Matthew 22:12 - Hawa Naga Bible 2001

¹² ‘Kungjix waz lex, mnoz kuex miqlvmc moalx nuex svmc juing khvy muinz svmx muq maq yvmx khoc lac nyuip waung ruiux?’ ngoz tueq wiz tueq. Yuq muinz kvruex waz rueq tvralc muq kuiyqshuik dvyx rvtueq.

ASII LAKDAP Bible (BSI)

¹² Kra chhi raüta, ‘Phuno we ümniika ajaq kherüsea poi na samchang rohun miirii sam maü miika, ajaq jamkho nyap wa laü?’ nguta hokham we raq apaiq ma bom waito. Shatmaq kriiwe ka kaiqshak, jam bom min trelot mak she riito.

Muklom

¹² Lungwang aa piq thima pitta, ‘I nokwa, nang aa rungsat khat sam hunga iri náng chamlang ma wang taphu?’ Etharin piq chamtho raaq moq angta.

Matthew 22:12 Referencias Cruzadas

YOBA 5:16

Vpiq rueq htemc saz jix muex thuinz tvluimc juing kuq ruiux, layx bac waz kuex tvsuingx gay tueq.

Tvtsvmc 107:42

Tsuingrux miqsaz htenc rueq kvruex lvmx kuex khiz vtueq kokez wuez tueq, yuq muinz layx bac jix lotlaz kuex tvsuingx rvgay tueq.

JEREMIA 2:23

Nuimshiq rueq Bala muex mkaq muinz nawk palx miq doc, miqmac pumz kuex tvshuy shac miq ngoz tueq yvmx khoc lac ngoz lot shuinx? Warc tvnx nuex nuimshiq yvmx khoc lac yaq wvnc tuinx kuex lawc shuinz; nuimshiq rueq shuimx wvnc tuit kuex khiz vshuinx. Mnoz kuex tsiz tsuik thuiyc yaq yaruix kamel kuiux ikhoc, vhungx vhaung yuz yvp vtuiux,

JEREMIA 2:26

Yehowa rueq jungx tueq, “Vlvp gay rvhumc vtueq vguiuq waz yvlc sac yaq ikhoc, mhokhvmx bix, vyungx vlaungx bix, shomc waz bix nuiyc shvmmax bix nuimshiq Israel miqsaz kuex yvlc svy rvhumc tuinx.

Matthew 20:13

“Sunc taungjix waz rueq tsuinghez kvwawc washiz muex, ‘Tay shuiuz, kungjix waz lex, ngaz rueq mnoz mop saq gay phaungx rvmuq, mnoz kuex raungnuiyq shiz yauk mauk kuimphox sawx shiz maq shuimc tvkoc rungx raz tiq rvmuq haz?

Matthew 26:50

Yesu rueq, “Kungjix waz lex, mnoz rueq shuimc juing kuex shuimx shuiuz!” ngoz kuq tueq. Tsuinghez rueq Yesu kuex lvp khvrc kaz vtueq phaungx duing shuimx tueq.

Matthew 5:20

Ngaz rueq nuimshiq muex jungx kuq ix, Tishox thuinroc lvmx phvnx vshuinx lvmx kuex Tvrac tvluingc waz hez nuiyc Pharise hez htauk nuex jvnc muit ngoz ruiux kuex raungx Mungtan nuex nyuip lvp tuinx rvmuq.

Romans 3:19

Tvrac nuex httax yaq vnvrc lvmx phvnx ruip saz kuex Tvrac rueq khung nuex httaz jix htenc tvkoc rvtueq kuex, majuiuc naungshiq rueq tuiuz vshix, kvkhoc yaungx wvnc tueq lvmz kuex miq nuix lotlaz tvthauk tvkoc nuiyc miq lotlaz kuex Tishox rueq phox shuex kvyuq tvrvhumc tvkoc rvtueq.

1 Corinthians 4:5

Kvkhoc rvtueq vkhing rvkhauk max httuiuc nuex ukhaq muex muinz nauk phox kuq kaz. Vtvsuip phoc kuy lvmx kuex Taungjix httuiuc kaz tuex nuex httuiuc laz bvmc juing rvtueq; vpiq rueq raungnyauk mungx nuex vhttuiyq taq lotlaz kuex kvmuinz, miqsaz thuinz vmungx nuex vhttuiyq taq kvmungx lvmx htenc muinz tvdung tvkhic shuex rvtueq. Kvkaq vshiz maq vshiz kuex miqmac aungx yaq rulc rv-ngvlc Tishox kox wawc tvtsvmc kvmc lvp wvnc wuez shuex.

Titus 3:11

Kvkhoc jix waz kuex vbac wvnc waz rvtueq ningkhvnc nuex, piq mvrax htenc rueq piq mvrax lvp jix waz rvtueq kuex hakhix tvkhic vtueq piq dvyx kvhtvp htaz yaq kuex mnoz rueq khiz shuiux.

1 SAMUEL 2:9

Vpiq rueq tvmtuing httax yaq miqsaz tvraungx lvmz htenc kuex tvkhup wungx kuq yaq, yuq muinz layx bac jix htenc kuex raungx nyauk mungx nuex moz wvnc tuex; miqsaz rueq miqmac hungc vlaungc maq taungx lot shuex rvmuq.