HABAKUK 3:8 - BUKUIT NE TILIIL Sireet ne Dutero Kanon

⁸ Tos ki nereekyi Kamuktaindet ne Toroor ainoosyek? Tos ki nyo nereeknateng'ung' agobo ainoosyek, anan agobo nyanjet, kot ilaany paraisisyeguk, ak ilaany karisyeguk che po lugeet che po yetunet?

Bukuit Ne Tilil

⁸ Tos ki nereekyi Kamuktaindet ne Toroor ainoosyek? Tos ki nyo nereeknateng'ung' agobo ainoosyek, anan agobo nyanjet, kot ilaany paraisisyeguk, ak ilaany karisyeguk che po lugeet che po yetunet?

BUKUIT NE TILIL

⁸ Tos kinerekyi Jehovah ainosiek? Tos kinyo nereknateng’ung’ agobo ainosiek, Anan agobo nyanjet, Kot ilany mbartanyisieguk, Ak ilany karisieguk che bo luget che bo yetunet?

HABAKUK 3:8 Referencias Cruzadas

TIENWOGIKAL 104:3

Ineendet ne indoi kimurtoinigap kooriikyik peek parak, ineendet ne yaei poolik koek chepkichutinnyi, ne wendote kebebaigap usoonet:

TIENWOGIKAL 114:3

Ki keer nyanjet ineendet ak ki mwei; ki kiweekta Jordan kwo let.

TIENWOGIKAL 114:5

Amin nee, ee nyanjani kot imwei? Amin nee, inyee Jordan kot iweeige let?

TIENWOGIKAL 18:10

Ki laany kerubindet, ak kotiriren; kitiriren anyun kochaakta eng' kebebaigap usoonet.

TIENWOGIKAL 45:4

Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

TIENWOGIKAL 68:17

Karisyegap Kamuktaindet ko eliphuusyek tiptem, agot eliphuusyek ak eliphuusyek: Mi Kiptaiyat kwenunnywa, eng' Sinai, eng' Ole-Tiliil.

TIENWOGIKAL 68:4

Otyenji Kamuktaindet, olasu kainennyi; ochopchi ooreet ne oo ineendet ne punei ong'atosyek, ko uu ne laanyei paraisiit. Kainennyi ko Kamuktaindet ne Toroor; ak ogaaskei eng' tainnyi.

TIENWOGIKAL 77:16

Kigeerin peek, ee Kamuktaindet; Kigeerin peek ak ki iyweis: Kibotanso ak icheek rirosyek.

KOMONG'U 14:16

Namji parak kiroktong'ung' ak ichuul eung'ung' itokyi nyanjet, si kopcheak kobun aeng' ak kobun piigap Israel kwenutap nyanjet, ng'wonyut ole yaamaat.

KOMONG'U 7:19

Ki leenji `Kamuktaindet ne Toroor Musa, “Ileenji Aron, ‘Nam kiroktong'ung' ak ichuul eung'ung' itokyi peegap Misiri, ainoosyekwak, kereruusyekwak, tamboinikwak ak togomwekwak tugul che po peek. Piitu korotiik eng' emet komugul ne po Misiri ak eng' tereenigap peek che po keetiik, ak eng' tereenigap peek che po koik.’ ”

KOMONG'U 7:20

Ki yai Musa ak Aron ko uu ye ki kang'at Kamuktaindet ne Toroor, kisut kirogoto ak kokweree peek che mi aineet, eng' taitap Pharaoh, ak eng' taitap otwogikyik, ak kiwalogis peek tugul che mi aineet koek korotiik.

ISAIAH 19:1

Maotenet agobo Misiri. Ogeero, laanyei Kamuktaindet ne Toroor pooldet ne chepchep, ak nyoonei agoi Misiri. Ak kiitumdumgei kanamonigap Misiri eng' tainnyi, ak kochoot muguleldap Misiri eng' kwenunnyi.

ISAIAH 50:2

Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

NAHUM 1:4

Kere kong' nyanjet ak kogoochin koyaam, ak igoochin koteeny ainoosyek tugul; nyaluli Bashan ak Karmel, ak kores taapteetap Lebanon.

HABAKUK 3:15

Ki ityegee inyee nyanjet paraisisyeguk, peek che irurugotin che kiimeen.

MARIKO 4:39

Kingo kaging'eet, koger kong' usoonet, ak kong'alaalji araraita kole, “Tonon! Siis!” Ki tonon anyun usoonet, ak kosiis araraita.

NG'ANG'UTYET 16:12

Ak kiroong'ji malaikaiyat ne po lo taabeennyi aineet ne oo, nooto ko Yufrets; ak ki teenyo peekyik, si kobiit kochobok ooreetap laitorinik che punu kong'asiis.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 19:14

Ak ki isubi ineendet lugoosyek che mi kipsengwet che ketei paraisisyek che leelach, kolaachi katanisyek che korooron che leelach kot ak ko tiliileen.

NG'ANG'UTYET 6:2

Ki ageer, ak ki mi paraisiit ne leel. Ki tinyei kwanget ineendet ne kitebee, ak ki kigoochi ineendet kuutweet, ak ki wo eng' katerteeret ak koterteeris.