Matthew 26:53 - Hawa Naga Bible 2001

⁵³ Ngaz rueq Iwaz kox wawc romc kuy jix thoz lvp shaungx, vpiq rueq lvmx lvy raungkamx bix nolaungx daungx rokshiz rac vnueyc muinz kaq muq ngvy kox nuex tvkaz shuex kuex mnoz rueq tuiuz muq haz?

ASII LAKDAP Bible (BSI)

⁵³ Ümniiraq sapmaü sha, ngi raq ra tlo nguta i We jaq wa jaüha jaq, apaiq raq ngi ma maklii liipan niili, rasetiim ahing amun mitiikilot?

Muklom

⁵³ Nang aa sam mu i, nga Iwa jakwang nong jin chuk eq náng etho piq aa kalo asi ani rangkamwa tang waan sha i relnáng jin ta kat eq na.

Matthew 26:53 Referencias Cruzadas

2 HOKHVMX 6:17

Kvruex yimaq piq rueq, “O Yehowa lex, piq rueq mkhiz shueq, piq muik kuex tvkalc kuq shuiuz!” ngoz tueq vjux thoz tueq. Yehowa rueq muinz piq vjux thoz bomc kuex tvralc kuq koq tueq, Elisha nvrc waz rueq lawc koq tueq Elisha tvroz kankhux htenc nuex wvr mvre htenc nuiyc wvr renc htenc mvrc yaq kuex khiz tueq.

DANIEL 7:10

kvruex wawc yuix saz ruilx ikhoc tsauz thuiyc yaq wvr kuex dung kaz yaq. Vpiq muex shuimc kuy tvkoc miq vhingc maq paung yaq, miq htenc kuex vlak maq vpiq khaungkac nuex jvp wuez yaq. Tvrac rungx nuex khac phox phaungc wvnc shex ningkhvnc nuex luik dvp htenc kuex lanx shec tueq.

Matthew 25:31

“Miq Saz vruex kuex raungkamx bix lotlaz rulc vdvmz nuex Hokhvmx raz tueq httuiuc kaz tuex nuex, hoc daungraungc htauk nuex ngaungc vtueq,

Matthew 4:11

Kvkaq lvmx lvy dvyx Htaungc kuex vpiq kox wawc dung kaz wvnc tueq; Raungkamx bix httuiuc kaz vtueq Yesu muex joalc moalc kuq tueq.

Mark 5:15

tsuingshiq kuex Yesu kox nuex httuiuc kaz tueq nuex, htaungc paunghvlc kvpumz jix Legion ngoz yaq waz kuex, khoz vkhvy svmx ruiux kungkhux wawc miq hvlx ikhoc ngaungc yaq kuex tsuingshiq rueq khiz vtueq vhiz rvwuez tueq.

Mark 5:9

Kvruex rvtueq Yesu rueq piq muex, “Mmuingc yvmx khoc lac?” ngoz tueq wiz tueq. Kvruex waz rueq, “Nuiyhez kuex paungc ningkhvnc nuex, ngvy muingc kuex Legion rvtauk!” ngoz tueq tvralc tueq.

Luke 8:30

Yesu rueq htaungc muex, “Mmuingc ukhaq lac,” ngoz tueq wiz tueq. Piq rueq, “Ngvy muingc Legion rvtauk,” ngoz tueq. Yvmx khoc lac ngoz ruiux lec piq gvnz nuex kvpumz jix htaungc kuex paunghvlc ningkhvnc nuex rvtueq.

John 10:18

Ngvy thuiuzthuic kuex uraq muinz lvmz gay lot shuex rvmuq. Ngvy thuinz maq vkuq gay rvtueq. Vlekuy gay vkhangx nuiyc vtvyez lvmc wvnc vkhangx ngaz rueq lvp tauk. Kvkhoc shuimc tvkoc Iwaz rueq ngaz muex nvr phuex,” ngoz tueq.

John 18:36

Yesu rueq, “Ngvy mungtan kuex vruex mungkawx rulc seng muq, ngvy mungtan kuex vruex mungkawx vrulc seng yaq ngoz ruiux kuex, ngaz Yuda miqsaz yauk nuex httuiuc mauk laz juing, ngvy kungjix hez rueq khvt gay khvmz tueq. Vsuing ngvy mungtan kuex mungkawx vrulc seng muq!” ngoz tueq tvralc tueq.

2 Thessalonians 1:7

Taungjix Yesu rueq Tishox muex tvdux gay jix htenc nuiyc naungshiq Taungjix Yesu Thuix Thaungx Vhvlx kuex tay phvnx muq jix htenc muex murx tvgurc kuy tvkoc vpiq hungc vlaungc httax yaq raungkamx bix rulc vdvmz wvrluic rulc nongx raungmungx maq dung kaz tuex nuex Tishox rueq kuilc daz rvhumc vtuinx nuimshiq rulc vdvmz nuiyshiq muex muinz thuinz hvlc juing tvlvp kuq shuex.

Jude 1:14

Adam pat maq raz tueq pat mvshix ngoc yaungc Enok rueq vruex hez lvmx nuex seng vtueq; “Taungjix kuex vpiq vsawc raungkamx bix vhingc paunghvlc maq httuiuc kaz vtueq,