Matthew 20:7 - Hawa Naga Bible 2001

⁷ Tsuingshiq rueq, ‘Nuiyhez kuex uraq muinz gvl muq,’ ngoz tueq. Kvkaq piq rueq, ‘Nuimhez muinz svpiq sunc kuex shuimx kaz kuinz,’ ngoz tueq.

ASII LAKDAP Bible (BSI)

⁷ ‘Naishiq ara jurmin ningchang ma chong mak ahata,’ nguta tsangshiq raq apaiq bom ka treto. ‘Ahea, ikhiijiila, namshiq min i wak na ningchang shamwa rongkiq,’ nguta apaiq raq tsangshiq kiimin thaüto.”

Muklom

⁷ Ning aa piq ma batta, ‘Miq eq jaksom ma thalang phami rangma lang i.’ Piq aa ning ma batta, ‘Nim tho i pik náng ka eq somlo inn.’”

Matthew 20:7 Referencias Cruzadas

THARC TVLUINGC 9:10

Mnoz kaz wvnc tuiux wulumx mungx nuex yauk shuimc kay waungc, kvmungx lvmz, phaqjic nuiyc taksux tharc vguez ningkhvnc nuex mnoz rueq shuimc juing yvmx yuq muinz hung vtueq shuimx kaz shuiuz.

Matthew 20:1

“Raungx Mungtan kuex svpiq sunc taungjix washiz rvhumc wvnc tueq yaungx wvnc tueq lvmx rulc rv-ngvlc yaq. Lauk shiz nuex svpiq sunc taungjix washiz kuex piq sunc nuex yauk shuimc jix gvlc tvkoc raungnvp maq kaz wvnc tueq.

Matthew 20:6

Raungyac shalhtaz bv-ngac (five o’clock) nuex kaz yek koq tueq miq wvyvmc jvp yaq kuex khiz vtueq, ‘Nuimhez kuex yvmx ngoz tueq lac yauk shuimx muit maq raungnuiyq nuiyqtuimc jvp kaz tuinx?’ ngoz tueq tsuingshiq muex wiz tueq.

Matthew 20:8

“Raungyac wvnc tueq nuex sunc taungjix waz rueq yauk shuimc lawc jix waz muex ngoc, ‘Yauk shuimc jix htenc kuex gvl vtueq, vtvsuip nuex kay jix hez maq phaungc vtueq kungkhux kay jix hez nuex httuiuc laz kolix yauk mauk kuex phvlx kuq shuiux,’ ngoz tueq.

John 9:4

Ngvy tvkay jix waz vpiq yauk shuimc kuex raungnuiyq baunglaung naungshiq rueq shuimc juing, uraq muinz shuimx lvp muq raungnyauk vkhing httuiuc wvnc tuex.

Acts 4:16

Tsuingshiq rueq, “Vruex wanueyc kuex naungshiq rueq yvmx khoc lac rvshix? Tsuingnueyc rueq vwangc juing romzyac phvnx shiz tvdung tueq kuex Yerusalem nuex httaz jix nuk miqsaz htenc rueq muinz tuiuz yaq, naungshiq rueq khawx lvlx lot miq.

Romans 16:25

Tishox ngauz vngax kuex naungshiq rueq tvtsvmc wuez ix! Ngaz rueq nuimshiq muex jungphvnx kuq phaungx Yesu Christu lvmx Thuix Thaungx Vhvlx nuiyc mvnnuex pat maq phuex vhttuiyq vpuiuc vruez shec tsuingrux lvmx nuex tvkhic kuq tueq rulc rv-ngvlc, vpiq rueq nuimshiq kuex nuimshiq kvmluimx lvmx nuex tv-phaungx ngaungx kuq yaq.

Ephesians 6:8

Dax muex ngoz ruiux muinz, dungc wvnc jix muex ngoz ruiux muinz, Taungjix rueq vshiz maq vshiz muex miqmac rueq shuimx wvnc tueq vhvlx shuimc laung nuex vmauk kuq shuex kuex rvwvl tuiuz wuez shuinz.

Colossians 1:26

Vpiq rueq kvruex vthuiuz vsungx raz tueq vhttuiyq vpuiuc vruex bomjungc kuex mungkawx nuex httax yaq miqsaz htenc rueq tuiuz muq laz juing httuiyq puiuc taq ruiux muinz, majuiuc kuex vpiq miqsaz htenc muex tvkhic kuq tueq shex.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.