1 ATEPTAP PEETUUSYEK 28:2 - BUKUIT NE TILIIL Sireet ne Dutero Kanon

² Ki tonon anyun Laitoryat Daudi ak kole, “Ogasa, tupchosyekyuk ak piikyuk. Ki mi muguleldanyu ateech koot ne imuung'ee moingetap arorutyetap Kamuktaindet ne Toroor, ak ng'echereet ne tebee keelyegap Kamuktaindennyo, ak ki achop tuguuk che po teekseet.”

Bukuit Ne Tilil

² Ki tonon anyun Laitoryat Daudi ak kole, “Ogasa, tupchosyekyuk ak piikyuk. Ki mi muguleldanyu ateech koot ne imuung'ee moingetap arorutyetap Kamuktaindet ne Toroor, ak ng'echereet ne tebee keelyegap Kamuktaindennyo, ak ki achop tuguuk che po teekseet.”

BUKUIT NE TILIL

² Ak kitonon anyun laitoriat Daudi, ak kole, Ogasa, tupchosiekyuk, ak bikyuk: kimi muguleldanyu ateech got ne imuung’e moingetab arorutietab Jehovah, ak ng’echeret ne tebe kelyekab Kamuktaindennyo; ak kiga achob tuguk che bo teekset.

1 ATEPTAP PEETUUSYEK 28:2 Referencias Cruzadas

TAUNET 48:2

Ki leenji chiito age Jakobo, “Ineni weeriing'ung' Joseph, nyoonei ole imi,” ak ki igiilgei Israel kong'eet kotebee itoogut.

1 LAITORINIK 1:47

Ak kogeny-i, ko kabwa otwogigap laitoryat koberuur laitoryat kiptaiyandennyo Daudi, koleen, ‘Ingoyai kamuktaindeng'ung' kainetap Solomon kogararanit kosiir neng'ung', ak koyai ng'echerennyi ne po laitornatet koeet kosiir neng'ung!’ Ak ki ing'uruuk laitoryat eng' ng'echerennyi.

1 LAITORINIK 5:3

“Ingen ile ki ma imuuch abba Daudi koteekyi koot kainetap Kamuktaindet ne Toroor Kamuktaindennyi amu lugoosyek che kiga yiem ineendet, che ki mi komoswek tugul, kot konde `Kamuktaindet ne Toroor icheek keldebesaigap keelyekyik.

1 ATEPTAP PEETUUSYEK 17:4

ui ileenji Daudi otwogindennyu kamwa Kamuktaindet ne Toroor kole: “Meteekwo koot ne amenye.

1 ATEPTAP PEETUUSYEK 22:14

Keer anyuno, ki achopchi kootap Kamuktaindet ne Toroor eng' nyalildanyu talendaisyek eliphuusyek pogol che po thahabu, ak talendaisyek milonit agenge che po fedha; kobooto sugunonik ak kariik che ma iitoksei, amu ng'iisyat. Ki achop keetiik ak icheek ak koik. Ak imuuchi kota ites alak.

1 ATEPTAP PEETUUSYEK 22:6

Ki kuur weeriinnyi Solomon anyun ak kong'at ineendet koteekyi koot Kamuktaindet ne Toroor, Kamuktaindetap Israel.

1 ATEPTAP PEETUUSYEK 22:7

Ki leenji `Daudi Solomon weeriinnyi, “Kimi muguleldanyu ateekyi koot kainetap Kamuktaindet ne Toroor Kamuktaindennyu.

1 ATEPTAP PEETUUSYEK 6:31

Chu ko che ki inde Daudi kondochi poisyetap tyenwogik eng' kootap Kamuktaindet ne Toroor, ye kingo kagomuuny moinget.

2 ATEPTAP PEETUUSYEK 6:7

“Kimach eng' muguleldannyi abba Daudi kole koteekyi koot kainetap Kamuktaindet ne Toroor, Kamuktaindetap Israel.

TIENWOGIKAL 110:1

Kaleenji `Kamuktaindet ne Toroor kiptaiyandennyu, “Tebee eunnyu ne po tai, agoi ayai puuniguk koek ng'echereetap keelyeguk.”

TIENWOGIKAL 132:14

Yuto ko komosta ole amuung'e koigeny; atebee yuto; amu ki amach.

TIENWOGIKAL 132:2

Ko uu ye ki iyasyechi Kamuktaindet ne Toroor, ak ki iarorchi Ineendet Ne po Kamuktaet ne po Jakobo, koleenji:

TIENWOGIKAL 22:22

Amwachini kaineng'ung' tupchosyekyuk; alasun eng' kwenutap tuiyet:

TIENWOGIKAL 99:5

Otoroor Kamuktaindet ne Toroor, Kamuktaindennyo, Ak ogutung'ji eng' ng'echereetap keelyekyik keel: Tiliil ineendet.

ISAIAH 60:13

Nyonjinin toroornatetap Lebanon, kobooto piribirinik, taragonik che sabuleen, ak taragonik che teer; si koyai konyool oldanyu ne tiliil, ak achop ole tebee keelyekyuk kogararanit.

ISAIAH 66:1

Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

EZEKIEL 43:7

Ak ki leenjo, Ee, weeriitap chii, yuto ko ye mi ng'echerennyu ne po laitornatet, ole tebee keelyekyuk, ole amenye koigeny eng' kwenutap piigap Israel: ama komurwoni kogeny kootap Israel kainennyu ne tiliil, icheeget anan ko laitorinikwak, eng' kugoinatennywa, ak eng' muuswegap laitorinikwak eng' komoswekwak che torooreen;

MATAYO 25:16

Ki wo anyun ineendet ne kitaach talendaisyek muut ak kwo koboisyee, ak kinyoor talendaisyek alak muut.

POISYONIGAP CHE KIYOKTOI 7:49

‘Ng'echerennyu ne po laitornatet kipsengwet, ak ng'wony ko ng'echereetap keelyekyuk. Tos oteekwo koot ne uu nee? Mwaei Kiptaiyat, anan ano ole amuung'e?

NG'ATUTIK 17:15

inde anyun ineendet ne leweni Kamuktaindet ne Toroor Kamuktaindeng'ung'. Inde age eng' tupchosyeguk koek laitoryat ne poun. Amat inde punootyot ko poun ne ma ne otupche.

NG'ATUTIK 17:20

Amat koeetkei eng' muguleldanyi kosiir tupchosyekyik anan ak komasta kometo ng'atuutyet, kwo eutap tai anan ne po kaataam, si kobiit kochang'a peetuusyekyik eng' laitornatennyi eng' ineendet ak eng' lagokyik eng' kwenutap Israel.”