KOLOSAIK 1:13 - BUKUIT NE TILIIL Sireet ne Dutero Kanon

¹³ ne kisarwech kemang'une kimnateetap mesundeito, ak kouutech keebe laitornatetap Weeriit ne po chamyennyi;

Bukuit Ne Tilil

¹³ ne kisarwech kemang'une kimnateetap mesundeito, ak kouutech keebe laitornatetap Weeriit ne po chamyennyi;

BUKUIT NE TILIL

¹³ ne kisoruech kemong’une kimnatetab mesundeito, ak kouutech kebe bounatetab Werit ne bo chamnyennyi;

KOLOSAIK 1:13 Referencias Cruzadas

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

ISAIAH 60:2

Amu, keero, tuchei mesundeito ng'wony, ak kotuch mesundeito ne oo pororyosyek: ago chorchinin Kamuktaindet ne Toroor, ak kotook toroornatennyi eng' inyee.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 3:17

Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”

LUKA 13:24

Ogiilgei obun kurgeet ne mariich: amu amwaiwok ale, cheeng'ei tuun che chaang' kobun yooto, ago ma tuun imuuchi.

LUKA 22:53

Ye ki ami kobootok peetuut age tugul eng' Hekaluut, koma oyogocha eunekwok: ago saing'wong' ni, ak kimnateet ne po mesundeito.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 3:35

Chamei Kwanda Weeriit, ak ki konde tuguuk tugul eunnyi.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

2 KORINTOEK 11:14

Ama mi kwong'eet; amu agot Setani kowalegei koek malaikaiyatap lapkeiyet.

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

EPESOEK 4:18

che imenen eng' nautikwak, che ki kiyai koek kipsagarek eng' saboondap Kamuktaindet, amu perberyo ne mi eng' icheek, amu uuindap mugulelwekwak;

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

EPESOEK 6:12

Amu ma po kabelennyo pogei poorto ak korotiik, ago po laitornatosyek, ak kimnatosyek, eng' pounigap ng'wonyuni che po mesundeito, eng' lugosyegap tamirmirik che po yaityet eng' komoswegap kipsengwet.

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

2 PETERO 1:11

Amu ki koonok ko uu nooto eng' chaang'indo ochut laitornatetap koigeny ne po Kiptaiyandennyo ak ko Yetindet Jeso Kristo.

1 JOHANA 2:8

Ak kogeny, asirwok ng'atuutyet ne leel, ng'olyoot ne iman eng' ineendet ak eng' okweek, amu siirtoi mesundeito, ak kagoluu lapkeiyet ne po iman.

1 JOHANA 3:14

Kingen keele kigemang'une meet kemong'ji saboondo, amu ki chame che kitupche. Ineendet ne ma chamei komenyei meet.

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.