2 KORINTOEK 5:10 - BUKUIT NE TILIIL Sireet ne Dutero Kanon

¹⁰ Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

Bukuit Ne Tilil

¹⁰ Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

BUKUIT NE TILIL

¹⁰ Amu kanyol kibartech achek tugul eng’ taitab ng’echeretab kiruoget ne bo Kristo; si kobiit kotaach chi age tugul tuguk che te che kiyai eng’ borto, ngo miach anan ngo yaach.

2 KORINTOEK 5:10 Referencias Cruzadas

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

1 LAITORINIK 8:32

igas anyun eng' kipsengwet, ak iyai, irwooksechi otwogiguk, igikyi ineendet ne kalel, si inde kotebee metinnyi ortinwekyik. Iityi imanda ineendet ne po iman, igoochi ineendet ko uu imandanyi.

1 LAITORINIK 8:39

igas anyun eng' kipsengwet oldang'ung' ole imenye, ak inyochi kaat, iyai ak iyaakyi chii age tugul ko uu ortinwekyik tugul, ne ineegei muguleldanyi (amu inyee inyegei ne ingen mugulelwegap weeriigap piik);

Kitabuutap JOB 34:11

Amu yaakyin chiito ko uu poisyonikyik, ak kogoochi chii age tugul konyoor ko uu ortinwekyik.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

AMDOINDET 11:9

Paibaitu murenoni, eng' peetuusyegap ming'inateng'ung', ak ingobaibain muguleldang'ung' eng' peetuusyegap ming'inateng'ung' ak isup ortinwegap muguleldang'ung' ko uu ye igeere. Ago nai ile, imutyinin `Kamuktaindet kirwooget amu tuguuchuuto tugul.

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

POISYONIGAP CHE KIYOKTOI 10:42

King'atech keamji piik ak kebaoryan keele niito ko ineendet ne ki inde Kamuktaindet koek Kirwoogindet ne po che saptos ak che ki kobek.

POISYONIGAP CHE KIYOKTOI 17:31

Amu Ki kochop peetuut ne tuun irwookyine ng'wony eng' imanda eng' chiichooto ki kolewen; ak agobo niito ko ki koboorchi komyee piik tugul ye ki ing'eet ineendet komong' eng' che ki pek.”

ROMANIK 2:16

eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.

ROMANIK 6:19

Ang'alaali ko uu piteetap piik amu nyalulet ne po poorwekwok: amu ko uu ye ki ogoite kebeberwegap poorwekwok koek otwogigap murwoonindo ak tengek agoi tengek, ko uu nooto anyun ogoite kebeberwegap poorwekwok koek otwogigap imanda agoi tiliilindo.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 7:3

Ma mwaei niito ale arwookwok: amu kisip amwa, ale omi eng' mugulelwekyok kebegu tugul ak kesapche tugul.

EPESOEK 6:8

ongen ole kiy age tugul ne myee ne yaei chii age tugul, kotun taachei nooto kogeny eng' Kiptaiyat, ngo rataat anan kotyagat.

HEBRANIK 9:27

Ak ko uu ye ki king'at agobo piik kobek konyil agenge, ak ye ibata niito koek kirwooget;

1 PETERO 4:5

che tuun tetyin ng'aleek ineendet ne choboot korwookyi che saptos ak che ki kobek.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.

1 SAMUEL 2:10

Ki ng'emei che ibeligei ak Kamuktaindet ne Toroor; tuljin icheek ko uu ilat ne ng'eete kipsengwet. Irwookyin Kamuktaindet ne Toroor ng'wony komugul; igoochin kimnateet laitoryandennyi, ak kogoochi kabelisyet nenyi ne iilaat.”

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.