MALAKI 2:15 - BUKUIT NE TILIIL Sireet ne Dutero Kanon

¹⁵ Tos ki ma yaak Kamuktaindet okweek tuwai oegu poorto agenge ak oegu saboondo agenge? Amu nee si koek agenge? Ki cheeng'ei iyoteet ne iywei Kamuktaindet. Oriip anyun mugulelwekwok, amat koberber chii osotyotap ming'inatennyi.

Bukuit Ne Tilil

¹⁵ Tos ki ma yaak Kamuktaindet okweek tuwai oegu poorto agenge ak oegu saboondo agenge? Amu nee si koek agenge? Ki cheeng'ei iyoteet ne iywei Kamuktaindet. Oriip anyun mugulelwekwok, amat koberber chii osotyotap ming'inatennyi.

BUKUIT NE TILIL

¹⁵ Ak tos kima yai inendet koek agenge, nganda kitinyei tamirmiriet ne king’et? Amu nee si koek agenge? Kicheng’ iyotet ne iywei Kamuktaindet. Orib anyun tamirmirikwok, amat koberber chi osotiotab ming’inatennyi.

MALAKI 2:15 Referencias Cruzadas

TAUNET 1:27

Ki toi anyun Kamuktaindet koyai chiito eng' itoondonyi, ki toi koyai chiito eng' itoondap Kamuktaindet; ki toi koyai muren ak tye.

TAUNET 2:7

Ak ki yai Kamuktaindet ne po Toroornatet chiito eng' ng'ung'unyek, ak kobusyi seruunekyik kabuuset ne po saboondo. Ki ek anyun chiichooto chiito ne sabei.

TAUNET 24:44

ak kowolwo kole, ‘Nganagin iee, ak asiilji tambeesiguk ak icheek,’ ko ingoek nooto kwondo ne kagolewenji Kamuktaindet ne Toroor weeriitap kiptaiyandennyu.”

TAUNET 27:46

Koleenji anyun `Rebeka Isak, “Ageere kaimetapkei peetuusyechu amu tiibiigap Het. Ngot kotun Jakobo chepto eng' tiibiigap Het che uu tipchu po emoni, kotilei nee saboondanyu?”

TAUNET 6:2

kogeer anyun `weeriigap Kamuktaindet tiibiichooto po piik kole korooron, komutyigei tugul che ki lewen koek kwonyiikwak.

EZRAH 9:4

Ki iyumjagei anyun chii age tugul ne kibotani agobo ng'aleegap Kamuktaindetap Israel, agobo pistoetap che kiga kiluul. Ki atebi ng'wony akwong' kot koit kagoitoetap kagoochinetap koskoleny.

NEEMIA 13:24

Ki ng'alaali kebeber eng' lagokwak ng'aleegap Asdodik anan ko kutusweegap pororyennywa amu ki ma komuuchi kong'alaal kutitap Yahudik.

Kitabuutap JOB 27:3

kotee kota kochamegei saboondanyu eng' oriitinnyu, ak mi Kabuusetap Kamuktaindet seruunekyuk;

KOMONG'U 20:14

Amoipkei.

KALEWANAIK 2:17

ne ki kometo chamaneet ne kinerchindos tuwai, ak kobistoe kayomisetap Kamuktaindennyi.

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

KALEWANAIK 6:25

Amegase myat eng' muguleldang'ung' karaaranindanyi, amengoriigenen konyekyik.

KALEWANAIK 7:25

Amengotokyigei muguleldang'ung' ortinwekyik, amebet isup ortinwekyik.

AMDOINDET 12:7

ak koweekyigei ng'ung'unyek ng'wony ko uu ye kinye, ak koweekyigei saboondo Kamuktaindet ne ki koonu.

JEREMIA 2:21

Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

ATEPTAP LAWIK 20:10

“Chiito ne ibegei ak osotyotap chiito age, agot ne ibegei ak osotyotap chiitap kokwennyi, kebarei iman chiichooto ak osotyondonooto.

MALAKI 2:14

Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

JOHANA 20:22

Ak ye kingo kagomwa niito, kobusyi, ak koleenji, “Otaach Kabuuset ne Tiliil:

POISYONIGAP CHE KIYOKTOI 3:25

O weeriigap maotik, ak che po kayomiset ne ki iyomiskei Kamuktaindet ak kwanisyekwok. Ki leenji Abraham, Kiberuuri pororyosyek tugul che po ng'wony eng' keswondeng'ung'.

1 KORINTOEK 7:14

Amu kitiliili manong'otyot ne ma iyanaat eng' osotyot, ak kitiliili osotyot ne ma iyanaat eng' manong'otyot: nda ma uu nooto ta ma tiliileen lagokwok; ago tiliileen icheek nguno.

1 KORINTOEK 7:2

Ago, amu ng'olyootap soksosyek, ko ingotebi chii age tugul ak osotyonnyi, ak ingotebi osotyot age tugul ak manong'otyondennyi.

2 KORINTOEK 6:18

Ak aegu Kwanda eng' okweek, Ak oegu weeriik ak tiibiik eng' anee, Mwaei Kiptaiyat Ne po Kamuktaet.

EPESOEK 6:4

Ak okweek, kwanisyechu, amotachatachi lagokwok, si konereekso: ago obai icheek eng' atep ne myee ak katigonetap Kiptaiyat.

NG'ATUTIK 7:4

Amu tuun imaasi weeriing'ung' si ma isuba, ak koot kanamonik, ak eng' nooto anyun, konereech miising' Kamuktaindet ne Toroor eng' okweek ak kong'emin kochokyin.

TITO 1:6

ngot komi chii age tugul ne ma tinyei leluut, ne manong'otyotap osotyot agenge, ne tinyei lagok che iyanotin, che ma kimwaitae yaityo, anan che ma kase iit.

RUTH 4:12

Ak eng' kesweek che tuun koonin Kamuktaindet ne Toroor eng' kwonyi, ko ingogergeit koong'ung' ak kootap Peres ne ki sikyi `Tamar Judah.”

1 SAMUEL 2:20

Ki iberuur `Eli Elkanah ak osotyonnyi, koleen, “Ingogoonin Kamuktaindet ne Toroor iyoteet eng' kwonyi kogeer nooto ki isoom ak igoochi Kamuktaindet ne Toroor.” Yeityo koba kaa.