Matthew 4:18 - Hawa Naga Bible 2001

¹⁸ Galile jumx kawx nuex Yesu khuemx wvnc tueq kvkaq, saq phuz wanueyc Peter ngoz yaq Simon nuiyc vnox Andru kuex jak maq ngaq vkhup Yesu rueq khiz tueq. Ngaq lvmc yauk shuimc maq kvdungc gvy jix rvtueq.

ASII LAKDAP Bible (BSI)

¹⁸ Jesuq ka Gelili Thamchum kii na awarai riito. Apaiq raq ngiq khupti siphu wenai Simon, (apaiq ka Petar ngutiimin ngutlo) kiimaq ano Andru ka Gelili thamchum na chiiq maq ngiq khup rea chhi wanto.

Muklom

¹⁸ Jesu Galilee shitim relna kachey atho, piq aa ngaqsa lottey sapho ni tha khita. Ning ni Simon (Peter ta tho thamiing angta) nia uno Andrew angta. Ning ni Galilee shitim na chak halcheyta.

Matthew 4:18 Referencias Cruzadas

DUNGWVNC 3:1

Raungnuiyq shiz nuex Moshe kuex Midian shomc waz vguz Jethro khelbuenx nuiyc khelkhix htenc kuex remc kuq yaq nuex, khelbuenx nuiyc khelkhix htenc kuex kumtsvy tvnx maq tvyanz goalx laq vtueq Sinai ngoz yaq vsawc kanx nuex httuiuc kaz tueq.

DUNGWVNC 3:10

Majuiuc ngaz rueq mnoz kuex Ejip hokhvmx waz kox nuex tvkaz vphaungx, kvkhoc rvtueq mnoz rueq ngvy miqsaz htenc kuex piq mungtan wawc tvdung kaz kuiuz,” ngoz tueq jungx tueq.

EJEKIEL 47:10

Engedi yuix dungc jungx htenc maq Eneglaim yuix dungc jungx lvmx wvlex, ngaq lvp jix miq htenc kuex yuix kawx nuex httax vtueq tsuingshiq jak htenc kuex tvparc noalx shuex. Kvruex yuq ngaq phvnx ruip saz paunghvlc kuex Svmuktvrax Mediteranean mungx nuex httax yaq ikhoc paung wvnc tuex.

WEAWEA 34:11

Ekvmaq ghaqyaz kox Harbel nuex svt vtueq Ain maq shaldungc kox nuex tiq, Galile Jumx kawx shaldungc kox nuex httax yaq ghaq luimx htenc kuex yanz wvnc vtueq,

Matthew 10:2

Kamx waz hez rokshiz rac vnueyc muingc kuex vkhoc rvtueq. Vphaungc wawc waz muingc kuex Peter ngoz yaq Simon, Simon nox Andru, Zebede saz Yaku nuiyc vnox Yohan,

Matthew 15:29

Yesu kuex kvruex baung wawc kaz wvnc vtueq Galile jumx kawx kvrep rep maq kaz wvnc tueq, kvruex yimaq kanx vshiz nuex duiz woz vtueq ngaungc tueq.

Matthew 16:18

Kvkhoc rvtueq ngaz rueq mnoz muex jungx kuq ix, mmuingc kuex lung ngoz yaq Peter rvtoq, lung rauk ngoz yaq vjungx tvjvp htauk nuex ngvy phungc kuex ngaz rueq tec taq vshaungx, vthueyc vmvy rueq doc muinz kvruex taungx gay lot muq.

Matthew 4:19

Yesu rueq tsuingnueyc muex, “Ngvy yix nuex phvnx naungx kuit. Ngaq khup vshuinx kvkhoc miq khup jix miq muex tvyaungc phaungx,” ngoz tueq ngoz kuq tueq.

Mark 7:31

Kvruex yimaq Yesu kuex Tire hong ghaqruiy maq kaz wvnc tueq nuex, Sidon nuiyc miqghaq rokshiz ngoz yaq Dekapoli mungx rv-ngvlc maq lvy wvnc ruiux Galile jumx nuex httuiuc kaz tueq.

Luke 6:14

Kvruex hez kuex Peter ngoz tueq vpiq rueq vmuingc kuq Simon nuiyc vnox Andru, Yaku, Yohan, Philip, Bartholome,

John 21:1

Kvruex yimaq Yesu kuex Tiberia jumx kawx maq vpiq sangac hez muex shvmx laukshiz kvkhic tueq. Kvruex lauk kvkhic tueq kuex vkhoc rvtueq.

John 6:1

Kvruex yimaq Yesu kuex Tiberia ngoz yaq Galile jumx kuex yanz wvnc tueq.

John 6:8

Kvruex kaq vpiq sangac hez phungc wawc Simon Peter nox Andru rueq jungx tueq kuex,

TRI CHONGKE 3:17

Tsuingshiq ghaqphux shalx nyuip kox Yodan Ruilx maq ghaqkhux kox Galile Jumx nuex, ghaqyaz kox kuex Yuix Maungx Jumx nuex, shaldungc kox kuex Pisga Kanx yaz nuex httuiuc laz yungx yaq.