ISAIAH 49:23 - BUKUIT NE TILIIL Sireet ne Dutero Kanon

²³ Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

Bukuit Ne Tilil

²³ Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

BUKUIT NE TILIL

²³ Ak koek laitorinik kwanisieguk che iguin, ak koek osotikab laitorinik kametwogiguk che iguin: kutung’jinin ichek kot koit togochikwak ng’ony, ak komel temburiek che mi kelyeguk; ak inai ile a Jehovah, maililandos ichek che igena.

ISAIAH 49:23 Referencias Cruzadas

TAUNET 27:29

Ingootin pororyosyek, ak ingong'uruukyin pororyosyek. Egu kiptaiyat eng' tupchosyeguk, ak ingong'uruukyin weeriigap kamenng'ung'. Chuboot ineendet ne chubin, ak iberuurot ineendet ne iberuurin!”

TAUNET 43:26

Ye kingo it Joseph kaa, koipchi `pichooto ineendet kagoochinoik che ki ibu, kobwa ko, ak ki ing'uruuk eng' tainnyi agoi ng'wony.

TIENWOGIKAL 138:4

Koonin kongoi laitorinik tugul che po ng'wony, ee Kamuktaindet ne Toroor, amu ki kogas ng'aleegap kuting'ung'.

TIENWOGIKAL 25:3

Ee, amegoochi kolilaan ne igenin; ililandos icheek che ng'aalsei puch.

TIENWOGIKAL 34:22

Ityachi Kamuktaindet ne Toroor saboonwegap kiboitiinikyik; ak ma kirwookyin agot agenge ne imang'u ineendet.

TIENWOGIKAL 68:31

Tuun mang'une pounik Misiri; Iyogoochin Kush eunekyik Kamuktaindet kochokyin.

TIENWOGIKAL 69:6

Ee Kiptaiyat Kamuktaindet ne Toroor ne po lugoosyek, amat kolilaanso che igenin amu anee: Ee Kamuktaindet ne po Israel, amat koteweerogis agobo anee icheeget che cheeng'in.

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 26:8

Eng' ooreetap kirwoogutiguk; Ee, Kamuktaindet ne Toroor, ki kigenin, makyingei saboonwekyok kaineng'ung' ak kabwaateng'ung'.

ISAIAH 29:22

Mwaei ko uu ni anyun Kamuktaindet ne Toroor, ne ki ityaach Abraham, agobo kootap Jakobo, kole ma kolilani anyun Jakobo, ama koarageni kogeny.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 43:10

Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 50:7

Amu toreto Kiptaiyat Kamuktaindet ne Toroor; ma alilan anyun amu nooto: ki auuiit anyun togeennyu koigei rwandet ne uui, ak angen ale ma lilani.

ISAIAH 52:15

ibisi anyun pororyosyek che chaang'; namei kuut laitorinik amu ineendet: amu tuun keerei tuguuk che kitom kemwachi icheek, ak koguiyo tuguuk che kitom kogas.

ISAIAH 52:6

Nae anyun piikyuk kainennyu: naei anyun eng' peetuunooto kole anee ne ang'alaali; ogeero, anee.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 60:3

Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

ISAIAH 64:4

Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

EZEKIEL 37:6

Andeok inoik ak alaakwok panyeek ak atugenok iriryot, yeityo andeok kabuuset, si osapche; si onai ole aa Kamuktaindet ne Toroor.

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

MIKAH 7:17

Melei ng'ung'unyek ko uu ereneet; mong'u kobotanionu eng' komoswekwak che ung'egei ko uu tuguuk che ichuutegei ng'wony: pwoonei eng' kaiyweisyet ole mi Kamuktaindet ne Toroor, Kamuktaindennyo, ak koiyweis amu inyee.

KAITOSYEK 11:12

Tos anee ne ki asiche pichu tugul? Tos anee ne ki asich kot ileenjo, ‘Kesene tegeng'ung', ko uu ye keseni kwan lakweet ne reryei,’ ile amut koba emet ne ki iyasyechi kwanisyekwak?

MATAYO 25:16

Ki wo anyun ineendet ne kitaach talendaisyek muut ak kwo koboisyee, ak kinyoor talendaisyek alak muut.

ROMANIK 10:11

Amu mwaei sireet kole, “Age tugul ne iyani ineendet koma kigoochin kolilaan.”

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

ROMANIK 9:33

ko uu ye siraat kole, Ogeero, andoi Zion koita ne riichei piich ak rwandet ne inachi piich: Ak ne iyani ineendet koma kigoochin kolilaan.

1 PETERO 2:6

Amu mi eng' sireet kole, Ogeero, kande Zion koita, koita ne po luuita ne lewenot ak ne chamat miising': Ak ineendet ne iyani, koma ililani.

NG'ANG'UTYET 3:9

Agoochini che po sinagogitap Setani, icheeget che mwaei kole ki Yahudik, ago ma icheek, kenu, keero, agoochini icheek kobwa kogutuny eng' keelyeguk, ak konai kole ki achamin.