Matthew 23:5 - Hawa Naga Bible 2001

⁵ Tsuingshiq rueq shuimx yaq yauk shuimc phvnx ruip saz kuex miq rueq khiz laz juing ngoz tueq shuimx yaq. Tsuingshiq khaungx nuex nuiyc yauk phumz nuex rumvrc bomc poz vwuiyq tvkop taq hanphax phux yunghvlc hvlc tvhungx guirx vtueq paungc yaq kuex lawc shuinz! Tsuingshiq svmhung hungyungx htenc nuex vnac wuinx kuex loayc hvlc hvlc raz tueq tvwuirx wawz kuk svmx yaq.

ASII LAKDAP Bible (BSI)

⁵ Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Muklom

⁵ Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa.

Matthew 23:5 Referencias Cruzadas

2 HOKHVMX 10:16

jungx tueq kuex, “Ngaz rulc khuemx naungx vtueq Yehowa muex ngaz mtanc khvnc lac kvmx vtaungx kuex mnoz rueq khiz shuiux,” ngoz tueq ngoz kuq tueq. Kvmaq tsuingnueyc kuex vdvmz nuex ngaungc vtueq Samaria ghaq nuex kaz wvnc tueq.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

TAKSU LAK 3:3

Menjenc thuinz nuiyc tvmtuing thuinz kuex mkaq muinz nauk gay kaz, kvruex kuex mduingx nuex luiuz taq ruiux, mthuinz vmungx nuex wuiyq tvtsuingc taq shec shuiuz.

LEWI 13:32

Shomc waz rueq raungx mvshix ngoc yaungc nuex vmac kuex laukshiz lawc yek vtueq, vmac kuex luingc muq vmul htenc muinz menx muq, vmac khurx muinz kvkhurx muq ngoz ruiux yuq,

Matthew 9:20

Kvruex kaq wawc rokshiz rac wawc nueyc tvguiy dung vtueq thuiuz yaq yalxjuik nyuiuz shiz kuex Yesu yix kox nuex kvhttot kaz vtueq vsvmhung nac nuex htuiuz kaz tueq.

Luke 16:15

Yesu rueq tsuingshiq muex, “Nuimshiq rueq miqmac shauk vgvnz kuex tsuingrux jix ikhoc miqmuik lawc nuex kvyaungx shaungx vtuinx, yuq muinz Tishox rueq nuimshiq thuinz vmungx kuex tuiuz yaq. Yvmx khoc lac ngoz ruiux lec miq rueq vhtawz vtsanz raungc raq yaq hup svmx htenc kuex Tishox khaungkac nuex htawz guez yaungx yaq.

Luke 20:47

mvntix nyuiuz tamx yuimx kuex tvrax muq maq nyvlc wvnc vtueq, miq muik lawc nuex vjux loayc hvlc thoz yaq! Tsuingshiq rvhumc juing murx kuex songhvlc rvtueq!” ngoz tueq jungx tueq.

John 12:43

Tsuingshiq kuex Tishox rueq tvtsvmc kvmc kuy htauk nuex, miq rueq tvtsvmc kvmc kuy kuex pinhtumc raungc raq yaq.

John 5:44

Nuimshiq kuex vdvmz dvmz tvtsvmc kvmc kuy dvyx roc vshuinx, yuq muinz vshiz dvyx httax yaq Tishox muex tvtsvmc kvmc tvkoc kuex hunglaungx muit. Kvkhoc rvtueq nuimshiq kuex ngaz muex yvmx khoc lac kvmluimx tuinx?

John 7:18

Miqmac vrangx vpangx thuinz maq jungc jix waz kuex miqmac ngauz vngax tvdungc roc jix waz rvtueq. Yuq muinz vpiq tvkay jix waz ngauz vngax thuiyc jix waz kuex kenrix rix waz rvtueq, vpiq nuex vrot vkaq yvmx muinz vguez.

TRI CHONGKE 11:18

“Vruex vnvrc vruez kvjaz htenc kuex rvwvl hvt maq raungc raq shuinz. Kvruex rvwvl hvt ruec muex nuimshiq yauk nuex rvmuq ngoz ruiux khaungkuimx nuex khvrc taq shec shuinz.

TRI CHONGKE 22:12

“Mnoz rueq svmc juing khvy htumc vshuk bvlic kvyuq ruiytuimx poz sahez kuex tvkop tvy rax.

TRI CHONGKE 6:8

Kvruex htenc kuex rvwvlc tvmaung lvp tvkoc nuimshiq yauk phumz nuex muinz, khaungkuimx nuex muinz khvrc tvy shec rax.

Philippians 1:15

Vsuing tsuingshiq wawc wvyvmc jix rueq khelric tvbac vtueq thaungthoz naq thuinz maq Christu lvmz jungphvnx wuez yaq, yuq muinz wvyvmc jix kuex raungc raq thuinz vhvlx maq jungx kuq yaq.

Philippians 2:3

Kvsomc parc roc thuinz nuiyc miqmac vjux thuiyc roc thuinz maq yvmx muinz nauk shuimx kaz, naungnuk waz kuex miqmac htauk nuex vshauk ngoz tueq mkaq muinz tvmaung hvt maq vdvmz dvmz tvyomx tv-nyez thuinz maq rvbomc nyamc wuez shuinz.

2 Thessalonians 2:4

Piq rueq miq htenc rueq nawk palx yaq tishox ngoz yaq phvnx ruip saz kuex vngvr kox nuex khawx lvlx vtueq, piq shauk pumz kuex lotlaz htauk nuex muinz ngauz vngax httaz hvlc waz ngoz tueq kv-ngoc tuex. Piq kuex Tishox Shomc Yuimx nuex doc muinz nyuip vtueq ngaungc ruiux, piq kv-ngoc Tishox ngoz tueq kv-ngoc tuex.