KOLOSAIK 2:11 - BUKUIT NE TILIIL Sireet ne Dutero Kanon

¹¹ ki kimuratanak eng' ineendet eng' kamuratanet ne ki ma kiyae eunek, eng' istoetap poortap panyeek, eng' kamuratanetap Kristo;

Bukuit Ne Tilil

¹¹ ki kimuratanak eng' ineendet eng' kamuratanet ne ki ma kiyae eunek, eng' istoetap poortap panyeek, eng' kamuratanetap Kristo;

BUKUIT NE TILIL

¹¹ kigimuratanak eng’ inendet eng’ kamuratanet ne kima kiyae eunek, eng’ istoetab bortab banyek, eng’ kamuratanetab Kristo;

KOLOSAIK 2:11 Referencias Cruzadas

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

MARIKO 14:58

Kigegas komwaei ineendet koleen, Ang'eme hekaluni ki kiyae eunek, ak ateech age eng' peetuusyek somok ne ma kiyae eunek.

LUKA 2:21

Ak kingo it peetuusyek sisiit che kiyatitoe ineendet, keguure kainennyi Jeso, ko uu ye kiga kotoochi malaikaiyat kotomo kemanach.

POISYONIGAP CHE KIYOKTOI 17:24

Kamuktaindet ne ki yai ng'wony ak tuguuk tugul che miitei olooto, ineendet ko Kiptaiyatap kipsengwet ak ng'wony, koma menyei hekalusyek che ki kiyae eunek.

POISYONIGAP CHE KIYOKTOI 7:48

“Ago ma menyei Ineendet Ne Toroor Miising' kooriik che kiyae eunek; ko uu ye mwaei maotyot, kole,

ROMANIK 2:29

ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

ROMANIK 6:6

kingen ni, keele ki kigartaat chiinyo ne po keny kobooto ineendet, si kong'emak poortap tengek, si mata koratech tengekto kogeny.

ROMANIK 7:24

Ee, anee ne nyalili! Ng'oo ne ityaacha eng' poortap meoni?

2 KORINTOEK 5:1

Amu kingen keele ngo putok koot ne po ng'wonyuni ne poorwekyok, ketinye teekseet ne punu Kamuktaindet, koot ne ki ma kiteech eng' eunek, po koigeny, eng' kipsengwet.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

GALATYEK 5:24

Ak icheeget che po Kristo Jeso ko ki kogartaat poorto kobooto maguutikyik ak kasetap myat che po chooto.

EPESOEK 4:22

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet;

NG'ATUTIK 10:16

Omuratan mugulelwekwok anyun, amoegu piich che uueen metowoi.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

HEBRANIK 9:11

Ago Kristo, ye kingo kagonyo, ne ineendet tisiindet ne oo ne po tuguuk che myach che tuun pwoonei, eng' emait ne oo ak kogesunotkei kosiir, ne ma kiyae eunek, ye kiweech, koma po ng'wonyuni,

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek: