KOLOSAIK 3:16 - BUKUIT NE TILIIL Sireet ne Dutero Kanon

¹⁶ Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok.

Bukuit Ne Tilil

¹⁶ Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok.

BUKUIT NE TILIL

¹⁶ Ingomenyok ng’olyotab Kristo eng’ magornatet, eng’ ng’omnatet tugul onetige ak oteechinige eng’ tienwogikab kalosunet ak tienwogik ak tienwogikab tamirmiriet, otienjini Jehovah eng’ mieindo eng’ mugulelwekwok.

KOLOSAIK 3:16 Referencias Cruzadas

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

1 ATEPTAP PEETUUSYEK 25:7

Ki ek koitetap chooto kobooto tupchosyekwak che ki kineet eng' tyenwogik kotyenji Kamuktaindet ne Toroor, pogol aeng' tamanwogik sisiit ak sisiit.

NEEMIA 12:46

Amu kobooch peetuusyegap Daudi ak Asaph, ko ki mi chiito ne oo ne po tyeniik ak kimi tyenwogigap kalasunet ak kagoitoetap kongoi ne kigoochin Kamuktaindet.

Kitabuutap JOB 23:12

Ma aweege let amete ng'atuutyetap kutinnyi; Kaagonor ng'aleek che punu kutinnyi kosiir amitwogik che nyoljino.

TIENWOGIKAL 119:11

Kaagonoree muguleldanyu ng'olyoondeng'ung'. si ma yaun tengek.

TIENWOGIKAL 119:54

Ki koek ng'atuutiguk tyenwogikyuk eng' kootap rutoitanyu.

TIENWOGIKAL 138:1

Agoonin kongoi eng' muguleldanyu komugul; atyenun kalasunoik eng' taitap kanamonik.

TIENWOGIKAL 28:7

Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

TIENWOGIKAL 32:7

Inyee ko ii oldanyu ole aung'egei; iriibo inyee si ma nyoorwo nyalilda. Iyiemena tyenwogigap yetunet.

TIENWOGIKAL 71:23

Paibaitu kutinnyu miising' ye atyenun kalasunoik; Ak paibaitu saboondanyu, ne ki ityaach inyee.

KALEWANAIK 14:8

Utaatyetap chiito ne ng'oom ko koguiyo ooreennyi, ago ng'aalseet perberindap che perber.

KALEWANAIK 18:1

Ineendet ne itabaanegei, kocheeng'ei magennyi ineegei, ak konereekyin chiichooto ng'omnateet ne ititaat.

TYENDO NE SIIREI TUGUL 1:1

Tyendo ne siirei tugul, ne po Solomon.

ISAIAH 10:2

kobeet ne nyalili eng' kirwooget, ak korebe imanit kibananogap piikyuk, si kobiit koek mosoogik parunenikwak, ak si kobiit koluul che ma tinyei sigiik!

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 30:29

Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

ISAIAH 5:1

Ngatyenji chamanennyu tyendo ne po chamyet agobo mbareennyi ne po sabibuk: Ki tinyei chamanennyu mbareetap sabibuk eng' tulweet ne ming'in ne akwai miising'.

JEREMIA 15:16

Kingo piit ng'aleeguk, aam, ak ki ek ng'aleeguk eng' anee poiboiyet ak kagasetapkei ne po muguleldanyu. Amu kimwaitoena kaineng'ung', ee Kamuktaindet ne po Toroornatet ne po lugoosyek.

MATAYO 26:30

Ye kingo kagotyen tyendo, komanda koba tulweetap Mseituni.

LUKA 2:51

Ki choorgei anyun kobooto icheeget, ak kiit Nazareth; ak kigase iit icheek: ak kigonor kamet ng'aleechooto tugul eng' muguleldanyi.

JOHANA 15:7

Ngot omenya, ak komenyok ng'aleekyuk, osoom anyun kiy age tugul ne omache, si keyaiywok.

ROMANIK 10:17

Nyoonei anyun kayaneet eng' kaseet, ak nyoonei kaseet eng' ng'olyootap Kristo.

ROMANIK 15:14

Ak kaanai aneendet agine agobo okweek, che kitupche, ale oo nyiitootiin eng' myeeindo, oo nyiitootiin eng' naet tugul, ak kogeny, omuuchi otigongei.

1 KORINTOEK 14:15

Nee anyun? Asaae eng' Kabuuset ne Tiliil, ak asaae eng' ng'omnateet agine; atyeni eng' Kabuuset ne Tiliil, ak atyeni eng' ng'omnateet agine.

1 KORINTOEK 14:26

Nee anyun, che kitupche? Ye oyumgei, kotinyei age tugul tyendap kalasunet, ak kaneetisyet, ak ng'ang'utyet, ak kutit ne ma kigasei, ak kaweegetap ng'aleek. Ingoyaogis tuguuk tugul koteegogis.

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 5:17

Nooto anyun amoberberitu, ago oguiye kiit ne uu mageetap Kiptaiyat.

EPESOEK 5:19

ong'alaaljinigei eng' tyenwogigap kalasunet ak tyenwogik che ki kisir ak tyenwogigap saboon, otyeni tyendo ne rurei eng' mugulelwekwok eng' Kiptaiyat;

EPESOEK 5:26

si kobiit kotabaan, ko kagotiliil eng' kaunetap peek eng' ng'olyoot,

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

KOLOSAIK 4:6

Ingotep ng'aleekwok eng' myeeindo kotugul, koanyinyogis eng' muunyuk, si kobiit onai ole kanyool owoljinde chii age tugul.

1 THESSALONIKEK 1:8

Amu ki kogasak ng'olyootap Kiptaiyat kobun olong'wong', ma eng' Makedonia ak Akaia kityo, ago ki koyom komosta age tugul kayaneng'wong' ne otinye eng' Kamuktaindet; kot koma kemage kiy kota kemwa kiy age tugul.

1 THESSALONIKEK 4:18

Nooto anyun ogaigaigei okweegei eng' ng'aleechuuto.

2 THESSALONIKEK 3:15

Amoiit ineendet ole puunyoot, ago otigon ko uu tupchet.

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

2 TIMOTEO 3:15

ak kobooch ko ii lakwa ko ki ingen siruutik che tiliileen che imuuchi kong'omitin agoi yetunet eng' kayaneet ne miitei eng' Kristo Jeso.

TITO 3:6

ne kiroong'wech eng' aiyebindo eng' Jeso Kristo Yetindennyo;

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.

JAKOBO 3:17

Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

JAKOBO 5:13

Mi chii eng' okweek ne nyalili? Ingosa. Mi ne paibai? Ingotyen kalasunet.

1 JOHANA 2:14

Kasirwak kwanisyechu, amu ongen ineendet ne ki mi kobooch taunet. Kasirwak murenju, amu oo kiimeen, ak komenyok ng'olyootap Kamuktaindet, ak ki oterter ineendet ne ya.

1 JOHANA 2:24

Ak okweek anyun, ingomenyok nooto ki ogas kobooch taunet. Ngot komenyok nooto ki ogas kobooch taunet, omenye ak okweek eng' Weeriit ak eng' Kwanda.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

2 JOHANA 1:2

agobo imanit ne menyech ak kotebyei kobootech koigeny.

NG'ANG'UTYET 14:3

ak kotyeni tyendo ne leel eng' taitap ng'echereetap laitornatet, ak eng' taitap tyong'ik ang'wan che saptos ak poisyek. Ma mi chii ne imuuchi koneetkei tyenooto kobatee pichooto eliphuusyek pogol ak artam ak ang'wan, icheeget che ki kial eng' ng'wony.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.