchi kutinnyi ng'aalseet:

1 JOHANA 2:1

Lagokyuk che mengech, asirwok tuguuchu, si moyai tengek. Ak ngot koyai chii tengek, ketinye Ne saiywech Kwanda, ineendet Jeso Kristo ne po imanda: