ISAIAH 60:6 - BUKUIT NE TILIIL Sireet ne Dutero Kanon

⁶ Tuchin chaang'indap tambeesik, kobooto moegap tambeesik che po Midian ak Ephah; punu tugul Sheba: ibu thahabu ak tuguuk che nyamdut, ak komwaita kalasunoigap Kamuktaindet ne Toroor.

Bukuit Ne Tilil

⁶ Tuchin chaang'indap tambeesik, kobooto moegap tambeesik che po Midian ak Ephah; punu tugul Sheba: ibu thahabu ak tuguuk che nyamdut, ak komwaita kalasunoigap Kamuktaindet ne Toroor.

BUKUIT NE TILIL

⁶ Tuchin chang’indab tambesik, koboto moekab tambesik che bo Midian ak Epa; bunu tugul Sheba: ibu tahabu ak tuguk che nyamdut, ak komwaita kalosunoikab Jehovah.

ISAIAH 60:6 Referencias Cruzadas

TAUNET 10:7

Weeriigap Kush ko: Seba, Havilah, Sabtah, Raamah ak Sabteka. Weeriigap Raamah ko: Sheba ak Dedan.

TAUNET 25:13

Chu isubi ko kainaigap weeriigap Ishmael, ko uu kainaikwak ak ko uu ortinwekwak: lakweet ne po tai ne po Ishmael ko Nebaiot; yeityo korup Kedar, Adbeel, Mibsam,

1 LAITORINIK 10:2

Ki it Jerusalem kobooto piikyik che chaang', ak tambeesik che ibei tuguuk che ng'uu ne anyiny, thahabu che chaang' ak koik che po kamanuutyet ne oo. Kingo it ole mi Solomon kong'alaal ak ineendet agobo tuguuk tugul che ki mi muguleldanyi.

2 LAITORINIK 8:9

Kwo anyun Hazael, kotorookta ineendet ak koip kagoochinet ne po kiit age tugul ne myee ne po Damasko, che yamei kola tambeesik artamu. Ki nyo kotonon eng' tainnyi, ak kole, “Kagoyokwo weeriing'ung' Ben-Hadad laitoryatap Syria, anyo oldang'ung', kole, ‘Tos asap eng' myani?’ ”

1 ATEPTAP PEETUUSYEK 1:33

Weeriigap Midian ko ki: Ephah, Epher, Hanok, Abida ak Eldaa. Chuuto tugul ko ki weeriigap Ketura.

2 ATEPTAP PEETUUSYEK 9:1

Kingo kas laitoryatap Sheba ne ki kwony kalasunetap Solomon, ko ki nyo Jerusalem konyo kotyem Solomon eng' teebutik che uueen. Ki nyo kobooto piik che chaang' ak tambeesik che ibei tuguuk che ng'uu ne anyiny, thahabu che chaang' ak koik che po kamanuutyet ne oo. Kingo it ole mi Solomon kong'alaal ak ineendet agobo tuguuk tugul che ki mi muguleldanyi.

TIENWOGIKAL 67:4

Ingoboiboitu pororyosyek ak kotyenso eng' poiboiyet: Amu irwookyini piik eng' imanda, Ak indochi pororyosyek eng' ng'wony.

TIENWOGIKAL 72:10

Ibu kagoochinoik laitorinigap Tarsus ak che po ngeguusyek; Igoitoi kagoochinoik laitorinigap Sheba ak Seba.

TIENWOGIKAL 72:15

Ak saptos icheek; ak kigoochi ineendet thahabu ne po Sheba: Ak saaei piik kotugul agobo ineendet; Iberuuri ineendet peetuut komugul.

ISAIAH 30:6

Maonateet agobo tyong'ik che po murot tai. Punei emetap nyalilda ak ng'wanindo, ole punu ng'etundo ne kotoy, ak ne kirgit, ereneet ak ereneet ne tirireni, ne uu maat, ibe mogornatosyekwak tigigoigap moegap sigirok, ak koibe konoraikwak ukwegap tambeesik, koipchin piik che ma nyoorunee kiy.

ISAIAH 42:10

Otyenji Kamuktaindet ne Toroor tyendo ne leel, otyen kalasunennyi kobooch tabandap ng'wony; okweek che ochoortoige nyanjet ak tugul che mi oriit, ngeguusyek ak piik che menyei olooto.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 60:9

Igeno iman ngeguusyek, ak sip kogeno melisyek che po Tarsis, si kobiit komut weeriiguk eng' ole loo, koibu fedhaisyekwak ak thahabusyekwak, agobo kainetap Kamuktaindet ne Toroor Kamuktaindeng'ung', ak agobo Ineendet ne Tiliil ne po Israel, amu ki kotoroorin.

ISAIAH 61:6

Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

JEREMIA 6:20

Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

EZEKIEL 27:22

Chemung'arainigap Sheba ak che po Raamah ko ki chemung'arainiguk: kiyae mung'aaret tuguuk che ng'uu ne anyiny kosiir tugul, ak koik tugul che po kamanuutyet ne oo, ak thahabu.

SEPANIA 3:10

Tuun ibwo kagoochinennyu piikyuk che saa, cheptap piikyuk che ki koyesta, kobunu pitoniin eng' ainoosyegap Kush.

SEKARIA 14:16

Ak age tugul ne ng'etu eng' pororyosyek tugul che ki ibookyin Jerusalem, kotogostoi olooto eng' kenyiit age tugul, kolasu Laitoryat, Kamuktaindet ne Toroor ne po lugoosyek, ak koyai igoorto ne po keryosyek.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MATAYO 2:11

Ki pa koot oriit ak ki keer lakweet ne ming'in kobooto kamennyi Maria. Ki ing'uruukso eng' teegis kolas ineendet ak kotyach konoraikwak che po kamanuut, ak kogoochi ineendet kagoochinoichooto po thahabu, tuguuk che nyamdut ak tuguuk che uu igomoik.

ROMANIK 15:9

ak si kotoroor Pororyosyek Kamuktaindet amu rireenennyi; ko uu ye ki kisir keele, Nooto anyun alasun eng' kwenutap Pororyosyek, Ak atyenji kaineng'ung'.

NG'ATUTIK 32:43

“Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”

PILIPIK 2:17

Ee, agot ngerong'ja paragutap kaptisisyet ak otisyetap kayaneng'wong', ko abaibai, ak agasigei kobootok okweek tugul:

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

KIRUOGIK 6:5

Amu ki pwa kotogos ak tuukwak ak emaisyekwak, ak ki mong' ko uu chereng'enyinik eng' chaang'indo; ki ma ko iitoksei icheek ak tambeesikwak; ak ki pwa kong'em emet.

KIRUOGIK 7:12

Kiga ruiyo Midianik, Amelegik ak piigap kong'asiis tugul eng' atebweet koigei chereng'enyinik eng' chaang'indo ak ki ma koitoksei, ki tee tambeesikwak ng'aniegap ngeguutap nyanjet eng' chaang'indo.