Matthew 10:41 - Hawa Naga Bible 2001

⁴¹ Shvmmax htvlx phawc lawc vtueq shvmmax malc wvnc jix waz kuex shvmmax yauk mauk lvp shuex. Tsuingrux waz htvlx phawc lawc vtueq tsuingrux waz malc wvnc jix waz kuex tsuingrux waz yauk mauk lvp wvnc shuex.

ASII LAKDAP Bible (BSI)

⁴¹ Jurwa Shiikeawe shammi tao tlaq, kriiti raq shammi we rii wa, kongphiq milap. Jurwa Shiikeawe aming langti tao tlaq, kriiti raq maiqshaq we rii wa poksi milap dam.

Muklom

⁴¹ Utang eq rangsamal ang tungkang o, chamtey sha jaqhal eq thawan ajo, ning aa rangsamal jaksom thang kapna. Etho utang eq asing miq ang tungkang o, chamtey sha aqhal eq thawan ajo, ning aa asing miq jaksom thang kapna.

Matthew 10:41 Referencias Cruzadas

RAPHA HIQWA LAK 20:7

Majuiuc muinz, kvruex nyuiuz kuex vtaungx waz kox nuex tvyek shuiuz. Piq kuex shvmmax waz rvtueq ningkhvnc nuex mnoz thueyc muq tvkoc piq rueq mnoz muex vjux thoz kuq kv-phux. Yuq muinz kvruex nyuiuz kuex tvyek muq ngoz ruiux kuex mnoz nuiyc mmiqsaz lotlaz thueyc tuinx,” ngoz tueq tvralc tueq.

ISAIA 3:10

Tsuingrux jix kuex thuinhvlx yaq, taungx vwawx ruip rawx tsuingshiq tvkoc vhvlx jvnc rvtuex. Tsuingshiq kuex miqmac shuimc vkay ningkhvnc nuex vkokez juing lvp wuez shuex.

Matthew 16:27

Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Matthew 25:44

“Kvkaq tsuingshiq rueq, ‘Taungjix lex, mnoz rvmc thuiuz rvhumc toq, khvmx svy rvhumc toq, wuinz waz muex yaungx toq, khoguez khvyguez yaungx toq, vthuiuz vsac nuiyc khoktep nuex shuiuz rvhumc toq nuex nuiyshiq rueq khiz yaq rvhvt maq mnoz muex shvlix lawx tv-phauk saq miq maq dvyx haz httax tiq nguinx?’ ngoz tueq tsuingshiq rueq tvralc shuex.

Matthew 25:45

Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex hez vwawc vruinx pinhtumc washiz muex nuimshiq rueq shvlix lawx kuq muit maq httax wvnc tuit kuex ngaz muex shvlix lawx kuq muit maq httaz rvtueq,’ ngoz tueq tsuingshiq muex tvralc tueq.

Matthew 6:1

“Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

Matthew 6:18

Kvkhoc rvtueq mnoz rueq phuiuz svy mamc shuiux kuex vganc miq rueq tuiuz muq maq, kvkhic muq baung nuex httax yaq m-Waz rueq dvyx tuiuz shuex rvtueq, kvkhic haungc muq baung nuex httax vtueq mnoz rueq shuimx shuiux kuex khic jix m-Waz rueq mnoz muex yauk mauk kuq kv-phux.

Matthew 6:4

Kvkhoc ngoz ruiux jix mnoz rueq kuq shuiux yauk shuimc kuex vyumx yauk shuimc yaungx vtueq, vyumx yauk shuimc khic lot jix m-Waz rueq mnoz muex tvyez kuq yek kv-phux rvtueq.

Matthew 6:6

Yuq muinz mnoz rueq vjux thoz ruiux yuq yuimx mungx khok nuex woz vtueq kaluix kuex shauk gay ruiux raz tueq, muik maq kvkhic muq waz m-Waz yauk wawc thoz shuiuz. Vyumx samaq shuimx yaq kuex khic lvp jix waz m-Waz rueq mnoz muex yauk mauk kuex kuq kv-phux.

Matthew 7:8

Yvmx khoc lac ngoz ruiux lec vthoz jix waz uraq muinz lvp wvnc shuex, vthuiyc jix waz uraq muinz humc shuex, vwungc tvruingc jix waz muex muinz kaluix kuex daz kuq shuex.

Acts 16:15

Piq maq phaungc vtueq tsuingshiq wvyuimx tuimx rueq yuix luip lvmz wvnc wuez tueq, kvruex yimaq Lidia rueq nuiyshiq muex, “Ngaz kuex Taungjix muex kvmluimx jix miqsaz rvtauk lvmz nuimshiq kvmx vtuinx ngoz ruiux kuex ngvy yuimx nuex duiz kaz luit,” ngoz tueq nuiyhez kuex laungc maq gvl wvnc phuex.

Romans 16:23

Ngaz muex shuimx kaz kuq yaq kvdvyx muinz rvmuq, vyuimx nuex phungc miqsaz lotlaz rvtuimx juing yuimx muex tvyaungc yaq yuimx taungjix waz Gaiu rueq muinz nuimshiq muex gvnhttuingc ngoz kuq yaq. Ghaqyungx kuimphox tumz shuimc jix waz Erastu nuiyc phunox waz Kuartu rueq muinz nuimshiq muex gvnhttuingc ngoz kuq yaq.

1 Corinthians 9:17

Mkhoc shoc maq vruex yauk shuimc kuex ngvy thuinroc thvl vtueq shuimx ruiux yuq yauk mauk ngaz rueq lvp shaungx; yuq muinz vruex yauk shuimc kuex Tishox rueq ngaz muex kuy shec ningkhvnc nuex vshuimc juing aungx kaz vtueq ngaz rueq shuimx vshaungx.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

2 John 1:8

Nuiyshiq rueq shuimx wvnc tiq yauk shuimc kuex nuimshiq rueq nauk tvmoz gay kaz, kvruex dvyx nuimshiq yauk mauk kuex mvrc laz lvp wvnc wuez shuinz, miqmac honc lvmz wuez shuinz.