2 ATEPTAP PEETUUSYEK 7:10 - BUKUIT NE TILIIL Sireet ne Dutero Kanon

¹⁰ Eng' peetuutap tiptem ak somok ne po arawetap tisap ko ki mwachi piik koba emaisyekwak, eng' poiboiyet ak kagasetapkei ne po muguleldo amu myeeindo ne ki yachi Kamuktaindet ne Toroor Daudi ak Solomon ak Israel piikyik.

Bukuit Ne Tilil

¹⁰ Eng' peetuutap tiptem ak somok ne po arawetap tisap ko ki mwachi piik koba emaisyekwak, eng' poiboiyet ak kagasetapkei ne po muguleldo amu myeeindo ne ki yachi Kamuktaindet ne Toroor Daudi ak Solomon ak Israel piikyik.

BUKUIT NE TILIL

¹⁰ Ak kimwachi bik koba emaisiekwak eng’ betutab tiptem ak somok ne bo arawetab tisab, eng’ boiboiyet ak kagasetab ge ne bo muguleldo amu mieindo ne kiyachi Jehovah Daudi ak Solomon, ak Israel bikyik.

2 ATEPTAP PEETUUSYEK 7:10 Referencias Cruzadas

1 LAITORINIK 8:66

Ki mwachi piik koba eng' peetuutap sisiit, ak ki iberuur icheek laitoryat, ak koba emaisyekwak koboiboen, kogasategei eng' mugulelwekwak amu myeeindo tugul ne ki yachi `Kamuktaindet ne Toroor Daudi otwogindennyi ak Israel piikyik.

2 ATEPTAP PEETUUSYEK 29:36

Ak ki paibait Hezekiah, kobooto piik tugul, amu otisyonooto kiga chopchi `Kamuktaindet piik; amu kiyaak ng'olyoondonooto eng' yooto.

2 ATEPTAP PEETUUSYEK 30:26

Ki piit poiboiyet ne oo anyun eng' Jerusalem, amu kobooch eng' peetuusyegap Solomon weeriitap Daudi laitoryatap Israel ko ki tomo kobiit kiit ne uu nooto eng' Jerusalem.

2 ATEPTAP PEETUUSYEK 6:41

“Ara anyun, ng'eet, ee Kamuktaindet ne po Toroornatet, nyoo oli imuung'ee, inyee ak moingetap kimnateng'ung'. Ingolaach tisiiguk yetunet, ee Kamuktaindet ne po Toroornatet, ak ingoboiboitu piiguk che tiliileen eng' myeeindo.

2 ATEPTAP PEETUUSYEK 7:11

Kogees anyun Solomon kootap Kamuktaindet ne Toroor ak kootap laitoryat. Ak ki yai Solomon eng' aiyebindo tuguuk tugul che ki ibwaat ineendet eng' muguleldanyi, koyai eng' kootap Kamuktaindet ne Toroor ak eng' koonnyi.

2 ATEPTAP PEETUUSYEK 7:9

Eng' peetuutap sisiit, kogiyai tuiyetap kaming'inetapkei; amu kiga koyai katabaanetap kaptisisyet eng' peetuusyek tisap ak igoorto peetuusyek tisap.

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

TIENWOGIKAL 100:2

Oboisyechi Kamuktaindet ne Toroor eng' kagasetapkei; obwa tainnyi otyenonu.

TIENWOGIKAL 105:3

Olasunegei kainennyi ne tiliil; ingoboiboitu mugulelwegap icheek che cheeng'ei Kamuktaindet ne Toroor.

TIENWOGIKAL 106:5

si ageer poroteetap cheguuk che kigelewen, si abaibait eng' kaagaasetapkei ne po pororyeng'ung', si aloske kobooto poroteng'ung'.

TIENWOGIKAL 32:11

Ogaaskei ak oboiboitu eng' Kamuktaindet ne Toroor, okweek che oo po imanda! Otyen eng' poiboiyet, okweek tugul che oo po iman eng' mugulelwekwok!

TIENWOGIKAL 92:4

Amu ki ibaibaa, ee Kamuktaindet ne Toroor, eng' poisyeng'ung': Agasigei eng' poisyonigap euneguk.

KOMONG'U 18:1

Ki kas anyun Jethro tisiindetap Midian, kabyugoitap Musa agobo tugul che ki koyachi `Kamuktaindet Musa ak piikyik Israel. Ki kas ole ki imutunda `Kamuktaindet ne Toroor Israel komang'une Misiri.

EZEKIEL 45:25

Yaei ineendet ko uu niito eng' arawetap tisap, eng' peetuutap taman ak muut ne po arawanooto, eng' peetuusyek tisap che po igoorto; yaei ko uu nooto eng' kagoochinetap tengekto, ak eng' kagoochinet ne kibeelei, ak eng' kagoochinetap peek che ng'ootiin ak eng' mwanik.

POISYONIGAP CHE KIYOKTOI 16:34

Ara ki imut koba koonnyi ak kogoochi amitwogik, ak kiboiboitu miising' ineendet kobooto koonnyi tugul amu kagoyan Kamuktaindet.

POISYONIGAP CHE KIYOKTOI 2:46

Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 12:18

Ago iame tuguuchooto eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung' ak otwogeng'ung' ne muren ak ne tye ak Lawindet ne mi kurgotiguk. Ak ibaibaitu eng' taitap Kamuktaindet ne Toroor Kamuktaindeng'ung' eng' kiy age tugul ne iyae euneguk.

NG'ATUTIK 12:7

Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 16:14

Paibaitu eng' igoortang'ung', inyee ak weeriing'ung' ak cheptong'ung', otwogeng'ung' ne muren ak ne tye, Lawindet, toondet, ne ma tinyei sigiik ak mosoget che mi nganasooguk.

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.