ISAIAH 51:18 - BUKUIT NE TILIIL Sireet ne Dutero Kanon

¹⁸ Ma mi ne indochin ineendet eng' weeriik tugul che ki sich; ama mi ne namoti ineendet euut eng' weeriik tugul che ki igui.

Bukuit Ne Tilil

¹⁸ Ma mi ne indochin ineendet eng' weeriik tugul che ki sich; ama mi ne namoti ineendet euut eng' weeriik tugul che ki igui.

BUKUIT NE TILIL

¹⁸ Mami ne indochin inendet eng’ werik tugul che kisich; ama mi ne namoti inendet eut eng’ werik tugul che kiigui.

ISAIAH 51:18 Referencias Cruzadas

Kitabuutap JOB 8:20

Keero, ma eesyoi Kamuktaindet chiito ne ititaat, ama tiyei yaigap yaityo.

TIENWOGIKAL 142:4

Kusyi kong' eunnyu ne po tai, ak igeer; amu ma mi chii ne ingeno; ki kobetwa ole amwechini, ma mi chii ne riibei saboondanyu.

TIENWOGIKAL 88:18

Ki istoena chamaneet ak chorweet, Ak miitei mesundeito icheek che ingeno.

ISAIAH 41:13

Amu aname eung'ung' ne po tai, anee Kamuktaindet ne Toroor Kamuktaindeng'ung', aleenjinin, Meiywei; atoretiin.

ISAIAH 45:1

Mwachin `Kamuktaindet ne Toroor Cyrus, nenyi ne iilaat, ne aname eunnyi ne po tai, koterteer pororyosyek eng' tainnyi, ak atyach suenutigap laitorinik; si ayaat kurgotik eng' tainnyi, ama kigerei ormariichok, komwaei kole;

ISAIAH 49:21

Yeityo imwa eng' muguleldang'ung' ileen, Kisikwa ng'oo chuuto, amu ki kobegunena lagokyuk, ak ami aneege, ak kigeluula, ak aombenoti? Ak ng'oo ne ki igu chuuto? Keero, ki kibagaakta aneege; kimi ano chuuto?

ISAIAH 54:11

Ee inyee ne kinyaliili, ne wiirtoi usoonet ne oo, ama kigaigain, keero, alumdoi koiguk eng' saleiywek che korooron, ak alume lumeiyweguk koik che kiguure sapire.

JEREMIA 10:20

Kigeng'em emainnyu, ak kigeng'eti poroonikyuk tugul. Kigoba lagokyuk kometaa, Ama komi. Ma komi chii ne teekwo ak kondaiywo emainnyu angook.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

EZEKIEL 34:6

Ki ombenioti keechiirekyuk eng' tuloonook tugul, ak eng' tulweet age tugul ne kooi: ee, kiyesta keechiirekyuk koyom ng'wony tugul; ak ki ma komi chii ne ki cheeng'at anan kosubot icheek.

AMOS 5:2

Kagobut, ma kong'eetei kogeny, pergeiyatap Israel; kagewiirta eng' emennyi, ma mi chii ne ing'eeti.

MATAYO 15:14

Omete icheek; icheek ko kandoik che koryotiin. Ak ngo ndochi kipkoraatyat, kipkoraatyat, kororokyin tuwai keriinget.”

MATAYO 9:36

Ago ye kingo keer tuiyosyek, koriiregei icheek, amu kinyerootiin ak koiyestootin, ko uu keechiirek che ma tinyei mestowot.

MARIKO 8:23

Ki nam eutap kipkoratyandanooto ak komut komandae nganaseet; ak ye kingo kagong'utyi konyekyik ak kogonoor eunekyik ineendet, koteebe kole, “Igeere kiy?”

POISYONIGAP CHE KIYOKTOI 13:11

Ak keer nguno anyuno, mi eutap Kiptaiyat paragung'ung', ak eng' peetuusyo iegu kipkoratya si mata igeer asiista.” Ak ki ibutyi sainooto mirmirindo ak mesundeito, ak kiwendot kocheeng'at piik che namoti ineendet euut.

POISYONIGAP CHE KIYOKTOI 9:8

Ki ng'eet anyun Saulo, ak kingo kagoyatagis konyekyik, koma kogeerei kiy; komut anyun `icheek ineendet konamoti euut agoi Damasko.

HEBRANIK 8:9

Ma ko uu kayomiset ne ki kiyomiske ak kwanisyekwak eng' peetuut ne ki anam eunekwak si amut komong' eng' emetap Misiri; amu ki ma koteptoi kayomisennyu, ak ki ma amage kiy icheek, mwaei Kiptaiyat.