TAKSU LAK 4:2 - Hawa Naga Bible 2001

² Nuimshiq muex ngaz rueq tvluing kuq vphaungx lvmx htenc kuex vhvlx ningkhvnc nuex, kvruex lotlaz kuex rvwvl shuinz.

ASII LAKDAP Bible (BSI)

² Ngi raq jamlai wa shrinkuq tiikang, kriika ahea. Kra ningkhan wiita tsan na shaq ronglaq.

TAKSU LAK 4:2 Referencias Cruzadas

1 KAÜWA WERAÜ 28:9

Piq rueq Solomon muex ngoc, “Isaz lex, mnoz rueq m-waz Tishox muex kvjungc vtueq, vthvlc vhttauk thuinz vguez maq, raungc raq thuinz vmungx maq vpiq muex nawk palx tvkoc ngaz rueq mnoz muex nvr vphaungx. Naungshiq rueq kvmungx vshix lvmz nuiyc raungc raq vshix lvmz lotlaz kuex vpiq rueq tuiuz yaq. Mnoz kuex vpiq kox nuex kvnvp ruiux yuq, vpiq rueq mnoz kuex lvp wvnc shuex; yuq muinz mnoz rueq vpiq muex yix tvnungx shung kuq ruiux yuq, vpiq rueq mnoz kuex pattup tuip gay kv-phux.

2 KAÜWA WERAÜ 7:19

Yuq muinz ngaz rueq mnoz muex kuq phaungx tvrac htenc nuiyc vnvrc bomc htenc kuex mnoz nuiyc mmiqsaz htenc rueq phvnx muit maq vganc tishox htenc kuex nawk palx ruiux yuq kuex,

YOBA 11:4

Mnoz rueq ngoc ngaz rueq jungx vshaungx kvjaz kuex vlvmz rvtueq; ngaz kuex Tishox khaungkac nuex vsawc rvtauk, ngoz tueq mnoz rueq jungx vshuiux.

YOBA 33:3

Ngaz rueq jungx shaungx kvjaz lotlaz kuex bomc nyenz rvtueq, ngaz rueq tvmtuing kvjaz jungx shaungx.

Tvtsvmc 119:87

Tsuingshiq rueq ngaz kuex thvt gay khvmx dvyx, yuq muinz mnoz rueq nvrc bomc htenc kuex ngaz rueq tuip gay mauk.

TAKSU LAK 3:1

Isaz lex, ngaz rueq mnoz muex tvluing kuq vphaungx kuex nauk lauk gay kaz. Mnoz rueq shuimc tvkoc ngaz rueq jungx phaungx kvjaz kuex mkaq muinz rvwvl hvt rvshuiuz.

JEREMIA 35:8

Jonadab rueq nuiyshiq muex tvhonc tvtharc kuq phuex lotlaz kuex nuiyshiq rueq phvnx vshix. Nuiyshiq kuex nuiyshiq pumz maq nuiyc nuiyshiq juik, vsaz miqwaz yalxjuik rueq mkaq muinz svpiq kuex nuingx miq.

TRI CHONGKE 32:2

Ngaz rueq tvluing shaungx kvjaz kuex raungyunc thuey ikhoc svrc yaq, ghaq htauk nuex buing ikhoc yaungx tuex. Ngvy kvjaz kuex vkemc sahez htauk nuex yunx yaq raungyunc ikhoc, wuiljuit wuiljaungx httuingx htauk nuex dvy yaq raungruik rauk ikhoc yunx tuex.

1 Timothy 4:6

Vkhoc jungphvnc kvjaz htenc kuex phunox bix muex kuq ruiux yuq, mnoz kuex mnoz rueq lvp wvnc toq siyac kvmluimx lvmz nuiyc tsuingrux tvluingc jungphvnc kvjaz kuex phvnx vshuiux ningkhvnc nuex Christu Yesu nvrc waz vhvlx yaungx vtuiux.

Titus 1:9

Piq kuex phungc maq tvhonc tvtharc yaq lvmx nuex rungx raq naungx vtueq tvluimc mvy yaq bomjungc kuex phaungx duingduing rvwak shuimc jix waz ruec rax tuex. Kvkhoc ngoz ruiux jix piq rueq tsuingrux yaq tvluingc jungphvnc lvmz nuex miq htenc muex hungc vlaungc kuq lot shuex, tsuingrux lvmx kuex khawc lvlc jix htenc muex vyaq kuex tvkhic kuq lot shuex.