ISAIAH 48:17 - BUKUIT NE TILIIL Sireet ne Dutero Kanon

¹⁷ Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

Bukuit Ne Tilil

¹⁷ Mwaei ko uu ni Kamuktaindet ne Toroor, katyagindeng'ung', Ineendet ne Tiliil ne po Israel: Aa Kamuktaindet ne Toroor Kamuktaindeng'ung', ne ineetin iboor, ne indoun eng' ooreet ne kanyool ibun.

BUKUIT NE TILIL

¹⁷ Mwaei ko u ni Jehovah, katiangindeng’ung’, Inendet ne Tilil ne bo Israel: A Jehovah Kamuktaindeng’ung’, ne inetin ibor, ne indoun eng’ oret ne kanyol ibun.

ISAIAH 48:17 Referencias Cruzadas

TAUNET 24:48

Ak ang'uruuge asaa Kamuktaindet ne Toroor, ak aweekyi kongoi Kamuktaindet ne po Toroornatet ne po kiptaiyandennyu Abraham, ne ki indoiywo eng' ooreet ne myee si amutyi weeriinnyi cheptap ng'eetap kametap kiptaiyandennyu.

1 LAITORINIK 8:36

igas anyun eng' kipsengwet, ak inyochi kaat otwogiguk, eng' tengektonywa ak ne po piiguk Israel, ye ineeti icheek ooreet ne myee ne nyolu kobendatee; iyookyi ropta emeng'ung', ne ki igoochi piiguk koek porotennywa.

Kitabuutap JOB 36:22

Keero, tororitu Kamuktaindet eng' kamugennyi: Ng'oo kaneetindet ne uu ineendet?

TIENWOGIKAL 25:12

Ng'oo anyun, chii ne iywei Kamuktaindet ne Toroor? Ineeti `Kamuktaindet ne Toroor ineendet eng' oor ne leweni.

TIENWOGIKAL 32:8

Atigoonin ak aneetiin eng' ooreet ne ibune. Ageerotin ak ang'omitin.

TIENWOGIKAL 71:17

Ee Kamuktaindet, ki ineeta kobooch ko aa ming'in; ak ki amwaite agoi nguno poisyoniguk che po kwong'eet.

TIENWOGIKAL 73:24

Inyee ne indoiywa eng' ruchineng'ung', Ak eng' let itaacha anyo ye mi liilindo.

ISAIAH 2:3

Tuun itendenjin olooto piik che chaang' koleen, “Obwa, keebe ketogoste tulweetap Kamuktaindet ne Toroor, agoi kootap Kamuktaindetap Jakobo; si koneetech ortinwekyik, si kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

ISAIAH 28:9

“Ineeti ng'oo ineendet naet? Ak ng'oo ne igoochin koguiyo ng'aleek? Icheek che kigeluge, che kigeete kochuchun?

ISAIAH 30:20

Nganda koonok Kiptaiyat amitwogigap nyalilda ak peegap usiisyet, koma keunyei Kanetindeng'ung' agoi, ago keerei konyeguk Kanetindeng'ung'.

ISAIAH 30:21

Ak ye komaste obe eutap tai, anan ye komaste obe murot kaataam, ogas anyun ng'olyoot ne mi let eng' okweek, ne mwaei kole, “Ooreet ni, oba orani.”

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 43:14

Mwaei Kamuktaindet ne Toroor, katyagindeng'wong', Ineendet ne Tiliil ne po Israel, ko uu ni, kole: Ki ayookte ng'olyoot kwo Babilon agobo okweek, ak achooru icheek tugul ko uu che mweoti, chooto po Kaldeik, eng' melisyek che poiboitune.

ISAIAH 43:16

Mwaei Kamuktaindet ne Toroor, ne yaei ooreet eng' nyanjet, ak ooreet eng' peek che kiimeen;

ISAIAH 45:11

Mwaei Kamuktaindet ne Toroor, Ineendet ne Tiliil ne po Israel, ak ko Yaindennyi, kole, teebena agobo tuguuk che pwoonei; ong'ata agobo weeriikyuk, ak agobo poisyetap eunekyuk.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 54:13

Ak ineeti Kamuktaindet ne Toroor lagoguk tugul; ak koeet kaalyeetap lagoguk.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

JEREMIA 6:16

Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

EPESOEK 4:21

ngo ki ogas ineendet, ak ki kinetak eng' ineendet, ko uu ye mi imanit eng' Jeso:

JOSHUA 3:4

Osup si kobiit onai ooreet ne nyoljinok obun, amu tomo obune orani. Ago oloochiine ak moinget eng' olo po mitainik eliphuut agenge; amoriikyi.”