JOHANA 7:28 - BUKUIT NE TILIIL Sireet ne Dutero Kanon

²⁸ Ki ng'alaal anyun Jeso eng' kutit ne oo eng' Hekaluut, koneetisyei, kole, “Ongeno, ak ongen ole abunu; ak kama anyoo aneege, ago po iman ineendet ne ki iyookwo, ne mongen okweek.

Bukuit Ne Tilil

²⁸ Ki ng'alaal anyun Jeso eng' kutit ne oo eng' Hekaluut, koneetisyei, kole, “Ongeno, ak ongen ole abunu; ak kama anyoo aneege, ago po iman ineendet ne ki iyookwo, ne mongen okweek.

BUKUIT NE TILIL

²⁸ King’alal anyun Jesu eng’ kutit ne o eng’ hekalut, konetisiei, kole, Ongena, ak ongen ole abunu; ak kama anyo anege, ago bo iman inendet ne kiiyokwa, ne mongen okwek.

JOHANA 7:28 Referencias Cruzadas

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

JEREMIA 9:6

Mi anyun meng'ooteng'ung' kwenutap kaberberisyet; eesyoi konaa amu kaberberisyet, mwaei Kamuktaindet ne Toroor.

HOSEA 4:1

Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

HOSEA 5:4

Poisyonikwak koma chamjin icheek koweekyigei Kamuktaindennywa amu tinyei sabeetap kugoinatet, ama ingen Kamuktaindet ne Toroor.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 2:23

Ki tebee nganaseet ne kiguure Nazareth si kobiit kosulda ne ki kamwa maotik kole, “Kiguure ineendet Nazaretindet.”

MATAYO 26:55

Ki leenji `Jeso tuiyosyek eng' sainooto, “Komong'u ko uu ye osetyini rebindet, otinye rotoogap chok ak kirokweek si onama? Ki atebye peetuusyek tugul eng' Hekaluut aneetisyei ak ki ma onama.

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

LUKA 2:11

amu kagisikwok Yetindet rani, eng' nganaseet ne po Daudi, nooto Kristo Kiptaiyat.

LUKA 2:39

Ak kingo kagogees tugul ko uu Ng'atuutyetap Kiptaiyat, koweektagei koba Galilaya, agoi nganasennywa Nazareth.

LUKA 2:4

Ki togos agine Joseph eng' Galilaya kobunu nganaseetap Nazareth, agoi Judea, kot koit nganaseetap Daudi, ne kiguure Bethlehem, amu ki po ineendet kootap Daudi, ak ki po ooreennyi;

LUKA 2:51

Ki choorgei anyun kobooto icheeget, ak kiit Nazareth; ak kigase iit icheek: ak kigonor kamet ng'aleechooto tugul eng' muguleldanyi.

JOHANA 1:46

Ak ki leenji `Nathanael ineendet, “Tos imuuchi kobun Nazareth kiy age tugul ne myee?” Koleenji `Philipu ineendet, “Nyoo si igeer.”

JOHANA 10:36

tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’

JOHANA 12:49

Amu ki ma amwae aneege; ago ki koono Kwanda ne ki iyookwo, ng'atuutyet, ne kanyool amwa, ak ne kanyool aamda.

JOHANA 14:10

Tos meyani ile ami eng' Kwanda, ak Kwanda eng' anee? Ng'aleek che amwaiwok koma mwaei aneege: ago Kwanda ne menya ne yaei poisyonikyik.

JOHANA 14:31

ago si konai ng'wony kole achame Kwanda, ak ko uu ye ki koono Kwanda ng'atuutyet, ayae ko uu nooto. Ong'eetyee, keebe.”

JOHANA 16:3

Ak yaei tuguuchu, amu ma nai Kwanda, anan anee.

JOHANA 17:25

“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 3:2

ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

JOHANA 3:33

Ineendet ne kagotaach paornatennyi ko kagonde ng'ooksennyi, kole po iman Kamuktaindet.

JOHANA 5:32

Mi age ne paoryanjino; ak angen ale po iman paornateet ne paoryanjino.

JOHANA 5:43

Ki anyoo eng' kainetap Abba, ama otaacha: ngo nyo age eng' kainennyi otaache ineendet.

JOHANA 6:42

Ak ki le, “Tos ma Jeso niito, weeriitap Joseph, ne kingen kwandanyi ak kamet? Amunee anyun si komwa kole, ‘Ki achooruge eng' kipsengwet?’ ”

JOHANA 7:14

Ago ye kingo kagoit kwenutap igoorto kotogosta Jeso kwo Hekaluut, ak koneetis.

JOHANA 8:14

Kowolji Jeso koleenji, “Agot ngabaoryanjinigei, ko po iman paornatennyu; amu angen ole abunu, ak ole awendi; ago mongen ole abunu, anan ole awendi.

JOHANA 8:16

Ee, agot ngarwoch, ko po iman kirwoogennyu; amu ma mi aneege, ago kimi ak Kwanda ne ki iyookwo.

JOHANA 8:19

Koleenji anyun icheek ineendet, “Mi ano Kwandang'ung'?” Kowol Jeso kole, “Mongeno, anan Abba. Nda ki konaa, ta ki ongen Abba agine.”

JOHANA 8:26

Atinye tuguuk che chaang' che amwae ak che arwoochi agobo okweek: ago po iman ineendet ne ki iyookwo; ak amwachini ng'wony tuguuk che ki agas eng' ineendet.”

JOHANA 8:42

Komwachi Jeso icheek koleenji, “Nda ka Kwandang'wong' Kamuktaindet, ta kaochama; amu ki anyoo abunu Kamuktaindet. Ki ma anyoo aneege, ago ki iyookwo ineendet.

JOHANA 9:29

Kingen keele kigong'alaalji `Kamuktaindet Musa: ago ma kingen kole po chiichi.

POISYONIGAP CHE KIYOKTOI 17:23

Amu ye ki asiirtoi ak ageer tuguuk che osaae, anyooru agine kapkorosuut ne tinyei siruutichu, ‘Po kamuktain ne ma naei chii.’ Nooto anyun ne osaae amongen, aboorwok anyun niito.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 3:4

Achicha: ma uu nooto: ingoek ne po iman Kamuktaindet, ago kiplembechwa chii age tugul; ko uu ye siraat kole, Si kobiit kindein imanda eng' ng'aleeguk, Ak imuuch ibelisye ye kirwoogun.

2 KORINTOEK 1:18

Ago ko uu ye po iman Kamuktaindet, ng'olyoondennyo eng' okweek koma ee ak achicha.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

1 JOHANA 5:10

Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi.

1 SAMUEL 2:12

Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.