TAKSU LAK 7:2 - Hawa Naga Bible 2001

² Ngaz rueq jungx vphaungx rulc rv-ngvlc shuimx shuiuz, ngoz ruiux tvraungx httax tuiux. Mmuik saz tvwungx shuiux ikhoc ngaz rueq tvluing kuq phaungx vruex phvnc tvkoc honc lvmc thuinz httax kuiuz.

ASII LAKDAP Bible (BSI)

² Ngi aming wokhong na silaq. Raüla ahea mishong nga haü. Ümmakpo jamkho shiili tlaü, kiikha itsii chong kra lang laüta silaq.

TAKSU LAK 7:2 Referencias Cruzadas

Tvtsvmc 119:144

Mnoz rueq jungx vshuiux kuex mkaq muinz vlvmx rvtueq; ngvy rullungx tvraungx muex vtuiuz vtay tharc kuex kuq koq.

Tvtsvmc 17:8

Layx bac jix htenc rueq khvt yaq nuiyc paunghvlc ralx htenc rueq ngaz tuimx wvnc vphuex wawc mmuik htenc kuex mnoz rueq tvguing vshuiux ikhoc ngaz kuex mraungx kungx khung nuex httuiyq taq koq.

TAKSU LAK 4:13

Mnoz rueq tvluing wvnc toq kuex mkaq muinz tvtsuingc taq shuiuz. Mnoz rueq thenc tuiuz wvnc toq kuex mrullungx rvtueq ningkhvnc nuex, kvruex kuex vhvlx waq taq shuiuz.

TAKSU LAK 4:21

Kvruex kuex mnoz kox wawc mkaq muinz nauk tv-phvlc kaz. Kvruex kuex mthuinz vmungx nuex tvtsuingc vtueq taq shuiuz.

TAKSU LAK 4:4

iwaz rueq ngaz muex tvluing kuq phuex. Piq rueq ngaz muex, “Ngaz rueq jungx phaungx kvjaz kuex rvwvl shuiuz, kvruex lvmx kuex mkaq muinz nauk lauk gay kaz, mnoz muex ngaz rueq jungx phaungx rulc rv-ngvlc shuimx shuiuz, mnoz rullungx tvraungx lvp shuiux.

ISAIA 55:3

“Ngvy miq hez lex, majuiuc tay vtueq, ngaz kox nuex kaz luit; ngaz kox nuex kaz ruiux nuimshiq rueq rullungx lvp shuinx! Ngaz rueq nuimshiq rulc pattup bomkhvrc tvhungx ruiux, Dawid muex bomkhvmc kuq tauk ruimrix htenc kuex nuimshiq muex kuq phaungx.

JEREMIA 38:20

Ngaz rueq, “Mnoz kuex tsuinghez yauk nuex lekuy rvhumc muq. Yehowa bomjungc phvnc tvkoc ngaz rueq mnoz muex jungx vphaungx; kvkaq mnoz kuex lvmx ruip saz nuex vhvlx maq rullungx tvraungx httax lvp tuiux.

LEWI 18:5

Ngaz rueq kuq phaungx tvrac htenc nuiyc honc vyaungc htenc kuex phvnx shuinz; kvkhoc phvnx ruiux yuq nuimshiq thuiuzthuic tvraungx lvp shuinz. Ngaz kuex Yehowa rvtauk,” ngoz tueq jungx tueq.

JEKERIA 2:8

Nuimshiq wungc thvy jix waz ukhaq yuq muinz ngvy tvkoc vhtawz vhttax pinhtumc kuex wungc thvy jix waz rvtueq,” ngoz tueq jungx tueq. Kvkhoc rvtueq Tvphaungc Tvsuip Yehowa rueq vpiq miqsaz htenc khvt yurc gay jix miqphvnx htenc tvkoc vruex bomjungc vrulc vdvmz nuex ngaz tvkaz phuex:

John 14:21

“Ngaz rueq nvrc bomc htenc kuex tay phvnc jix waz kuex ngvy lungwawc jix waz rvtueq. Ngvy lungwawc jix waz kuex Iwaz rueq muinz lungwawx shuex. Ngaz rueq muinz piq kuex lungwawx vtueq, ngvy shauk pumz kuex piq muex tvkhic kuq shaungx,” ngoz tueq jungx tueq.

John 15:14

Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.

TRI CHONGKE 32:10

“Kuiyqshuik kuiyqkhvmx, sawc ric sawc svmx, raungguil rueq yvp yaq kumtsvy tvnx nuex khuemx yaq kuex vpiq rueq khiz tueq. Vpiq pumz tvguing yaq ikhoc tsuingshiq kuex tvkhup tvwungx kuq tueq.

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.