Matthew 20:8 - Hawa Naga Bible 2001

⁸ “Raungyac wvnc tueq nuex sunc taungjix waz rueq yauk shuimc lawc jix waz muex ngoc, ‘Yauk shuimc jix htenc kuex gvl vtueq, vtvsuip nuex kay jix hez maq phaungc vtueq kungkhux kay jix hez nuex httuiuc laz kolix yauk mauk kuex phvlx kuq shuiux,’ ngoz tueq.

ASII LAKDAP Bible (BSI)

⁸ “Raji niishe wakchongti we raq achere we kiima akha thaüto, ‘Maiq ningchangti thun ka tarü triichom hea laq. Laüta maiq ümriiti wa rajiko rashe acha wan niishe tiikikai, kriiti ma jaq maq ka kuq phaho laüta, maiq ranap na jaqsham phahoti kriima tsangshiq jaq maq kra pheakuq laq.’

Muklom

⁸ “Rang sey ja atho, pik tangteywa they pik rimteywa thima batta, ‘Pik somtey tang ni hal eq jiwang tha jakho tang ma ning jakthang ni ko u.’

Matthew 20:8 Referencias Cruzadas

RAPHA HIQWA LAK 15:2

Yuq muinz Abram rueq, “Yehowa Tishox lex, ngaz kuex suiuz guez saz guez ningkhvnc nuex m-yauk noalc vhvlx kuex yvmx khoc lac lvp wvnc shaungx? Damasku ghaq wawc Eliezer rueq dvyx ngvy tsak jungx lvp jix waz rvtueq.

RAPHA HIQWA LAK 43:19

Kvkhoc rvtueq tsuinghez kuex yuimx kaluix kvlc nuex httuiuc kaz vtueq, Yosep nvrc waz muex ngoc,

LEWI 19:13

“Miqmac htauk nuex hungc vlaungc vnulx waz kuex nauk yomnamc kaz, piq hup svmx nauk nyvlc kaz, vmauk kuy juing kuex raungnvp kvyix nuex httuiuc laz nauk tvhttvmc kaz.

Matthew 20:7

Tsuingshiq rueq, ‘Nuiyhez kuex uraq muinz gvl muq,’ ngoz tueq. Kvkaq piq rueq, ‘Nuimhez muinz svpiq sunc kuex shuimx kaz kuinz,’ ngoz tueq.

Matthew 20:9

Yauk shuimc lawc jix waz rueq raungyac shalhtaz bv-ngac nuex yauk shuimc jix bix muex kuimphox sawx shiz phok kuq tueq.

Matthew 25:19

“Loayc hvlc httaz yix maq nvrc waz hez jiyungx waz kuex yek waung vtueq, tsuinghez rulc tvtsuingc wvlc kuex rvwiz soz tueq.

Matthew 25:31

“Miq Saz vruex kuex raungkamx bix lotlaz rulc vdvmz nuex Hokhvmx raz tueq httuiuc kaz tuex nuex, hoc daungraungc htauk nuex ngaungc vtueq,

Luke 10:7

Kvruex yuimx kvyuq httax tuinx baunglaung yuimx jungx jix rueq yvmx lac kuq phauk saq kv-phuinx kvruex phauk saq wuez shuinz. Yvmx khoc lac ngoz ruiux lec yauk shuimc jix waz rueq yauk mauk lvp aungx yaq. Yuimx shiz maq yuimx shiz nuex nauk kvyenc kaz.

Luke 12:42

Taungjix rueq tvralc tueq, “Kvkhoc ngoz ruiux tvmtuing vhttax nuiyc kenririx httax jix nvrc waz kuex mruex jix lac? Yuimx taungjix waz rueq nvrc waz hez guimz lawc tvkoc nuiyc phuiuz svy juing phvlc kuy tvkoc vthvl taq nvrc waz kvruex rvtueq.

Luke 8:3

Herod hoc wawc tsak tumz shuimc jix vyungx vlaungx waz Kuza taungnyuiuz Joanna nuiyc Susanna, yalxjuik rulx paunghvlc rueq phvnx naungx vtueq, kvruex yalxjuik rulx kuex miqmac rueq vlvp tsak vnyvmx kvmaq Yesu nuiyc vpiq sangac hez muex joalc moalc kuq tueq.

2 Corinthians 5:10

Yvmx khoc lac ngoz ruiux lec naungshiq lotlaz kuex phoc rvhumc tvkoc Christu hoc daungraungc khaungkac nuex httuiuc juing ningkhvnc nuex rvtueq. Kvkaq naungshiq vshiz maq vshiz kuex gvnngvmx yuimx nuex httax tix baunglaung vshuimx kaz wvnc vhvlx vbac lotlaz tvkoc lvp aungx yaq yauk mauk kuex lvp wvnc wuez shix.

TRI CHONGKE 24:15

Shalx max nyuip nuex wvraungx nuiyq tek piq yauk mauk kuex kuy rax; piq muex kuimphox rax yaq ningkhvnc nuex lvp aungx yaq kuex piq rueq tvluimc yaq. Mnoz rueq piq muex kuq muq ngoz ruiux yuq, piq rueq Yehowa muex tvtay ramc ningkhvnc nuex mnoz rueq mvrax lvp shuiux.

Titus 1:7

Yvmx khoc lac ngoz ruiux lec phungc shunshvlc jix waz kuex Tishox yauk shuimc gurc pic jix waz ningkhvnc nuex mvrax vguez waz ruec rax tuex. Piq kuex tuluimc thuinz httaz jix, thuinkhvy jix, vjuk vpawc jix, thaungthoz wawx yez jix, rvmuq ngoz ruiux kuimphox muex rvnphvnx jix yaungc mvy muq.

Hebrews 9:28

Kvrulc rv-ngvlc Christu muinz miq paunghvlc mvrax dawc kuy gay rawc nuex vpiq shauk pumz kuex laukshiz dvyx shomc nawk kuy juing muex tvyaungc vtueq shomc kuq gay tueq. Mvrax dawc kuq tueq lvmx nuex rvmuq maq, vpiq muex tvluimc bvmc jix htenc kuex palc daungc wvnc rawc nuex lauknueyc ngoc yaungc httuiuc kaz yek tuex.

1 Peter 4:10

Nuimshiq Tishox kox wawc htep kejux yauk noalc htenc lvp wvnc tuit rulc rv-ngvlc, Tishox kejux yauk noalc phvnx ruip saz kuex vhvlx shuimc waz ikhoc vdvmz dvmz vhvlx kejux laung nuex shuimx lvmz wuez shuinz.

RUTHA 2:6

Yauk shuimc lawc jix waz rueq, “Piq kuex Naomi rulc Moba mungx wawc vwaung naungx pungnuk shvlx rvtueq.