Matthew 18:12 - Hawa Naga Bible 2001

¹² “Nuimshiq rueq yvmx khoc lac tvmaung vshuinx? Miq washiz rueq khelbuenx shashiz lvp tueq, kvruex phungc kvwawc vshiz moz wvnc ruiux yuq, khelbuenx rok tvkuiuz rac tvkuiuz kuex kuz kvyuq taq shec ruiux, vmoz vruez wvnc kuiux kuex thuiyx kaz tuex.

ASII LAKDAP Bible (BSI)

¹² “Namshiq raq jamkho tiima tlan, maiq weshi jaq na skuse kong ka shishi miraq. Kiiwa ashi ka amii mirki. Raüla, apaiq ka roqtiikaüri tiikaü ka hiqlam siim na atsam phaq baiqthü raüta, amii arkise kra ritkai mikiho.

Muklom

¹² “Nim aa cham ta tathin inn? Ashey miqwa ma shashey kelwut angta etho eshi wang ashey kelwut sha matwang ang ajo, piq aa chamlang somlo na? Piq aa kelwut tang sha kan na shing chak eq, ashey matwang kelwut sha bima ka na.

Matthew 18:12 Referencias Cruzadas

1 HOKHVMX 21:17

Yehowa rueq Tishbe ghaq wawc shvmmax Eliya muex,

Tvtsvmc 119:176

Ngaz kuex vmoz vrvwvnc khel- buenx saz ikhoc khuemx moz vtaungx; mtvrac kuex tvlvlc gay mauk ningkhvnc nuex mnvrc waz rvtauk ngaz kuex lawc kaz loq.

ISAIA 53:6

Naungshiq lotlaz kuex khelbuenx hez ikhoc lvmx mawc wvnc vtueq, miqmac rueq vroc lvmx nuex kaz wvnc wuez vtix. Yuq muinz Yehowa rueq naungshiq rvhumc aungx yaq murx kuex vpiq htauk nuex tvgurc kuq tueq.

JEREMIA 50:6

“Ngvy miq htenc kuex khelbuenx remc jix rueq tsuingshiq khelbuenx htenc kuex kanx hong nuex tvkaz tvmoz gay tueq ikhoc yaungx yaq. Khelbuenx htenc rueq tsuingshiq tap htenc kuex lauk gay ruiux kanx shiz maq vduiz kanx shiz maq vsvt khuemx yaq ikhoc, tsuingshiq muinz khuemx wuez yaq.

EJEKIEL 34:12

khelbuenx remc jix waz rueq piq khelbuenx htenc rv-nyanc wvnc vtuex kuex tvtuimx yek vtueq tvkhup wungx shaungx. Ngaz rueq raungx nyauk wvnc vtueq kuilc daz rvhumc yaq raungnuiyq nuex, tsuingshiq rv-nyanc wvnc vtuex baung ruip saz wawc tvtuimx shvlx wvnc yek shaungx.

EJEKIEL 34:16

“Ngaz rueq vmoz vruez kaz hez kuex thuiyx shaungx, lvmx mawc jix hez muinz shvlx wvnc yek shaungx, vmac vtsac kuex yop kuq ruiux, vthuiuz vsac kuex tvhvlc kuq shaungx; yuq muinz puiz hvlc jix nuiyc hunglaungc hvlc jix kuex ngaz rueq tvbac gay shaungx, yvmx khoc lac ngoz ruiux lec ngaz kuex vlvmz rvkhauk shuimc jix khelbuenx remc jix waz rvtauk.

EJEKIEL 34:28

Miq phvnx htenc rueq tsuingshiq kuex mkaq muinz yauk laungc yalawx rvshuex rvmuq, svl vwvl ngvmx saz rueq muinz tsuingshiq kuex kauk phauk shuex rvmuq. Tsuingshiq kuex vhvlx waq kvwungx httax vtueq washiz raung rueq muinz tvhiz sungx shuex rvmuq.

EJEKIEL 34:4

Hunglaungc vyomx khelbuenx htenc kuex nuimshiq rueq tsvp kvp lawc muit, vthuiuz jix muex tvhvlc kuq muit, vmac vtsac kuex yop kuq muit, lvmx tvyaq kv-phuinx muinz shvlx wvnc muit, vmoz vruex kaz kvmuinz thuiyx muit. Kvkhoc ruec tvraung, nuimshiq rueq tsuingshiq kuex thuinz laung maq guirguenz vshuinx.

EJEKIEL 34:6

Kvkhoc rvtueq ngvy khelbuenx htenc kuex vjoz ghaqluimx htenc nuiyc kanx htenc nuex khuemx shamx wuez yaq. Tsuingshiq kuex ghaq htauk nuex rv-nyanc kaz wvnc wuez vtueq, tsuingshiq lawc jix, tsuingshiq kuex thuiyc tvkoc hunglaungx jix vshiz muinz vguez.

Matthew 12:11

Yesu rueq, “Nuimshiq nuex khelbuenx vshiz vhttax jix miq lomx vtueq, kvruex khelbuenx kuex Vguilc Raungnuiyq ghaqkhurx nuex dvy wvnc ruiux yuq, kvruex tvdung lvmz muq maq httaz jix miq nuimshiq phungc kvyuq vhttax haz?

Matthew 18:13

Kvruex piq rueq humc ruiux yuq, ngaz rueq vsuing nuimshiq muex jungx ix, moz kaz muq rok tvkuiuz rac tvkuiuz kvmac kokez tuex htauk nuex muinz vhumc vrvkaz kuiux kvmac jvnc vtueq kokez tuex rvtueq.

Matthew 21:28

“Majuiuc nuimshiq rueq yvmx khoc lac tvmaung wuez vshuinx? Laukshiz nuex miq washiz kuex vsaz wanueyc httax tueq. Vsaz pekhux waz kox nuex piq kaz vtueq, ‘Isaz lex, majuiuc raungnuiyq svpiq sunc nuex yauk shuimx kaz kuiuz,’ ngoz tueq.

Matthew 22:42

“Nuimshiq rueq Mesia lvmz kuex yvmx khoc lac tvmaung wuez vshuinx? Vpiq kuex ukhaq suiuz saz lac?” ngoz tueq wiz tueq. Tsuingshiq rueq, “Dawid suiuz vsaz rvtueq,” ngoz tueq.

1 Corinthians 10:15

Nuimshiq kuex tharc vhttax jix miqsaz htenc ikhoc muex ngaz rueq jungx kuq vphaungx, ngaz rueq jungx phaungx kvjaz kuex nuimshiq rueq htvp htaz lawc wuez shuinz.

1 Peter 2:25

Nuimshiq kuex lvmx tvmoz jix khelbuenx hez ikhoc yaungx wvnc tuit, majuiuc kuex nuimshiq siyac htenc tvkhup wungx kuq yaq Khelbuenx remc jix Waz kox nuex shex shvlc wvnc rvhumc vtuinx.