WEAWEA 1:51 - Hawa Naga Bible 2001

⁵¹ Nuimshiq kvhttot tuinx ruip rawx Lewi miqsaz miqwaz rulx rueq Tap kvruex httak vtueq, jerak vnyalx tec ruiux yuq Tap kvruex tvjvp guirc rax. Tap hep kvyuq kvnvp kay jix ukhaq yuq muinz vthueyc rvhumc tuex.

ASII LAKDAP Bible (BSI)

⁵¹ Ümtiikiiwa namshiq ka lamjap piitiip kiiwa laüwan nong tlan, Lewi phan raq Tombutiip kra arun miraq. Raüta piitiip anye kiijaq hali tiip ka mihai wan nong. Juwa kra Tombutiip tho na wajiiq, kriiti ka tiitsailaq atsea baiq chang.

WEAWEA 1:51 Referencias Cruzadas

2 SAMUEL 6:7

Yehowa Tishox rueq Uza muex khaq vtueq, piq rueq vshuimc tvyaq tueq mvrax ningkhvnc nuex thvt gay tueq. Uza kuex Bomkhvrc Jep hep nuex thueyc kaz tueq,

WEAWEA 10:11

Israel miqsaz kuex Ejip mungx maq kay wvnc yix raungwawc wawc nueyc, lexnueyc yapix, raungrok nueyc raungnuiyq nuex Yehowa httax yaq Tap htauk nuex buingc yaq phuemx kuex kvtenc wvnc koq tueq,

WEAWEA 16:40

Arun phvnx wawc rvmuq jix miq uraq yuq muinz Yehowa muex vhomc vshot juiuz kuy tvkoc shomrawx hep nuex kay mvy muq ngoz tueq nvyrvyx guip rueq Israel miqsaz muex honc tvsvmz kuq yaq. Vruex phvnx muq jix htenc kuex Kora nuiyc vyix phvnc jix hez htenc ikhoc tvbac gay rvhumc tuex. Yehowa rueq Moshe maq raz tueq tvlvy jungx kuq tueq htenc kuex Eleazar rueq shuimx kaz tueq.

WEAWEA 17:13

Tap hep kvyuq kay jix miq htenc kuex vthueyc juing jvnc ngoz ruiux kuex, nuiyshiq lotlaz thueyc kaz ruiux waz vhvlx!” ngoz tueq ngoz wuez tueq.

WEAWEA 17:5

Ngaz rueq thvl wvnc shaungx kvruex waz ngvlhtulc kuex vsung dung tuex. Vkhoc maq raz tueq Israel miqsaz rueq mnoz muex yauk lox, yauk lox kvbot nyvnx vtueq mvrax tvgurc kv-phux rvmuq shex,” ngoz tueq jungx tueq.

WEAWEA 18:22

Israel miqsaz vganc phvnx htenc kuex Tap hep nuex kvnvp kay mvy muq, kvnvp kaz ruiux kuex vthueyc rvhumc tuex.

WEAWEA 18:3

Tsuinghez rueq m-yauk shuimc nuiyc Tap yauk shuimc kuex mshuimx kuq shueq, yuq muinz tsuinghez rueq Vsawc Baung nuex seng yaq hup svmx htenc nuiyc shomrawx kuex heq shuimc mvy muq. Tsuinghez rueq shuimx kaz iruiux kuex tsuinghez rulc vdvmz msaz nuimhez muinz vthueyc rvhumc tuinx.

WEAWEA 18:4

Tsuingshiq kuex mnoz rulc vdvmz Tap nuex seng yaq yauk shuimc htenc kuex shuimc kay naungc rax, yuq muinz vganc jix miq uraq muinz mnoz rulc yauk shuimc naungc mvy muq.

WEAWEA 18:7

Yuq muinz msaz nuimhez rueq dvyx shomrawx nuiyc Vsawc Baung nuex seng vtueq shomc waz rueq gurc pic juing htenc kuex shuimc kay rax. Nuimhez rueq shuimc juing shomc waz yauk shuimc kuex yauk noalc ikhoc lekuq shec phaungx ningkhvnc nuex kvruex kuex mnoz rueq gurc pic juing rvtueq. Kvkhoc rvtueq vsawc baung nuex kvnvp kay jix seng muq miqsaz ukhaq yuq muinz vthueyc rvhumc tuex,” ngoz tueq jungx tueq.

WEAWEA 3:10

Mnoz rueq Arun nuiyc vsaz hez muex shomc waz bix yauk shuimc htenc kuex lekuq vtueq tvshuimc rax; yvmx muinz seng muq jix miq rueq shomc waz yauk shuimc shuimx kaz ruiux yuq, kvruex waz kuex vthueyc rvhumc tuex,” ngoz tueq jungx tueq.

WEAWEA 3:38

Moshe nuiyc Arun nac sahez kuex Tap tvmax shaldungc kox nuex jerak tec rax. Tsuinghez rueq Israel miqsaz tvkoc Vsawc Baung nuex nawk palx juing nuex seng yaq shuimc vkay htenc kuex shuimx yaq. Yauk shuimc aungx muq waz rueq shuimx kaz ruiux yuq, kvruex waz kuex vthueyc rvhumc tuex.

1 SAMUEL 6:19

Bet Shemesh ghaq wuinz rueq Bomkhvrc Jep mungx nuex lawc ningkhvnc nuex Yehowa rueq miq 70 thvt gay tueq. Tsuingshiq hvlwvl nuex vkhoc vthueyc juing yunghvlc Yehowa rueq tvyaungc kuy ningkhvnc nuex miq htenc kuex khoarsez wuez tueq.