1 KORINTOEK 6:13 - BUKUIT NE TILIIL Sireet ne Dutero Kanon

¹³ Po amitwogik moet, ak po moet amitwogik; ago tuun yaei Kamuktaindet tuwai koek puch, moet ak amitwogik. Ago poorto, koma po sokseet, ago po Kiptaiyat; ak Kiptaiyat, ko po poorto;

Bukuit Ne Tilil

¹³ Po amitwogik moet, ak po moet amitwogik; ago tuun yaei Kamuktaindet tuwai koek puch, moet ak amitwogik. Ago poorto, koma po sokseet, ago po Kiptaiyat; ak Kiptaiyat, ko po poorto;

BUKUIT NE TILIL

¹³ Bo amitwogik moet, ak bo moet amitwogik; ago tun yaei Jehovah tuwai koek buch, moet ak amitwogik. Ago borto, ko ma bo sokset, ago bo Kiptaiyat; ak Kiptaiyat, ko bo borto;

1 KORINTOEK 6:13 Referencias Cruzadas

MATAYO 15:17

Tos mongen ole, kiy age tugul ne punei kutit kowendi moo ak komandoi saang'?

MATAYO 15:20

Chuuto tuguuk che ing'waniti chii; ago ngeamisye eunek che ma kiuun koma ing'waniti chii. ”

MARIKO 7:19

amu ma chut muguleldanyi ago chutei moet, si komanda koba timiin?” (Uu nooto, kiitiliil amitwogik tugul.)

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

JOHANA 6:49

Ki am kwanisyekwok mana eng' surkwen, ak ki pek.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 6:12

Nooto anyun amochamji tengek koboi poorwekwok che pegu, si ogas iit maguutikwak:

ROMANIK 7:4

Nooto anyun, che kitupche, kigeyaak obegu eng' Ng'atuutyet eng' poortap Kristo; si kobiit obunji chiito age, ineendet ne ki king'eet komang'une che ki pek, si keiichi Kamuktaindet logoek.

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

1 KORINTOEK 6:15

Tos mongen ole poorwekwok ko kebeberwegap Kristo? Ara anyun aiste kebeberwegap Kristo, ak ayai koek kebeberwegap chepkugoniot? Achicha, ma uu nooto.

1 KORINTOEK 6:19

Anan, tos mongen ole poorwekwok ko Hekaluut ne po Kabuuset ne Tiliil ne miitei eng' okweek, ne otinye eng' Kamuktaindet? Ama oo pogei okweegei;

2 KORINTOEK 11:2

Amu ama ng'etkong' agobo okweek, eng' ng'etkonda ne po Kamuktaindet: amu ki achamwok obunji manong'otyot agenge, si kobiit amutyok Kristo ko uu pergeiyat ne tiliil.

2 KORINTOEK 5:15

ak ki mechi ineendet tugul, si ma kosaptos agobo kei icheeget che saptos, ago agobo ineendet ne ki mechi ak kong'eet kogeny.

GALATYEK 5:24

Ak icheeget che po Kristo Jeso ko ki kogartaat poorto kobooto maguutikyik ak kasetap myat che po chooto.

EPESOEK 5:23

Amu manong'otyot ko metitap osotyot, ko uu Kristo agine ne metitap kaniset, ineendet yetindetap poorto.