JOHANA 7:37 - BUKUIT NE TILIIL Sireet ne Dutero Kanon

³⁷ Eng' peetuut ne po let, peetuunooto oo po igoorto, kotonon Jeso ak komwa eng' kutit ne oo, kole, “Ngo amei chii melel, ko ingonyoonjo, ak koe.

Bukuit Ne Tilil

³⁷ Eng' peetuut ne po let, peetuunooto oo po igoorto, kotonon Jeso ak komwa eng' kutit ne oo, kole, “Ngo amei chii melel, ko ingonyoonjo, ak koe.

BUKUIT NE TILIL

³⁷ Eng’ betut ne bo let, betunoto o bo igorta, kotonon Jesu ak komwa eng’ kutit ne o, kole, Ngo amei chi melel, ko ingonyonja, ak koee.

JOHANA 7:37 Referencias Cruzadas

NEEMIA 8:18

Kisoman kogeny peetuut age tugul bukuit ne po Ng'atuutigap Kamuktaindet, kobooch peetuut ne po tai agoi peetuut ne po let. Ki yai igoorto peetuusyek tisap, ak eng' peetuutap sisiit koyai tuiyetap kaming'inetapkei, ko uu ye ki king'at.

TIENWOGIKAL 143:6

Atokyinin eunekyuk; amei melelda saboondanyu agobo inyee ko uu emet ne yaamaat.

TIENWOGIKAL 42:2

Amei saboondanyu melelda agobo Kamuktaindet, Kamuktaindet ne sabei. Auiyo ye anyoone tainnyi si ageer togeetap Kamuktaindet?

TIENWOGIKAL 63:1

Ee Kamuktaindet, inyee ko ii Kamuktaindennyu; acheeng'in eng' kagiiletapkei; Amei melelda saboondanyu amu machin, machin kot poortanyu, eng' emet ne yaamaat ne po ng'etatet, ole ma mi peek.

KALEWANAIK 1:20

Waachei miising' utaatyet eng' ooreet; ng'alaali eng' komoswek che paroen.

KALEWANAIK 8:1

Tos ma kuursei utaatyet, ak tos ma twegu kaguiyet?

KALEWANAIK 8:17

Achame che chama; ak nyoorwo che cheeng'a eng' kagiiletapkei.

KALEWANAIK 8:3

ole neegitee ormariichok ole kibunei kebendi nganaseet, polei miising' eng' kurgotik che kibunei kebendi oriit koleen

KALEWANAIK 9:3

Ki koyookto tiibiikyik, kuursei eng' komoswek che torooreen miising' che po nganaseet koleen,

TYENDO NE SIIREI TUGUL 5:1

Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

ISAIAH 12:3

Tuun orame anyun peek eng' poiboiyet, eng' keriingonik che po yetunet.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 40:6

Mwaei tuugeet kole, “Waach!” Ale, “Awaakyi nee?” Susweek poorwek tugul, ak uu taaptook che po keeweet karaaranindanywa tugul.

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 55:1

Ee chii age tugul ne amei melel, obwonjin peek, kobooto ineendet ne ma tinyei fedha; obwa anyun, oal ak oam; ee, obwa, oal divaik ak cheego ama eng' fedha anan eng' alyet.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

EZEKIEL 47:9

Ak kosap kiy age tugul ne sabei, ne uoti, eng' komosta age tugul ne punei ainoosyechooto; ak piitu njireenik che chaang' miising': amu kait olooto peechooto, ak ki anyiny peegap nyanjet, ak kosap kiy age tugul eng' ole itei aineet.

ATEPTAP LAWIK 23:36

Ogoitoi kagoochinet ne punei maat, ne kigoochin Kamuktaindet ne Toroor, eng' peetuusyek tisap. Egu kayumetapkei ne itabaanat eng' okweek eng' peetuut ne po sisiit, ak ogoitoi kagoochinet ne punei maat, ne kigoochin Kamuktaindet ne Toroor. Tuiyet ne po kaming'inetapkei niito; amat oyai poisyo age tugul ne po otwoknot.

ATEPTAP LAWIK 23:39

“Ago ye kaoyum ruroteetap emet eng' peetuutap taman ak muut, ne po arawetap tisap, oriip koek igoortap Kamuktaindet ne Toroor eng' peetuusyek tisap. Kitere kamuung'et eng' peetuut ne po tai ak kitere kamuung'et eng' peetuut ne po sisiit.

