Mazhev 20:1 - Testamant Nevez 1897 (Jenkins)

¹ Rag rouantelez an envou a zo henvel ouz eur pentiegez hag a ieaz er meaz beure‐mad da c’hopra labourerien evit he winien.

Bibl Koad 21: Ar Bibl e Brezhoneg evit ar Vretoned

¹ Rak rouantelezh an neñvoù a zo heñvel ouzh un den, ur penn-tiegezh, a yeas er-maez beure mat da c’hoprañ labourerien evit e winieg.

Aviel revé St. Maheu troeit é Brehonec Guénet 1858

¹ Ranteleah en Nean e zou haval doh un pentiec péhani e yas a vitin mad d’hobér marhad guet gounidision a labourat é huiniêg.

Mazhev 20:1 Referencias Cruzadas

Mazhev 13:24

Eur barabolen all a broposaz dezhe, en eur lavaret: Rouantelez an envou a zo henvel ouz eun den pehini hen doa hadet had mad en he bark.

Mazhev 13:31

Eur barabolen all a broposaz dezhe, hag e lavaraz: Rouantelez an envou a zo henvel ouz eur c’hreunen moutard kemeret gant eun den hag hadet ganthan en he bark;

Mazhev 13:33

Lavaret a reaz dezhe ar barabolen all man: Rouantelez an envou a zo henvel ouz ar goell kemeret gant eur vaouez, ha lakeat ganthi en tri muzulat bleud, bete ma vefe goet holl.

Mazhev 13:47

Rouantelez an envou a zo c’hoas henvel ouz eur roued taolet er mor, hag a zastum a bep seurt traou.

Mazhev 20:2

Hag o veza great marc’had gant al labourerien eun diner evit eun devez, e kassaz anezhe d’he winien.

Mazhev 21:28

Mes petra a sonjit‐hu deuz an dra‐man? Eun den hen doa daou vab, hag o vond etrezeg ar c’henta, e lavaraz dezhan: Va mab, kea da labourat hirio em gwinien.

Mazhev 22:2

Rouantelez an envou a zo henvel ouz eur roue pehini a reaz eured he vab;

Mazhev 23:37

Jerusalem, Jerusalem, te, pehini a laka ar brofeted d’ar maro, hag a vein ar re a vez kasset d’id, na ped gwech n’em euz‐me ket c’hoanteet dastum da vugale, evel ma tastum ar iar he lapoused dindan he diou‐askel, ha n’eo ket bet fellet deoc’h.

Mazhev 25:1

Neuze rouantelez an envou a vezo henvel ouz deg gwerc’hez pere, o veza kemeret ho lampou, a ieaz er meaz da zialben ar pried.

Mazhev 25:14

Rag henvel eo ouz eun den pehini, o vond da eur vro bell, a c’halvaz he vevelien hag a lekeaz he vadou etre ho daouarn.

Mazhev 3:2

En em gonvertissit, rag rouantelez an envou a zo tost.

Sant Marc 13:34

Rag henvel eo ouz eun den pehini, o vond en hent evit eur vro bell, a lez he di, a ro d’he vevelien ar gondu anezhan, a verk da bep hini he labour, hag a c’hourc’hemen d’ar porzier beza var evez.

Sant Ian 15:1

Me eo ar gwir winien, ha va Zad eo ar gwinienour.

1 Korintiz 15:58

Rag‐se, va breudeur muia‐karet, choumit zounn, ha stard en ho sa, o labourat muioc’h‐mui en œuvr an Aotrou, o c’houzout penaos ho labour n’eo ket didalvoudus en Aotrou.

Hebreed 13:21

da renta ac’hanoc’h parfet en peb œuvr vad, ma reot he volontez, oc’h ober he‐unan enoc’h ar pez a zo agreabl dirazhan, dre Jesus‐Christ, da behini ar gloar da viken! Amen.