2 KORINTOEK 13:11 - BUKUIT NE TILIIL Sireet ne Dutero Kanon

¹¹ Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

Bukuit Ne Tilil

¹¹ Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

BUKUIT NE TILIL

¹¹ Ne bo let anyun, che kitupche, ko saisere. Oegu che chobotin; oegu che bo kagaigaet; oegu che bo kabwatet agenge; otebi eng’ kalyet: ak mi Jehovah ne bo chamnyet ak kalyet kobotok.

2 KORINTOEK 13:11 Referencias Cruzadas

TAUNET 37:4

Ago ye kingo keer weeriik che tupcho kole chamei kwandanywa ineendet kosiir icheek tugul, kowech miising' kot ko mata kocham kong'alaalji ineendet eng' kaalyeet.

TAUNET 45:24

Kimonorisyechi anyun Joseph tupchosyekyik ak ye ki inamei panda, koleenji, “Amonereekyinotegei eng' ooreet.”

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 5:48

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

MARIKO 10:49

Ak ki tonon Jeso ak kole, “Oguur ineendet.” Ak ki kiguur kipkoratyandanooto, keleenji, “Paibaitu; ng'eet, kuurin ineendet.”

MARIKO 9:50

Myachen muunyuk: ago ngo pet anyinyindap muunyuk, kota ondoi nee si kochom? Ingotebee muunyuk mugulelwekwok, ak otebi eng' kaalyeet okweegei eng' okweegei.”

LUKA 9:61

Kole age agine, Tuun asubun, Kiptaiyat; ago chamwo korook awo agoochi piigap koonnyu saisere.

JOHANA 17:23

anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”

POISYONIGAP CHE KIYOKTOI 15:29

keele otabaanegei tuguuk che kieng'jin kanamonik, ak korotiik, ak panyeegap che kagiget, ak sokseet; ngo tabaanegei chooto, komyeeitu eng' okweek. Saisere.”

POISYONIGAP CHE KIYOKTOI 18:21

ago kingo pagaktoi icheek, komwa kole, “Aweekyinoge kogeny, ngo cham Kamuktaindet.” Ak ki wo eng' Epheso kobune moinget.

POISYONIGAP CHE KIYOKTOI 23:30

Ak ye kongiboorwo keele kogechop ng'aleek eng' ung'oot agobo ineendet, ayoogu ineendet konyo olong'ung' achogune, ak ang'at che kataamikyik si komwa ng'aleek eng' taing'ung', che itaame ineendet.

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.

ROMANIK 12:18

Ngo mugaksei eng' okweek, otebi ak piik tugul eng' kaalyeet.

ROMANIK 14:19

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 15:33

Ingotep Kamuktaindet ne po kaalyeet kobootok okweek tugul. Amen.

ROMANIK 16:20

Ak tuun tuei Kamuktaindet ne po kaalyeet Setani eng' keelyekwok ko neegit. Ingotep kobootok myeeindap Kiptaiyandennyo Jeso Kristo.

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

2 KORINTOEK 1:4

ne igoigoech eng' pichiindanyo tugul, si kimuuch kigaigai icheeget che mi pichiin age tugul, eng' kagaigaet ne igoigoenech Kamuktaindet.

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

2 KORINTOEK 13:9

Amu kiboiboen ye kinyalulyotin, ago oo kiimeen: kisaae agobo niito agine, keele oegu che ititaatiin.

EPESOEK 4:12

si koyai che tiliileen koek che ititaatiin, agobo poisyetap otisyet, agobo teekseetap poortap Kristo,

EPESOEK 4:3

ogiiligei oriibe yamdaet ne po Kabuuset ne Tiliil eng' ratuutyetap kaalyeet.

EPESOEK 6:23

Ingotebi kaalyeet kobooto tupchosyek, ak chamyet ak kayaneet, che po Kamuktaindet Kwanda ak Kiptaiyat Jeso Kristo.

PILIPIK 1:27

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

PILIPIK 3:16

ago, yooto kogeit, ko ongebendate ng'atuutyonooto.

PILIPIK 4:2

Asoome miising' Euodia, ak asoome miising' Suntuke, koek che po kabwaatet agenge eng' Kiptaiyat.

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

PILIPIK 4:9

Tuguuk che ki oneetkei ak che ki otaach ak che ki ogas ak che ki ogeer eng' anee, oyai tuguuchooto: ak kotep kobootok Kamuktaindet ne po kaalyeet.

1 THESSALONIKEK 3:10

kisaae miising' kemoi ak peet si kobiit kegeer togoochikwok, ak kigeesu nooto ne rartaat eng' kayaneng'wong'?

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 4:18

Nooto anyun ogaigaigei okweegei eng' ng'aleechuuto.

1 THESSALONIKEK 5:13

ak ogonyit icheek miising' inne eng' chamyet agobo poisyennywa. Otebi eng' kaalyeet okweegei eng' okweegei.

1 THESSALONIKEK 5:16

Oboiboitu peetuusyek tugul;

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

2 THESSALONIKEK 3:1

Ne po let anyun, che kitupche, osaiywech si kobiit kochaakta ng'olyootap Kiptaiyat ak kitoroor, ko uu ole teptoi eng' okweek;

2 THESSALONIKEK 3:16

Nguno anyun ingogoonok kaalyeet Kiptaiyat ineendet, ne Kiptaiyat ne po kaalyeet, kotugul eng' ui tugul. Ingotep Kiptaiyat kobootok okweek tugul.

2 TIMOTEO 2:22

Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

JAKOBO 1:4

Ak ingoek muitaet ne tinyei poisyet ne ititaat, si kobiit oegu che ititaatiin ak ko nyiitootiin, che ma rartaat eng' kiy.

1 PETERO 3:11

Ingoistoegei yaityo, ak koyai ne myee; Ingocheeng' kaalyeet ak koosup.

1 PETERO 3:8

Ne po let anyun, ko oegu tugul che po kabwaatet agenge, che rireegei, che chamdos ko uu che tupcho, che ng'arng'ar mugulelwek, che iming'inegei:

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

NG'ANG'UTYET 22:21

Ingotep myeeindap Kiptaiyat Jeso Kristo kobooto che tiliileen. Amen.