EZRAH 6:5 - BUKUIT NE TILIIL Sireet ne Dutero Kanon

⁵ Kora ko ingeweekta kogeny tereenik che po thahabu ak che po fedha che po kootap Kamuktaindet, che kiga ip Nebukadnezar eng' Hekaluut ne ki mi Jerusalem kobwa Babilon. Ingeip kogeny koba Hekaluut ne mi Jerusalem ak inde kiit age tugul komostanyi ak inde kotebee kootap Kamuktaindet.

Bukuit Ne Tilil

⁵ Kora ko ingeweekta kogeny tereenik che po thahabu ak che po fedha che po kootap Kamuktaindet, che kiga ip Nebukadnezar eng' Hekaluut ne ki mi Jerusalem kobwa Babilon. Ingeip kogeny koba Hekaluut ne mi Jerusalem ak inde kiit age tugul komostanyi ak inde kotebee kootap Kamuktaindet.

BUKUIT NE TILIL

⁵ ak ingeweekta kogeny terenik che bo tahabu ak che bo feda che bo gotab Kamuktaindet, che kiga ib Nebukadnesar eng’ hekalut ne kimi Jerusalem, kobwa Babulon, ak ingeib kogeny koba hekalut ne mi Jerusalem, ak kiinde kit age tugul komostanyi, ak inde gotab Kamuktaindet.

EZRAH 6:5 Referencias Cruzadas

2 LAITORINIK 24:13

Ak ki ip eng' yooto konoraik tugul che ki mi kootap Kamuktaindet ne Toroor ak che ki mi kootap laitoryat. Kituatui tereenik tugul che po thahabu komengegitu che kiga yai Solomon laitoryatap Israel eng' Hekaluutap Kamuktaindet ne Toroor, ko uu ye ki kamwa Kamuktaindet ne Toroor.

2 ATEPTAP PEETUUSYEK 36:10

Ak ye kingo keskei kenyiit koyook Laitoryat Nebukadnezar piik komut ineendet konyo Babilon, kobooto tereenik che korooron che po kootap Kamuktaindet ne Toroor, ak ki ieet Zedekiah ng'eetap kamet koek laitoryat koboi Judah ak Jerusalem.

2 ATEPTAP PEETUUSYEK 36:18

Ak ki ip anyun tuguuk tugul che po kootap Kamuktaindet, che eecheen ak che mengeechen, ak konoraigap kootap Kamuktaindet ne Toroor, ak konoraigap laitoryat, ak che po pounikyik, ki ip tugul koba Babilon.

EZRAH 5:14

Ki inem Laitoryat Cyrus eng' hekaluutap Babilon, tereenigap thahabu ak che po fedha ak icheek che po kootap Kamuktaindet, che kiga ip Nebukadnezar eng' Hekaluut ne ki mi Jerusalem kobwa hekaluutap Babilon ak ki kigoochi chiito age ne kiguure Sesbasar ne kiga koeet ineendet koek pounindet,

JEREMIA 27:16

Ki ang'alaalji tisiik ak icheek ak pichu tugul aleenji, Kamwa Kamuktaindet ne Toroor kole: Amogas ng'aleegap maotikwok che maotenwok koleenjinok, Ogeero, neegit si keeweech kogeny tereenigap kootap Kamuktaindet ne Toroor eng' Babilon: amu maotenwok lembeita.

JEREMIA 52:19

Ak kigombok, ak tuguuk che ki ibe maat, ak taabook, ak tereenik, ak keelyegap taisyek, ak kechigosyek, ak taabook; ak ki ip kiptaiyatap riibiik tuguuk che ki kiyae thahabu, ko thahabu, ak tuguuk che ki kiyae fedha, ko fedha.