EZRAH 5:12 - BUKUIT NE TILIIL Sireet ne Dutero Kanon

¹² Ago kingo kagotach `kwanisyekyok Kamuktaindetap kipsengwet kot konereech, konde icheek eutap Nebukadnezar laitoryatap Babilon, Kaldeindet ne king'em kooi ak komut piik koba Babilon.

Bukuit Ne Tilil

¹² Ago kingo kagotach `kwanisyekyok Kamuktaindetap kipsengwet kot konereech, konde icheek eutap Nebukadnezar laitoryatap Babilon, Kaldeindet ne king'em kooi ak komut piik koba Babilon.

BUKUIT NE TILIL

¹² Ago kingo kagotach kwanisiekyok Kamuktaindetab kipsengwet kot konerech, konde ichek eutab Nebukadnesar laitoriatab Babulon, Kaldeindet, ne king’em goi, ak komut bik koba Babulon.

EZRAH 5:12 Referencias Cruzadas

2 LAITORINIK 24:2

Ki iyookyi `Kamuktaindet ne Toroor ineendet lugosyegap Kaldeik, piigap Syria, Moabik, ak che po lagogap Ammon. Ki iyookto icheek koba kobar Judah, ko uu ng'olyootap Kamuktaindet ne Toroor ne ki mwa eng' otwogikyik maotik.

2 LAITORINIK 25:1

Ak eng' kenyiitap sogool ne po laitornatennyi, eng' arawetap taman, eng' peetuutap taman, konyo Nebukadnezar laitoryatap Babilon kobooto lugeennyi tugul kobookyi Jerusalem. Ki teech `icheek irimoik koyiem nganaseet.

2 ATEPTAP PEETUUSYEK 36:20

Ak ki imut koba Babilon che kiga chililye rotwetap chok; ak ki ek otwogikyik ak che po weeriikyik agoi laitornatetap Persia:

TIENWOGIKAL 106:40

Ki nereekyi kot anyun `Kamuktaindet ne Toroor piikyik. ak ki wech porotennyi.

ISAIAH 47:6

Ki anereekyi piikyuk, ki amurwon poortannyu, ak ki ande icheek eung'ung': ma iriiree agot kitigin; ki igesenji che ki koosegitu choging'ung' ne nyigiis miising'.

JEREMIA 5:29

Tos manyone abire icheeget agobo tuguuchuuto? Mwaei Kamuktaindet ne Toroor, tos mayaaktochinigei mugetuut eng' pororyet ne uu ni?

JEREMIA 51:59

Ni ng'olyoot ne king'atyi maotyot Jeremiah Seraiah weeriitap Neriah, weeriitap Maseia, ye kibendi Babilon kobooto Zedekiah, laitoryatap Judah eng' kenyiitap ang'wan ne po laitornatennyi. Ki riibindet ne oo Seraiah eng' kootap laitoryat.

JEREMIA 52:12

Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:

NG'ATUTIK 31:17

Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

NG'ATUTIK 32:30

Kotos imuktoi ano koon `chii agenge eliphuut, ak koon `piik aeng'u eliphuusyek taman, nda ki ma alda `Ruandennywa icheek, ak kogoito `Kamuktaindet ne Toroor icheek?

KIRUOGIK 2:14

Ki nereech kot Kamuktaindet ne Toroor agobo Israel, ak ki inde icheek eunegap piik che kiluul icheek. Ki aldochi eunegap puunik che kiluul icheek kot ko ki mata komuuchi kotononso eng' taitap puunikwak.

KIRUOGIK 4:2

Ki alda `Kamuktaindet ne Toroor icheek koba eunegap Jabin laitoryatap Kanaan, ne ki laitorani eng' Hasor. Ki indochin lugeennyi Sisera, ne ki menyei Haroset ne po Pororyosyek.

KIRUOGIK 6:1

Ki yai piigap Israel yaityet eng' taitap Kamuktaindet ne Toroor; ak ki inde `Kamuktaindet ne Toroor icheek eunegap Midian kenyiisyek tisap.