ISAIAH 25:8 - BUKUIT NE TILIIL Sireet ne Dutero Kanon

⁸ Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

Bukuit Ne Tilil

⁸ Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

BUKUIT NE TILIL

⁸ Kigolugui inendet meet koigeny; ak tun ibuchi Kiptaiyat Jehovah beekab kong’ eng’ togochik tugul; ak koisto tewernatetab bikyik eng’ ng’ony komugul: amu kagomwa Jehovah nito.

ISAIAH 25:8 Referencias Cruzadas

TIENWOGIKAL 116:8

Amu ki isaru saboondanyu eng' meet, ak konyekyuk eng' peegap kong', ak keelyekyuk si ma put.

TIENWOGIKAL 69:9

Amu ki ama ng'etkondap koong'ung'; Ak ki kobwonjo rosyinetap icheeget che rosyinin.

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.

ISAIAH 30:19

Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 37:3

Ak ki leenji ineendet, Kamwa Hezekiah kole, peetuuni ko peetuutap nyalilda, ak kereetap kong', ak chubisyet: amu kait kesich lagok, ama mi kimnateet ne kesige.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 51:7

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 61:7

Onyooru konyil aeng' agobo kalilaneng'wong'; ak koboiboitu eng' kebebertanywa kogeere toiyet: nyabani anyun icheek konyil aeng' eng' emennywa: punjin icheek poiboiyet ne po koigeny.

ISAIAH 65:19

Ak abaibaitune Jerusalem, abaibaitune piikyuk: ama kegasei ne riirei eng' nganasanooto, anan tuugeet ne po riirek.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

JEREMIA 31:16

Mwaei Kamuktaindet ne Toroor kole: Amat itee, anan iriir: amu mi melekto ne po poisyeng'ung', mwaei Kamuktaindet ne Toroor; ak pwoonei icheek kogeny eng' emetap puunyoot.

HOSEA 13:14

Atyachi icheek komong' eng' kimnateet ne po kererit; asaru icheek eng' meet. Ee meet, mi ano korotweguk? Ee kererit, mi ano ng'emisyeng'ung'? Ma awale kabwaatutikyuk.

LUKA 1:25

“Koyaiywo ko uu niito Kiptaiyat eng' peetuusyek che ki ibwaata, si koistoena sasisyet ne ting'eno piik.”

1 KORINTOEK 15:26

Puunyoot ne po let ne tuun king'emei ko meet.

1 KORINTOEK 15:54

Ago ye tuun kagolaach niito nunei, ne manunei, ak ko kagolaach niito meei ne ma meei, kosulda anyun mwaet ne ki kisir keele, Kagelugui meet eng' kabelisyet.

2 TIMOTEO 1:10

ago kagotook nguno eng' tagunetap Yetindennyo Kristo Jeso, ne ki kobar meet, ak kong'aany saboondo ak ng'emisyet ne ma komi, eng' logoiywek che myach,

1 PETERO 4:14

Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.

NG'ANG'UTYET 20:14

Ak ki kiwiirchi meet ak ye mi che ki kobek, araraitap maat. Niito ko meet ne po aeng', araraitap maat.

NG'ANG'UTYET 21:4

ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”