JOHANA 14:26 - BUKUIT NE TILIIL Sireet ne Dutero Kanon

²⁶ Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

Bukuit Ne Tilil

²⁶ Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

BUKUIT NE TILIL

²⁶ Ago inetok tuguk tugul Kagaigaindet, Tamirmiriet ne Tilil, ne iyogu Kwanda eng’ kainennyu, ak kobwatwok tugul che kaamwawok.

JOHANA 14:26 Referencias Cruzadas

TIENWOGIKAL 51:11

Ametortaa eng' ole imi; ameistoena Kabuuseng'ung' ne Tiliil.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

ISAIAH 63:10

Ago ki ingelelso ak kogoochi arageneet Kabuusennyi ne Tiliil: ki kiwal anyun koek punyonnywa, ak kobargei ak icheek.

MATAYO 1:18

Ki uu ni sigeetap Jeso Kristo: Ye kingo kagogosyin Joseph kotungei ak Maria kametap Jeso, kotomo kotuiyo, kotook keele managaat ineendet eng' Kabuuset ne Tiliil.

MATAYO 1:20

Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

MATAYO 3:11

Abatisanook eng' peek agobo siguunet; ineendet ne isubwo ko tinyei kimnateet kosiiro, ma nyolu aipchinot kweonikyik. Ibatisanook ineendet eng' Kabuuset ne Tiliil ak maat.

MARIKO 12:36

Ki mwa Daudi ineendet eng' Kabuuset ne Tiliil, kole, Ki mwachi Kiptaiyat Kiptaiyandennyu, kole, ‘Tebee eunnyu ne po tai, agoi ande puuniguk keldebesaigap keelyeguk.’ ”

MARIKO 13:11

Ak ye tuun kimutak kapkirwook, ak kindeak eunegap piik, ko mat ogereer met agobo kiit ne tuun omwae: ago kiit age tugul ne ki koonok eng' sainooto, ko nooto ne omwae: amu ma okweek che ong'alaali, ago Kabuuset ne Tiliil.

LUKA 1:15

Amu tuun egu ne oo eng' taitap Kiptaiyat, ama eei divai anan maiyo che ng'woneen; ago kinyiiti Kabuuset ne Tiliil, kobooch komi moetap kamet.

LUKA 1:35

Ak ki wolji malaikaiyat koleenji, “Nyonjinin Kabuuset ne Tiliil ak kouurin kamuktaetap Ineendet Ne Toroor Miising'; nooto anyun kiguure ne tiliil, Weeriitap Kamuktaindet, ineendet ne tuun kisichei.

LUKA 1:41

Ak ye kingo kas Elizabeth kagateetap Maria, kotoromben lakweet eng' moennyi; ki nyi anyun `Kabuuset ne Tiliil Elizabeth;

LUKA 1:67

Ki nyi anyun Kabuuset ne Tiliil kwandanyi Zekariah, ak ki maoten, kole:

LUKA 11:13

Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

LUKA 24:49

Ak ogeero, ayoogu kayomisetap Abba kotebi eng' okweek: ago otebi okweek eng' nganaseet, agoi kilaakwok kimnateet ne punu parak.

LUKA 3:22

ak kochoorchigei ineendet Kabuuset ne Tiliil, eng' kergeindap cheptuget, ak komang'une kutit kipsengwet kole, “Inyeendet ko ii Weeriinnyu chamanennyu; agasenengei.”

JOHANA 1:33

Ak ki ma angen ineendet: ago ineendet ne ki iyookwo abatisane peek, ko ineendet ne kimwaiwo koleenjo, ‘Chiichooto igeere kochorchingei Kabuuset ne Tiliil, ak koteebee ineendet, ko nooto ne ibatisane Kabuuset ne Tiliil.’

JOHANA 12:16

Ki ma iguiyo kasubikyik eng' tai tuguuchuuto: ago kingo kagitoroor Jeso, kobwaat anyun icheek kole ki kisir tuguuchuuto agobo ineendet, ak kiga keyachi ineendet tuguuchuuto.

JOHANA 14:16

Ak asoom Kwanda, ak kogoonok kagaigaindet age, si kotebi kobootok koigeny,

JOHANA 14:25

Kaamwaiwok tuguuchu, kota ami kobootok.

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

JOHANA 16:7

Ago amwaiwok ne po iman: myee eng' okweek ngawe: amu ngo mawe, ko manyonjinok Kagaigaindet; ago ngot awe, ayookwok ineendet.

JOHANA 2:22

Ye kingi ng'eet anyun ineendet komong' eng' che ki pek, kobwaat kasubikyik kole kiga komwa ng'olyoondoniito; ak ki iyan siruutyet, ak ng'olyoot ne ki kamwa Jeso.

JOHANA 20:22

Ak ye kingo kagomwa niito, kobusyi, ak koleenji, “Otaach Kabuuset ne Tiliil:

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

JOHANA 7:39

Ago ki mwaei niito agobo Kabuuset ne Tiliil, ne tuun taachei icheek che iyani ineendet: amu ki tom kegon Kabuuset ne Tiliil; amu kitom kitoroor Jeso.”

POISYONIGAP CHE KIYOKTOI 1:2

Ki atet anyun chooto tugul agoi peetuut ne ki kimuti kwo parak, ye kingo kagong'at `inee eng' Kabuuset ne Tiliil che kiyooktoi, chooto kiga kolewen.

POISYONIGAP CHE KIYOKTOI 1:4

Ak ye ki amisye tugul, kong'at icheek koleenji, “Amat obe eng' Jerusalem, ago ogen kayomiset ne po Kwanda, nooto ki ogasena.

