ISAIAH 50:6 - BUKUIT NE TILIIL Sireet ne Dutero Kanon

⁶ Ki agoochi kobir patennyu piriik, ak agoochi matang'wekyuk icheeget che kiitut suumeek: ma aung'e togeennyu teweernateet ak che sing'iljino.

Bukuit Ne Tilil

⁶ Ki agoochi kobir patennyu piriik, ak agoochi matang'wekyuk icheeget che kiitut suumeek: ma aung'e togeennyu teweernateet ak che sing'iljino.

BUKUIT NE TILIL

⁶ Kiagochi kobir batennyu birik, ak agochi matang’wekyuk icheget che kiitut sumeek: ma aung’e togennyu tewernatet ak che sing’iljina.

ISAIAH 50:6 Referencias Cruzadas

NEEMIA 13:25

Ki ager kong' icheek ak achup, abir alak eng' icheek ak ang'ei sumekwak, yeityo abirchi icheek koyasyo eng' Kamuktaindet aleenji, “Amat ogoochi tiibiikwok weeriikwak anan otunji weeriikwok tiibiikwak anan otun okweeget.

Kitabuutap JOB 16:10

Kagoyatya kuut ak kororecho icheek; kagorabacha eng' chotisyet, iyumjinagei che chaang' kogirindaa.

Kitabuutap JOB 30:10

Wecha, itabaanenagei, ak sing'iljino togoch.

TIENWOGIKAL 129:3

Ki ibat patennyu kabotik; kigereer kererchosyek koeegitu.”

TIENWOGIKAL 69:7

Amu ki aegu ne kirosyin agobo inyee: Ki kotuch togeennyu kalilanet.

TIENWOGIKAL 69:8

Ki aegu too eng' che kitupche, ak ki aegu kipsagarin eng' lagogap chebyoset ne kisicha.

ISAIAH 53:5

Ago ki kitoor agobo pistaosyekyok, ki kiguoten agobo tengekwogikyok: kinyooru kalyennyo eng' pirennyi; ak kisoobenech pirutikyik.

ISAIAH 53:7

Ki kinyalil, ago ki iming'ingei, ma twek; ki igei ineendet aarwetap keechiir ne ki kweryei kwo ole kieng'e, ko uu keechiiryet ne siisei eng' taitap piik che tilei koroorikyik; ee, ma twek.

RIREKAB JEREMIA 3:30

Ingogoochi matandanyi ineendet ne irabaachi; ak inginyiit ineendet chotisyet.

MIKAH 5:1

Iyumge anyun, obee kweanaigap lugeet, ee cheptap kweanaigap lugeet; kogoyiemech: kwere kirokto matandap kirwoogindetap Israel.

KAITOSYEK 12:14

Ki leenji `Kamuktaindet ne Toroor Musa, “Nda kagang'utyi kwandanyi togeet, ko tos kama komurwon peetuusyek tisap? Ingegerchi ineendet saang'utap nganaseet peetuusyek tisap, ak ye ibata kimut kogeny konyo kaa.”

MATAYO 26:67

Kising'ilji togeennyi ak koluch; ak korabach alak,

MATAYO 27:26

Ki ityakyi Barabbas ak ye kingo kagobir `Pilato Jeso, kogoito ineendet kigartaat.

MATAYO 27:30

Kising'ilji ineendet ak konam tegat kokwere metinnyi.

MATAYO 5:39

Ago amwaiwok ale, Amogirinde ne ya; ago age tugul ne irabaachin matandap tai, iweekyi age agine.

MARIKO 14:65

Ak ki toi alak kosing'ilji ineendet ak kotuch togeennyi, ak koluch, ak koleenji, “Ng'orse!” Ki nam `riibiik ineendet ak korabach.

MARIKO 15:19

Ak kikwer metinnyi eng' tegat, ak kosing'ilji, ak kogutuny kolas ineendet.

JOHANA 18:22

Ak ye kingo kagomwa ko uu niito, korabach Jeso age eng' kiptainik che kitonondos eng' yooto kole, “Iwoljini tisiindet ne oo ko uu nooto?”

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.