WEAWEA 21:2 - Hawa Naga Bible 2001

² Kvruex yimaq Israel miqsaz htenc rueq Yehowa muex, “Mnoz rueq nuiyshiq muex kvruex miq htenc kuex khvt tvtaungx gay ruiux yuq, tsuingshiq nuiyc tsuingshiq ghaqyungx htenc kuex mnoz Yehowa muex lekuq vtueq tvsawc ric tvbac gay shix,” ngoz tueq bomkhvrc tvhungx wuez tueq.

ASII LAKDAP Bible (BSI)

² Kiijiishe Israilnok raq Tatiwe ma sinkham akha tiitumto: “Ümniiraq naishiq ma arnok ara tiitang kuq haüla, naishiq raq tsangshiq nok nai tsangshiqnok chela thun ka ümniima jai na bomchan shun mai maq kunli mikiinong kuqhai.”

WEAWEA 21:2 Referencias Cruzadas

RAPHA HIQWA LAK 28:20

Kvruex yimaq Yaku rueq Yehowa muex ngoc: “Mnoz kuex ngaz rulc vdvmz httax vtueq ngvy kay juing lvmx kuex tvkhup wungx kuq ruiux, phuiuz vsvy nuiyc khoz vkhvy kuex menjenc kuy ningkhvnc nuex,

Tvtsvmc 116:18

Ngaz rueq mnoz muex bomkhvmc taq tauk rulc rv-ngvlc mmiqsaz lotlaz rvtuimx yaq phungc nuex muinz, Yerusalem wawc mnoz vsawc Shomc Yuimx nuex muinz, kvruex bomkhvmc kuex ngaz rueq phvnx shaungx. Yehowa muex tvtsvmc wuez shuinz!

Tvtsvmc 132:2

Yehowa lex, Dawid rueq, “Yehowa shomc yuimx ngoz yaq, Yaku Tishox Tvphaungc Tvsuip waz tvkoc yuimx max guirx lot wawwawx ngvy yuimx nuex waung taungx rvmuq, ngaz nyec tvkuiyq shaungx rvmuq, kvtsoalx taungx rvmuq,” ngoz tueq mnoz muex piq rueq bomkhvrc nuiyc Yaku Tishox Tvphaungc Tvsuip waz muex piq rueq vtaq bomkhvmc kuex rvwvl shuiuz.

1 Corinthians 16:22

Miq vshiz shiz rueq Taungjix muex lungwawc muq ngoz ruiux kuex, piq nuex mvnhttonc mrvhumc kueq! Marana-tha nuex Taungjix mhttuiuc kaz kueq!

TRI CHONGKE 13:15

kvruex wawc ghaq miqsaz lotlaz nuiyc tsuingshiq nyvmx saz lotlaz kuex thvy gay rax. Kvruex ghaq kuex tvsawc ric tvbac gay rax.

TRI CHONGKE 13:16

Kvruex ghaq wuinz hup vsvmx httax yaq htenc kuex ghaq mungx baung nuex tvtuimx taq shuinz. Kvruex yimaq miqghaq kvruex nuiyc hup vsvmx htenc kuex Yehowa nuimshiq Tishox muex shomc kuy tvraung wvr maq juiuz gay rax. Kvruex ghaq kvyuq laukshiz miqghaq tec mvy muq, ghaq bac ghaqchuing ikhoc mkaq muinz mhttax kueq.

TRI CHONGKE 20:16

“Yuq muinz Yehowa nuimshiq Tishox rueq nuimshiq muex kuq kv-phuinx mungx wawc ghaqyungx htenc kuex khvt vtueq lvp wvnc shuinx yuq, kvruex wawc miq htenc kuex lotlaz thvy gay rax.

TRI CHONGKE 7:2

Yehowa nuimshiq Tishox rueq kvruex miqphvnx htenc kuex nuimshiq yauk nuex lekuy ningkhvnc nuex nuimshiq rueq khvt taungx gay shuinx kvkaq, tsuingshiq lotlaz thvt gay shuinx. Tsuingshiq rulc kungjix rvyaungc mvy muq, tsuingshiq muex menjenc mvy muq.

JOSHUA 6:17

Yehowa muex shomc kuy tvraung ghaqyungx nuiyc ghaqyungx mungx nuex httax yaq phvnx htenc lotlaz kuex tvsawc ric tvbac gay shuinz. Mephex nyuiuz Rahab nuiyc piq yuimx nuex httax yaq htenc dvyx dung wvnc tuex; yvmx khoc lac ngoz ruiux lec Rahab rueq sisunx jix naungshiq miq kuex httuiyq kuq phuex.

JOSHUA 6:26

Kvkaq Yoshua rueq: “Yerikho ghaq tec yek tvkoc hunglaungx jix waz ukhaq yuq muinz Yehowa htumc nuex mvnhttonc m-gurx shueq. Htung tvjvp phaungc jix waz kuex vsaz pekhux waz mthueyc kueq; Palx kaluix guirc jix waz kuex vsaz nobung waz kuex mthueyc kueq,” ngoz tueq tuemc kuq tueq.

PHOWEBI 11:30

Jeptha rueq Yehowa muex vkhoc bomkhvmc kuq tueq: “Ammon miqsaz kuex khvt vtueq tvtaungx kuq phux ngoz ruiux kuex,

1 SAMUEL 1:11

Hanna rueq kvtuemc bomkhvmc kuex vkhoc taq tueq: “Tvphaungc Tvsuip Yehowa lex, mnvrc nyuiuz ngaz vruex lawc koq! Ngaz kuilc daz jamjaux vtaungx vruex khiz kuq vtueq ngaz kuex tvmaung rvwvl koq! Ngaz nauk lauk gay vkueq! Mnoz rueq ngaz muex miqwaz saz vshiz kuq ruiux yuq, piq khux mul kuex mkaq muinz sulx mauk maq piq rullungx wvlex mnoz muex lekuq phaungx, ngoz tueq ngaz rueq khvmc kuq vphaungx.”