ISAIAH 30:22 - BUKUIT NE TILIIL Sireet ne Dutero Kanon

²² Ak omurwon kiit ne ki kiliige kanamoniguk che po fedha che ki kiwai, kobooto che ki kiliige kanamoniguk che po thahabu che ki kitany. Iwirtoi ko uu kiit ne mi simdo; ileenjini, “Istegei eng' yu!”

Bukuit Ne Tilil

²² Ak omurwon kiit ne ki kiliige kanamoniguk che po fedha che ki kiwai, kobooto che ki kiliige kanamoniguk che po thahabu che ki kitany. Iwirtoi ko uu kiit ne mi simdo; ileenjini, “Istegei eng' yu!”

BUKUIT NE TILIL

²² Ak omuruon kit ne kigiliige kanamoniguk che bo feda che kigiwai, koboto che kigiliige kanamoniguk che bo tahabu che kigitany: iwirtoi ko u kit ne mi simdo; ilenjini, Istege eng’ yu.

ISAIAH 30:22 Referencias Cruzadas

2 ATEPTAP PEETUUSYEK 31:1

Kingo kagogeskei chuuto tugul, koba nganasoogap Judah Israel tugul che ki mi koba kobut tolochik, koep Aserik ak kobut komoswek che torooreen ak kapkorosusyek eng' Judah tugul ak Benjamin, eng' Ephraim ak Manasseh, kot kong'em kogees tugul. Ki week anyun lagok tugul che po Israel koba nganasookwak, kwo chii tugul ole mi tuguukyik.

ISAIAH 27:9

Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

ISAIAH 31:7

Amu tuun wiirtoi chii age tugul eng' peetuunooto kanamonikyik che po fedha ak kanamonikyik che po thahabu, che kiyaiywok eunekwok koek tengekto.

ISAIAH 40:19

Ichooti musogindet tuguuk si kobiit kowai kanamwet, ak koliige kitang'indetap thahabu kanamwonooto thahabu, ak kotang'ji sirimwegap fedha.

ISAIAH 46:6

Icheek che rong'u thahabu eng' lolet, ak kogere fedha ratilit, kosiirei kitang'indetap thahabu, ak koyae tuguuchooto kanamwet; ibutyin ng'wony icheek, ee, kutung'jin.

RIREKAB JEREMIA 1:17

Iitoi Zion eunekyik; ago ma mi chii ne igoigoi ineendet. Ki kong'at Kamuktaindet ne Toroor agobo Jakobo, kole egu puunikyik piik che menyei komoswekyik. Mi Jerusalem kwenunnywa ko uu kiit ne murwoon.

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 18:6

ak tomo koamisye tuloonook, ama tokyi kanamonik che po kootap Israel, ama ing'wanit osotyotap chiitap kokwennyi, ama riikyi kwony eng' peetuusyekyik che po arawet;

EZEKIEL 36:31

Yeityo obwaat anyun ortinwekwok che yaach, ak poisyonikwok che ki ma ko myachen; ak osaske okweegei eng' taing'wong' amu tengekwogikwok ak amu tuguukwok che kiwechei.

EZEKIEL 7:19

Wiirchin fedhaisyekwak ortinwek, ak koigei thahabusyekwak kiit ne murwoon; ma imuuchi kosar icheek fedhaisyekwak ak thahabusyekwak eng' peetuutap nereegegap Kamuktaindet ne Toroor; ma piyong'dos saboonwekwak, anan konyi mootinwekwak: amu kagoek kanagutyetap tengektonywa.

EZEKIEL 7:20

Kigainde etunateet karaaranindap lelestanyi: ago ki yai kanamonigap tuguukwak che kiwechei kobooto tuguukwak che samis eng' olooto: koayai anyun kioto koek kiit ne murwoon eng' icheek.

HOSEA 14:8

Tuun mwaei Ephraim kole, ta keting'egei nee kogeny ak kanamonik? Kaawolu, ak ageer ineendet: auu piribiret ne tuon; punwa logoeguk.

ATEPTAP LAWIK 13:52

Peelei ngoryonooto anyun eng' ma, ngo po usiisyek che ki kitoor anan che ki kimur, ngo che po koroorigap keechiirek anan ngo che po katanit, anan kiy age tugul ne po magateet, ne tinyei koroito, amu nooto ko mogondosaik che ng'emisyei.

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

MATAYO 4:10

Ki leenji Jeso anyun, “Istegei, Setani; amu siraat kole, ‘Ilasu Kiptaiyat Kamuktaindeng'ung', ak iboisyechi ineendet ineegei.’ ”

NG'ATUTIK 7:25

Obeel kanamonigap kamuktaikwak, amat igase myat fedha anan thahabu che mi kanamonichooto, anan iipchigei si ma riichin amu wechei nooto Kamuktaindet ne Toroor Kamuktaindeng'ung'.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.