ISAIAH 49:22 - BUKUIT NE TILIIL Sireet ne Dutero Kanon

²² Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

Bukuit Ne Tilil

²² Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

BUKUIT NE TILIL

²² Mwaei Kiptaiyat Jehovah ko u ni kole, Ogeero, atokyini eunnyu bororiosiek, ak aborji bik songoliennyu: si koganab weriguk, ak kimut tibiguk eng’ tigigoikwak.

ISAIAH 49:22 Referencias Cruzadas

TIENWOGIKAL 102:22

Ye kagoyumgei piik, ak laitornatosyek, si koboisyechi Kamuktaindet ne Toroor.

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

TIENWOGIKAL 72:8

Laitorani ineendet kobooch nyanjet agoi nyanjet age, Ak kobooch aineet agoi ole poochin ng'wony.

TIENWOGIKAL 86:9

Tuun pwoonei pororyosyek tugul che ki iyae Ak kogutung'so eng' taing'ung', ee Kiptaiyat; Ak kotoroor icheek kaineng'ung'.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 43:6

Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 62:10

Omande, omandae ormariichok; ochop ooreetap piik; ochop, ochop ooreet ne oo; oiste koik; onamji parak songolyet agobo piik.

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

SEKARIA 8:22

Ee, pwoonei piik che chaang' ak pororyosyek che kiimeen kocheeng' Kamuktaindet ne Toroor ne po lugoosyek eng' Jerusalem, ak kosoom chameet eng' Kamuktaindet ne Toroor.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

LUKA 13:29

Ak tuun pwoonei kobunu kong'asiis ak cherongo, ak murot kaataam ak murot tai, ak kotep ng'wony koamis eng' laitornatetap Kamuktaindet.