POISYONIGAP CHE KIYOKTOI 1:8

Ago otaache kamuktaet ye tuun kanyonjok Kabuuset ne Tiliil; ak oegu paorinikyuk eng' Jerusalem, eng' Judea komugul ak Samaria, ak agoi tabandap ng'wony.”

POISYONIGAP CHE KIYOKTOI 11:16

Abwaat anyun ng'olyootap Kiptaiyat, ko uu ye ki mwa kole, ‘Ki ibatisanis Johana eng' peek; ago kibatisanook okweek eng' Kabuuset ne Tiliil.’

POISYONIGAP CHE KIYOKTOI 13:2

Ye kiboisyechin Kiptaiyat ak korugutegei, kole Kabuuset ne Tiliil, “Otabaannywa Barnaba ak Saulo agobo poisyet ne ki aguurchi.”

POISYONIGAP CHE KIYOKTOI 13:4

Kingo kagoyookto icheek `Kabuuset ne Tiliil, kochoorchigei Seleusia; ak ki pa eng' olooto kobun moinget agoi Cyprus.

POISYONIGAP CHE KIYOKTOI 15:28

Amu kigeere keele kagomyeeit eng' Kabuuset ne Tiliil ak eng' acheek, keele, ma kigesenjok mileet ne nyigiis ne siire tuguuchu nyolu:

POISYONIGAP CHE KIYOKTOI 15:8

Ak kibaoryanji icheek `Kamuktaindet ne ingen mugulelwegap piik, kogoochi icheek `Kabuuset ne Tiliil, ko uu ye ki koonech;

POISYONIGAP CHE KIYOKTOI 16:6

Ki pa anyun kobun kooret ne po Phrygia ak Galatia, ko kagoete icheek `Kabuuset ne Tiliil komwaita ng'olyoot eng' Asia.

POISYONIGAP CHE KIYOKTOI 2:33

Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.

POISYONIGAP CHE KIYOKTOI 2:4

Ki nyi icheek tugul Kabuuset ne Tiliil ak ki toi kong'alaale kutusweek alak, ko uu ye ki igoochi Kabuuset ne Tiliil icheek kamuget kong'alaal.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 20:35

Ki agoonok kaboorunet eng' tuguuk tugul, ale ye oboisyei ko nyolu otoret che ma tinyei kimnateet, ak obwaati ng'aleegap Kiptaiyat Jeso, ko uu ye ki mwa ineendet kole ‘Tinyei poiboiyet kagoitoet kosiir taaget.’ ”

POISYONIGAP CHE KIYOKTOI 28:25

Ak ye ki mata kogasyin icheegei, koba, ko kagomwa Paulo ng'olyoot agenge, kole, “Ki mwachi komyee Kabuuset ne Tiliil kwanisyekwok eng' maotyot Isaiah, kole,

POISYONIGAP CHE KIYOKTOI 5:3

Ago ki le Petero, “Anania, kalya si konyi Setani muguleldang'ung' kot iberber Kabuuset ne Tiliil, ak ituuch kebebertap che ki kialdae kooret?

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

POISYONIGAP CHE KIYOKTOI 7:55

Ago ki inyal kipsengwet kochiilji kong' ko nyiitaat ineendet Kabuuset ne Tiliil, ak ki keer liilindap Kamuktaindet ak Jeso kotononi eng' eutap tai ne po Kamuktaindet.

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

1 KORINTOEK 12:3

Nooto anyun agoonok oguiye ole, ma mi chii ne ng'alaali eng' Kabuusetap Kamuktaindet ne mwaei kole, “Jeso ko chuboot!” ama mi chii ne imuuchi komwa kole, “Jeso ko Kiptaiyat,” kobatee eng' Kabuuset ne Tiliil.

1 KORINTOEK 6:19

Anan, tos mongen ole poorwekwok ko Hekaluut ne po Kabuuset ne Tiliil ne miitei eng' okweek, ne otinye eng' Kamuktaindet? Ama oo pogei okweegei;

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

2 KORINTOEK 6:6

eng' tiliilindo, eng' naet, eng' mutyonet, eng' talasyet, eng' Kabuuset ne Tiliil, eng' chamyet ne ma tinyei keniisyet,

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

1 THESSALONIKEK 4:8

Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

2 TIMOTEO 1:14

Riip eng' Kabuuset ne Tiliil ne menyei eng' acheek, nooto myee ne ki kigoonin.

TITO 3:5

kosarwech, ma eng' poisyonigap imanda che ki kiyai acheeget, ago ko uu ole teptoi rireenennyi pogei, eng' kaunetap sigeet ne leel ak kaleelitetap Kabuuset ne Tiliil,

HEBRANIK 10:15

Ak paoryanjinech agine Kabuuset ne Tiliil: amu kingo pata komwa kole,

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.

HEBRANIK 3:7

Nooto anyun, ko uu ye mwaei Kabuuset ne Tiliil kole, Ngot ogas kutinnyi rani,

HEBRANIK 9:8

Ibooru Kabuuset ne Tiliil eng' ng'olyoondoni kole, ki tom keng'aany ooreet ne mong'jin ole-tiliil, ye kita ko tononot emait ne po tai;

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

1 JOHANA 5:7

Amu mi somogu che paoryani:

JUDA 1:20

Ago okweek, chamanichu, ogimiitkei eng' kayaneng'wong' ne tiliil miising', ak osaae eng' Kabuuset ne Tiliil.

NG'ANG'UTYET 2:11

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri koma nyooru ng'wanindo eng' meet ne po aeng'.