2 SAMUEL 14:19 - BUKUIT NE TILIIL Sireet ne Dutero Kanon

¹⁹ Koteebee laitoryat koleenji, “Tos omi ak Joab eng' ng'aleechu tugul?” Kowol kwonyooto kole, “Ko uu ye sabei saboondang'ung', kiptaiyandennyu laitoryat, ma mi chii ne imuuchi komasta kwo eutap tai anan kwo murot kaataam eng' kiy age tugul ne kagomwa kiptaiyandennyu laitoryat. Amu kong'ata otwogindeng'ung' Joab, ak komwaiwo anee otwogindeng'ung' ng'aleechuuto tugul.

Bukuit Ne Tilil

¹⁹ Koteebee laitoryat koleenji, “Tos omi ak Joab eng' ng'aleechu tugul?” Kowol kwonyooto kole, “Ko uu ye sabei saboondang'ung', kiptaiyandennyu laitoryat, ma mi chii ne imuuchi komasta kwo eutap tai anan kwo murot kaataam eng' kiy age tugul ne kagomwa kiptaiyandennyu laitoryat. Amu kong'ata otwogindeng'ung' Joab, ak komwaiwo anee otwogindeng'ung' ng'aleechuuto tugul.

BUKUIT NE TILIL

¹⁹ Ak kile laitoriat, Tos omi ak Joab eng’ ng’alechu tugul? Ak kiwol kwonyoto kole, Ko u ye sobei sobondang’ung’, kiptaiyandennyu laitoriat, mami chi ne imuchi komasta kwo eutab tai anan kwo eutab katam eng’ kiy age tugul ne kagomwa kiptaiyandennyu laitoriat: amu kong’ata otwogindeng’ung’ Joab, ak komwawa ane otwogindeng’ung’ ng’alechuto tugul;

2 SAMUEL 14:19 Referencias Cruzadas

2 SAMUEL 11:11

Kowolji `Uriah Daudi koleenji, “Tebee `keryosyek moinget ak Israel ak Judah, ak menyei keeweet kiptaiyandennyu Joab ak otwogigap kiptaiyandennyu. Tos awetitoi ano anyun anee koonnyu, aamisye ak aeeise ak keruiye ak osotyondennyu? Ko uu ye isabe ak ko uu ye sabei saboondang'ung', ma yae kioto.”

2 SAMUEL 14:18

Ki wolji anyun laitoryat kwonyooto koleenji, “Asoomin ale, ameung'ena kiy age tugul ne ateebenen.” Ak ki wol kwonyooto kole, “Ingong'alaal kiptaiyandennyu laitoryat nguno.”

2 SAMUEL 14:3

Yeityo iwe kaplaitoryat ak ing'alaalji ko uu ni.” Ki inde anyun Joab ng'aleek kutitap kwonyooto.

2 SAMUEL 18:13

Nda kagaayachi saboondanyi ko uu nooto, ang'aalse (ama mi ng'olyoo ne ung'aksei eng' laitoryat), ko kata iistoenage inyee.”

2 SAMUEL 3:27

Kingo kagoweek Abner konyo Hebron, komut Joab ineendet kwo taban agoi kwenutap ormariichet, kwo kong'alaalji mutyo ak kitoor ineendet moet eng' yooto ak kime agobo korotiigap Asahel ng'eetap kamet.

2 SAMUEL 3:29

Ingotebee metitap Joab ak kotebee kootap kwandanyi tugul. Amat kobet eng' kootap Joab chii ne tinyei kusereet anan ne tinyei mogondos anan ne tebenoti kirokto anan ne kibarei eng' rotwetap chok anan ko ne ma tinyei amitwogik.”

2 SAMUEL 3:34

Ki ma ko ratotiin euneguk, ak ki ma ki rat keelyeguk eng' mugurek. Ko uu ye ibutyin chiito taitap lagogap yaityet, ko koibut anyun ko uu nooto. Ak ki riiryo piik tugul kogeny agobo ineendet.

2 LAITORINIK 2:2

Ki leenji `Elijah Elisha, “Asoomin ale, tebi eng' yu; amu kagoyookta Kamuktaindet ne Toroor awo agoi Bethel.” Ago ki le Elisha, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Kochoortagei anyun Bethel.

KOMONG'U 4:15

Ing'alaaljini ineendet ak imwachi ng'aleek che mwaei. Ami anee kobooten eng' ng'alaaleng'ung', ak eng' ng'alaalennyi, ak aneetaak ne kanyool oyai.

KALEWANAIK 25:2

Toroornatetap Kamuktaindet kouny kiy, ago toroornatetap laitorinik kocheeng' ng'olyoo age tugul.

KALEWANAIK 4:27

Amemaste iwe eutap tai anan ne po kaataam; istoe keeldong'ung' yaityet.

KAITOSYEK 20:17

Kaigai igoonech kebun emeng'ung'. Ma kibune mbar anan mbareenigap sabibuk, ak ma kiee peek che po keriingonik. Kibune ooreet ne oo kityo ne po laitoryat, ma kimastoi kebendi tai anan kaataam, agoi kesiir kiwoteng'ung'.”

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

NG'ATUTIK 28:14

ne meistoegei ng'olyoo age tugul ne ang'atiin rani, iwe tai anan kaataam isup kanamonik ioot.

NG'ATUTIK 5:32

“Oriip anyun si oyai ko uu ye king'ataak Kamuktaindet ne Toroor Kamuktaindeng'wong'; amomaste obe tai anan kaataam.

JOSHUA 1:7

Kimitu ak inyiganitu miising', keer iman ile keyai ko uu ng'atuutik tugul che king'atin otwogindennyu Musa. Amemaste iwe eutap tai anan ko murot kaataam si kobiit kiberuurin miising' eng' oldo age tugul ole iwendi.

1 SAMUEL 1:26

Ak ki mwa kwonyooto kole, “Ee kiptaiyandennyu, ko uu ye isabe, ko aa kwonyo kitononi eng' yu kimi, asaae Kamuktaindet ne Toroor.

1 SAMUEL 17:55

Kingo keer `Saulo Daudi kowendi kobaregei ak Philistindet, koteebe Abner ne ki kiptaiyatap lugeet koleenji, “Abner, po kap ng'oo weeri?” Kole Abner, “Ko uu ye sabei saboondang'ung' ee laitoryat, ko mangen.”

1 SAMUEL 20:3

Ak ki iyasyo Daudi kogeny kole, “Ingen kwandang'ung' komyee kole ichamoo; nooto amu nee asi koleenjigei, ‘Amat konai Jonathan kiito si ma aragen.’ Ago iman ko uu ye sabei Kamuktaindet ne Toroor, ak ko uu ye sabei saboondang'ung' agine, komi kakwautyet agenge kityo eng' kwenunnyu ak meet.”

1 SAMUEL 25:26

Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.