ISAIAH 55:7 - BUKUIT NE TILIIL Sireet ne Dutero Kanon

⁷ ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

Bukuit Ne Tilil

⁷ ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

BUKUIT NE TILIL

⁷ ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

ISAIAH 55:7 Referencias Cruzadas

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 15:4

Ago kingo weekyigei Kamuktaindet ne Toroor, Kamuktaindetap Israel, eng' nyalildanywa, ak kocheeng' ineendet, konyoor ineendet.

2 ATEPTAP PEETUUSYEK 30:6

Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

2 ATEPTAP PEETUUSYEK 33:13

Ak ki sa, ak ki kigasyi; ki kas Kamuktaindet ne Toroor soomennyi, ak ki imut ineendet kogeny konyo Jerusalem ole mi laitornatennyi. Konai anyun Manasseh kole Kamuktaindet ne Toroor ko Kamuktaindet.

2 ATEPTAP PEETUUSYEK 7:14

ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

Kitabuutap JOB 22:23

Ngot iweekyigei Ineendet Ne po Kamuktaet, keteechin; Ngot iiste tengekto kolooit eng' emaisyeguk.

TIENWOGIKAL 130:4

Ago miitei nyoetap kaat eng' inyee, si kobiit kiywein.

TIENWOGIKAL 130:7

Ee Israel, imang'u Kamuktaindet ne Toroor; amu mi rireenet eng' Kamuktaindet ne Toroor, ak mi katyaget ne siirei eng' ineendet.

TIENWOGIKAL 51:1

Rirenage, ee Kamuktaindet, ko uu chamyeng'ung' ne tala; tindiny pistoennyu ko uu chaang'indap rireenosyeguk.

TIENWOGIKAL 66:18

Ye abwaat tengekto eng' muguleldanyu, koma kaswa Kiptaiyat.

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 1:19

Ngot ochame ak ogase iit, oame anyun akwaindap emet.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 21:12

Mwaei riibindet kole, “Kagoeech, ak konyonei kogeny kemout. Ngot omache oteep, oteep; oweege, obwa.”

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 32:7

Yaacheen tuguuk che po rebindet; chobei chobutik che yaacheen si kobare che talaen ng'aleek che po lembech, agot ye ng'alaali ne ma tinyei kiy ng'aleek che lititen.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 54:10

Amu istogei tuloonook ak kiutoi tuloonook che mengeechen; ago ma istoenengei talasyennyu, ama ki istoi kayomisennyu ne po kaalyeet, mwaei Kamuktaindet ne Toroor ne rireenen.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

ISAIAH 58:6

Tos ma karugutetapkei ni ne ki alewen: ale kityaach ratuutigap yaityet, kityaach anoogap chogit, ak keunda che kigetyekyi ng'wony, ak oiri chogit age tugul?

ISAIAH 59:7

Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 3:3

Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

RIREKAB JEREMIA 3:40

Ongisyach ak ketyem ortinwekyok, si keeweekyigei kogeny Kamuktaindet ne Toroor.

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

SEKARIA 8:17

Amat kobwaat chii age tugul eng' okweek yaityet eng' muguleldanyi agobo chiitap kokwennyi, amocham kayasyoet age tugul ne po lembech; amu aweche tuguuchuuto tugul, mwaei Kamuktaindet ne Toroor.”

MATAYO 9:13

Ago oba okweek, si oneetkei ole teptoi ng'olyoondoni, ‘Amache rireenetapkei, ma mache tiseiywo.’ Ki ma anyo aguur che po imanda, ago kiptengeginik.”

MARIKO 7:21

Amu mang'une oriit, eng' muguleldap chii, kabwaatutik che yaach: sokseet, choorsosyek, rumisyosyek, ibeetapkei,

MARIKO 7:23

Mang'une oriit tuguuchuuto tugul yaacheen ak kong'wanit chii.”

LUKA 15:10

Uu nooto anyun, amwaiwok ale, mi poiboiyet eng' taitap malaikaisyegap Kamuktaindet eng' kiptengekyot agenge ne kasik.

LUKA 15:24

amu weeriinnyu ni, ne kiga kome, ago kagosap kogeny; kiga kobet, ak kagobiit. Ki toi anyun koboiboitu.

LUKA 7:47

Nooto anyun ne kamwaun ale, kagenyochi kaat tengekwogikyik, che ka chaang'; amu chamei miising': ago ineendet ne kinyochin kaat kitigin, kochamei agine kitigin.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

JAKOBO 1:15

ak ye kagomanach mageet ne ya, koii tengekto; ak ye kagoeet tengekto, koii meet.