ISAIAH 45:21 - BUKUIT NE TILIIL Sireet ne Dutero Kanon

²¹ Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

Bukuit Ne Tilil

²¹ Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

BUKUIT NE TILIL

²¹ Omwaite, obarte; ee, ingoruoch tugul: ng’o ne kiibor ng’olyondonito koboch keny? Ng’o ne kimwaita koboch keny? Tos ma ane Jehovah? Ama mi Kamuktaindet age kobatena; Kamuktaindet ne bo iman, ak ko yaindet; mami age kobatena.

ISAIAH 45:21 Referencias Cruzadas

TIENWOGIKAL 26:7

si atyen tyendap kongoi kogasak, ak ang'alaalee poisyoniguk tugul che kikwong'ee.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

TIENWOGIKAL 96:10

Omwa eng' pororyosyek ole, Laitorani Kamuktaindet ne Toroor: Ki kigimit ng'wony si ma ng'eigei: Irwookyin piik eng' imanda.

ISAIAH 19:20

Tuun egu nooto kaboorunet ak paornateet ne po Kamuktaindet ne Toroor ne po lugoosyek eng' emetap Misiri. Tuun riirchin Kamuktaindet ne Toroor amu usiikwak, ak koyookyi icheek yetindet, kotoret, ak kosar icheek.

ISAIAH 41:26

Ng'oo ne ki komwa ng'olyoondoni kobooch taunet, si kobiit kenai? Ak ne kisip komwa, si kobiit kemwa keele, Po ineendet imanda? Ee, ma mi agot agenge ne mwaei, ee, ma mi agot agenge ne ibooru, ee, ma mi agot agenge ne kasei ng'aleekwok.

ISAIAH 43:11

Anee, ee, aneendet, aa Kamuktaindet ne Toroor; ama mi yetindet age kobatena.

ISAIAH 43:3

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

ISAIAH 43:9

Ingoyumgei pororyosyek tugul, ak ingoyumgei piik: ng'oo eng' icheek ne imuuchi komwa ng'olyoondoniito, ak koboorwech tuguuk che po tai? Ingomut paorinikwak, si kobiit kiityi imanda: anan ingogas, ak komwa kole, po iman.

ISAIAH 45:14

Mwaei Kamuktaindet ne Toroor kole, nyonjinin poisyetap Misiri, kobooto tuguugap mung'areetap Kush, ak piigap Sabe, piik che kooen, ak punjinin; isubun; pwonjinin ko ratotiin; ak kobutyi keelyeguk, kosoomin, kole, Iman mi Kamuktaindet kobooten; ama mi age, ma mi Kamuktaindet age.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 45:5

Aa Kamuktaindet ne Toroor, ama mi age; ma mi Kamuktaindet age kobatena: agermenin, nganda tomo inaa:

ISAIAH 48:14

Oyumgei, okweek tugul, si ogas; ng'oo eng' icheek ne ki komwaita tuguuchuuto? Kigocham Kamuktaindet ne Toroor ineendet: yaei eng' Babilon kiit ne chamei, ak kotebee eunnyi Kaldeik.

ISAIAH 48:3

Ki amwaite tuguuk che po tai kobooch keny; ee, ki mang'une kutinnyu, ak ki abarte: ki ayai achokyi, ak ki isulda.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

JEREMIA 50:2

Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

SEPANIA 3:17

Mi kwenung'ung' Kamuktaindet ne Toroor Kamuktaindeng'ung', ineendet Kiplugotyot ne koonu katerteerisyet. Poiboitunenen eng' poiboiyet, siisei eng' chamyennyi. Poiboitunenen eng' tyendo,

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

SEKARIA 14:7

ago peetuut agenge ne naat eng' Kamuktaindet ne Toroor; ma peet, ama kemoi: ago lapkeitu koskoleny.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’