MIKAH 6:9

Kuurei kutitap Kamuktaindet ne Toroor nganaseet ak koywei ne utaat kaineng'ung': ogas kirokto, kobooto ineendet ne king'atei.

SEKARIA 9:15

Ak koriip Kamuktaindet ne Toroor ne po lugoosyek icheek; ak kogees ak kotyekyi ng'wony koik che ki wiirtoe porowet; ak koeeiso ak kowaakyo ko uu che kae divaik, ak kinyiit ko uu taabook, ko uu luukwegap kaptisisyet.

KAITOSYEK 29:35

“Eng' peetuut ne po sisiit oyai tuiyetap kaming'inetapkei, amoyai poit age tugul.

MATAYO 11:28

“Obwanjo, okweek tugul che oiimige, ak che olae mileet ne nyigiis si amuung'wok.

MATAYO 3:3

Ni ineendet ne ki kamwa maotyot Isaiah kole, “Tuugeetap chii ne kuursei eng' surkwen, koleen: ‘Ochop ooreetap Kiptaiyat, olitiit ole punooti.’ ”

MATAYO 5:6

Poiboen che amei rubo ak melelda agobo imanda, amu tuun piyang'dos.

JOHANA 1:23

Ki le, “Aa kutitap chii ne ititeni eng' surkwen, ‘Olitit ooreetap Kiptaiyat,’ ” ko uu ye ki mwa maotyot Isaiah.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 4:10

Kowolji Jeso koleenji, “Nda kengen konunetap Kamuktaindet, ak ineendet ne kalenjin, ‘Inaga peek aee,’ ta kaisoom ineendet, ak ta kagogoonin peegap saboon.”

JOHANA 4:11

Koleenji kobogoryot, Kiptaiyat, metinye kiit ne isiile, ak loo keriinget: inyoorchini ano anyun peechooto po saboon?

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

JOHANA 5:40

ago mochame obwanjo, si kobiit konyooru saboondo.

JOHANA 6:35

Koleenji `Jeso icheek, “Aa magatyat ne po saboon: ineendet ne nyoonjino koma kasei rubeet agoi, ak ineendet ne iyana koma amei melel agoi.

JOHANA 6:37

Pwonjino tugul che koono Kwanda; ak ineendet ne nyoonjino koma oone matiny.

JOHANA 6:55

Amu amdit iman poortanyu, ak korotiikyuk ko che kieei iman.

JOHANA 7:28

Ki ng'alaal anyun Jeso eng' kutit ne oo eng' Hekaluut, koneetisyei, kole, “Ongeno, ak ongen ole abunu; ak kama anyoo aneege, ago po iman ineendet ne ki iyookwo, ne mongen okweek.

1 KORINTOEK 10:21

Momuuchi oee kigombetap Kiptaiyat, ak kigombetap oik: momuuchi oam eng' meesetap Kiptaiyat, ak meesetap oik.

1 KORINTOEK 10:4

ak kiee tugul eet agenge ne po saboon: amu kiee tugul eng' rwandet ne po saboon ne ki isubi icheek: ak rwandanooto ko ki Kristo.

1 KORINTOEK 11:25

Ko uu nooto agine kigombet, kingo kagoamis, kole, “Kigombani ko arorutyet ne leel ne po korotiikyuk; oyae niito kotugul ye oee obwaatena.”

1 KORINTOEK 12:13

Amu eng' Kabuuset ne Tiliil agenge ko ki kibatisanech acheek tugul keegu poorto agenge, ngo Yahudik anan Yunanik, ngo ratotiin, anan kotyagotin, ak ki kigoonech acheek tugul kee eng' Kabuuset ne Tiliil agenge.

EPESOEK 5:18

Amat obogitye eng' maiyek, che ibu mageet ne ya, ago ingonyiiak Kabuuset ne Tiliil;

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.

NG'ANG'UTYET 22:1

Ak ki iboorwo aineetap peegap saboon, ne tiliil ko uu krustalo, kobunu ng'echereetap laitornatet ne po Kamuktaindet ak ne po Aarwet,

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.