Romaned 1:11 - Testamant Nevez 1897 (Jenkins)

¹¹ rag c’hoant braz em euz d’ho kwelet, evit rei lod deoc’h euz a eun donezon spirituel‐benag, evit ma viot krenveet,

Bibl Koad 21: Ar Bibl e Brezhoneg evit ar Vretoned

¹¹ Rak c’hoantaat a ran kalz ho kwelout, evit lodennañ ganeoc’h un donezon speredel bennak, evit ma viot kreñvaet,

Romaned 1:11 Referencias Cruzadas

Actou an Ebestel 16:5

Evel‐se an Ilizou a oa krenveed er feiz, hag an niver anezhe a greske bemdez.

Actou an Ebestel 19:21

Goude‐ze, Paol en em broposaz, en he spered, treuzi ar Macedonia hag an Akaia, ha mond da Jerusalem, en eur lavaret: Goude ma vezin bet eno, e rankin ive gwelet Rom.

Actou an Ebestel 19:6

Ha pa hen doe Paol astennet he zaouarn varnezhe, ar Spered‐Santel a ziskennaz varnezhe, hag e komzent meur a seurt langach, hag e profetisent.

Romaned 1:12

da lavaret eo, evit, pa vezin en ho touez, ma en em gonzolimp assambles dre ar feiz a zo commun etrezomp holl, deoc’h kerkoulz ha d’in‐me.

Romaned 15:23

Mes evel n’em euz ken breman affer e‐bed er vro‐man, ha ma em euz eur c’hoant vraz abaoe meur a vloaz da vond d’ho kwelet,

Romaned 15:29

Hogen, gouzoud a ran, pa zeuin d’ho kavoud, e teuin karget euz benedictionou Aviel ar C’hrist.

Romaned 15:32

evit ma’z in d’ho kavout gant joa, dre volontez Doue, ha ma c’hallin kaoud eun tam repos en ho touez.

Romaned 16:25

D’an hini hen deuz ar galloud d’ho krenvaad hervez va Aviel, hag ar pez a zo bet prezeget gant Jesus‐Christ, hervez revelation ar myster, dalc’het kuzet e‐pad meur a gant vloaz,

2 Korintiz 1:15

Hag er fizians‐ze eo e felle d’in mond d’ho kwelet araog, evit ma c’heljec’h receo eur c’hras all;

2 Korintiz 1:21

Hogen, an hini a grenva ac’hanomp ganeoc’h er C’hrist, hag hen deuz eoliet ac’hanomp eo Doue,

2 Korintiz 11:4

Rag, mar teufe unan‐benag da brezeg deoc’h eur C’hrist dishenvel ouz an hini hon euz‐ni prezeget, pe eur Spered all dishenvel ouz an hini hoc’h euz recevet, pe eun aviel dishenvel ouz an hini hoc’h euz digemeret, c’houi hen supportfe hep stourm.

2 Korintiz 9:14

hag e pedont evidoc’h, o karet ac’hanoc’h gant teneredigez, abalamour d’ar c’hras excellant hen deuz great Doue deoc’h.

Filipiz 1:8

Rag Doue a zo test d’in pegement e karan ac’hanoc’h holl a‐greiz calon en Jesus‐Christ.

Filipiz 2:26

rag eur c’hoant vraz hen doa d’ho kwelet holl, ha poan vraz a rea ganthan ho poa klevet e oa bet klanv.

Filipiz 4:1

Dre‐ze, va breudeur ker ha deziret meurbed, va joa ha va c’hurunen, choumit stard evel‐se en Aotrou, va breudeur muia‐karet.

1 Tesalonikiz 3:13

ha ra zeuio da grenvaad ho calonou, evit ma vezint direbech er zantelez dirag Doue hon Tad, pa zeuio hon Aotrou Jesus‐Christ gant he holl zent.

1 Tesalonikiz 3:2

hag hon euz kasset Timoteus, hor breur, ministr da Zoue, hag hor c’hen‐labourer en Aviel ar C’hrist, evit ho krenvaad, hag hoc’h exhorti divarben ho feiz;

2 Tesalonikiz 2:17

da gonsoli ho calonou, ha d’ho krenvaad en pep deskadurez santel hag en pep œuvr vad.

2 Tesalonikiz 3:3

An Aotrou a zo fidel hag a grenvaio ac’hanoc’h, hag ho miro euz an drouk.

Hebreed 13:9

N’en em lezit ket da veza troet ha distroet gant pep seurt doctrin estranjour; rag mad eo e vez ar galon krenveet dre ar c’hras ha nann dre c’hourc’hemenou divarben ar boued da zibri, gourc’hemenou ha n’ho deuz great vad e‐bed d’ar re ho deuz heulliet anezhe.

1 Pêr 5:10

Hogen, ra zeui an Doue a bep gras, pehini hen deuz hor galvet d’he c’hloar eternel en Jesus‐Christ, goude ma ho pezo gouzanvet eun neubeud, d’ho renta parfet, ferm, krenv ha stard en ho sa.

1 Pêr 5:12

Scrivet em euz deoc’h e ber gomzou dre Silvanus, pehini a zo, evel mac’histiman anezhan, eur breur fidel, en eur exhorti ac’hanoc’h hag en eur assuri deoc’h penaos ar gwir c’hras a Zoue eo an hini en pehini e choumit stard.

2 Pêr 1:12

Setu perag, ne vankin ket da zigas da zonj deoc’h dalc’hmad euz an traou‐man, petra‐benag ma c’hanavezit anezhe, ha ma’z oc’h krenveet er wirionez pehini a zo ganeoc’h.